يومين و الدار مهولة باسكو دارو عرس واحد ( شح ف التقاليد 😌) في دار العايلة باسكو كبيرة و ايهاب محبش يخرجها من لاصال حتى هي
وصل اليوم الموعود ( اوجوغ دوي سي لو جوغ جي 😌😂) و المفاجأة لي معلابالكمش هو عرس زوج عرايس ( لالا مشي نسمة و فاطمة باسكو جواد مخطط يخطبها بعد العرس )
لعرايس هوما ريم و نسمو لانو ايهاب اصر يعاودلهم العرس مع انو ريم حامل 😂🤭 ( البيبي تاع ريم هو الوحيد لي حظر عرس امو و باباه في الحلال 😂😂)
و هاهم رايحين جواد و ام ريم و ام نسمة و محسن يجيبوهم من عند الحفافة ( هاذ المرة راحو باش ما تتودرش 😂😂)
خرجو بلاغوب بلونش تحفة 😍 مع المكياج لخفيف غير الروج غامق .. دخلوا للدار و الكل يقراو عليهم في القرآن حكموا بلايصهم و العرس قايم .. ضحكوا شطحوا صوروا ( مش كيما لعرايس لي قاعدين كي الصنم 🤦🏻♀️ )
وصلو العرسان في طوموبيلات كلهم نواغ و ايهاب يسوق في هامر لونها كلي اوغونج فل غامق 😂 مكتوب وراها just married
هبطو الباردية هولوا الطريق و النساء يزغرتو هاذي تكمل و لوخرا تبدا .. دارو الرجال دوايرة كبيييرة داخلها الزرناجة و كل مرة يدخلو يشطحو مع ايهاب مع الفليميجان .. دار رايوو
على الجمعي لي هول العرس بالشطيح ول الوافي لي دار على ولادو يقلهم : هااو القاو مرا و فرحوني كيما وليد عمتكم
و هاو كمل العرس بعد ما خرجت نسمة تحت جناح باباها 😍
و العرسان نسمة و ايهاب قلعو لدارو و هي طول الطريق متوترة حتى الخزرة فس عينيه ماخزرتش فاقلهاو محبش يضغط عليها جوست يضحكلها ساعة ساعة
اخييرااا وصلوا .. و الشيء لي فرحها كثر الدار لي مزينها بالضواوي على شكل قلب ❤ .. حكملها يدها و حل الباب قلبها صار يدق اكثر حتى حس بيدها تعرق و النفو تسارع بعد ما شافت الدار معمرة شمووع و ورود بشكل سهم لبيتها
( فل نبكي بصمت عزيزاتي البايغاااات 😭😭😂)
دخلت للبيت و جوها رومنسي اكثر .. السرير موزع فوقو الورود و رسمة تاعها معلقة فل حيط ( رسمها هو الفنان الرومنسي 😍) طابلة معنرة شيكولات و قاطوات 😭😍 ( هذا هو الرسمي 😍)
دخل يدوش و هي بقات تتمعن و تحمد في ربي عليه .. خرج لابس شورت و يمسح في شعرو كان منضرو مغري لدرجة حبت تحضنو اما زربت دخلت للدوش عملت جرة و دهناتو بمرطب و لبست وش لازم تلبس 😏 و عاودت شعرها غير خفافي بلبلاك و دارت مكياج ابسط من الاول و بقات تشجع روحها باش تخرج و اخيرا قررت باش تخرج لكن لاحت منشفة عليها 😒 تلقى ايهاب متكي فسرير و عينيه يشعو فرحا بعد طول انتظار لكن سرعان ما كيلها من ساسها لراسها خايب مسكين عرف بلي مشي ساهلة باه تتفاعل معاه
ناض قدم ليها باه يلقها متخافيش و كلشي رح يجي بسياسة
اما هي تحشرت فل الحيط و بدات تبكي 😭 : س .. سمحلي منقدرش
ايهاب قربلها اكثر : حبي و الله ما نغصبك على حاجة نتي ارواحي بركو كلشي ساهل
شرعلها يديهو هي قوات ف البكاء 😭😭
نسمة: ماها ماها
ضحك و خبط راسو :نبان خطفت بيبي انا
حضنها و هي ضاغطة على روحها
ايهاب: اششششت ارخفي روحك مش رح نغتاصبك ا بنت خالي
في لحظة حست بالامان و بدات ترخف روحها قعدوا هكاك حتى غلبو رجليهم
ايهاب: هيا نرقدو مافيهاش اليوم
نسمة ساكتة و هو راح ينحي الورد على السرير بغزرة
نسمة : قلقت ؟
ايهاب في قلبو : مش قلقت حبيت نطيش روحي على التاقة برك 😡
بصح كي خزر فيها و لقاها ندمانة و حزينة
ايهاب : هههه نقلق منك ؟ مستحيل
و دار يطفي الشموع .. حضناتو نسمة من لور : مطفيهمش
ايهاب مات بالفرحة و 🔞🔞🔞🔞
سطوب يا منحرفين انتو 😒😏😂😂
و عاشو بعدها في ثبات و نبات و خلفو صبيان و بنات 😂😂❤🤭
STOOOOOOOOOOOOOOOOP
و هكذا تكون خلاصت حكايتنا 😍😍😭
نلتقي قريبا في حكاية جديدة 😌😍
هيا خليو رايكم كي العادة و لي جامي خلا رايو يخلي 😒😂
ان شاء الله كنت خفيفة عليكم 😁
نحبكووووووم ❤😍
أنت تقرأ
ايهاب و نسمة 🌸 باللهجة الجزائرية 🌸
Paranormalقصة جديدة رقم 5 مش من تأليفي مأخوذة من الانستغرام نتمنى تعجبكم خفيفة ظريفة
