ايهاب و نسمة 🌸 باللهجة الجزائرية 🌸

✌🏻✌🏻 four ✌🏻✌🏻

قدم باه يبوسها ... توقف ف آخر لحظة تخيفوا فمو يبعد على فمها غير ب 0.05 سنتم ولا أقل مبعد هبط راسو و تنفس على رقبتها ببطئ شديييد و هبط يجري

نسمة مخدرة خلاها تتنفس بسرعة و حاطة يدها على قلبها و تخزر فل قطيطة و تقولها : شفتي وش صرا فيا بسبتك .... عيب عليك مامي 😡

لعشية الدار قايمة قاعدة و النساء الكل يطيبوا و كل وحدة تبين في شطارتها باسكو ليوم هو العشاء لي تتجمع فيه العايلة كامل

هزت نسمة تيليفونها و هربت باش ماتخدمش .. وصلت للدروج و شافتها مرت عمي الجمعي

🧕: وين رايحة يا نسمة ... ارواحي تخدمي ارواحي

نسمة : بففف لازم تحكمني 😒

خيرة : اش قلتي يا بنتي

نسمة :  قتلك واش ندير .. و قربت منها

خيرة : هاو الكاجو تاع الكرطوس جابو الجمعي ديرينا بيه معجون نحلويو بيه

تعمرت الدار و خرجوا البنات يوجدوا ف الطوابل لكل مجمع .. و الكل يكحلوا على ايهاب 😍 اما هو كان يتبع ف الرقصة العفوية لي تتحرك بيها نسمة و هي رايحة جاية

تقدم ليها و البنات كلهم يراقبوا طامعين يحكي معاهم ول 😒

اما هو ديراكت حطها فيدها ولا نقولو طيشها خير 😂 زوج قرع ماء سعيدة و قالها : حطي هاذو فل فريجيدار و كون يقيسهم واحد نحيك

نسمة تقلقت و عيطت عليه : وش تشوف فيا  نخدم عندك ؟ تبانلي عندك يديك

و حطتهم فوق طابلة

ايمان بنت عمها الوافي : انا نحطهملك و نتهلا فيهم كثر من عينيا 😍

نسمة في قلبها : نجي نعميلك هذوك العينين لمدعمشين 😒

ايهاب : لا كثر خيرك هي لي تحطهم

و شد على يدها و همس في وذنها : ولا حابة نحكيلهم الفيلم ف السهرة .. و ابتسم بخبث 😏😏

توترت نسمة كليا رفدتهم و راحت بلا ما تحكي معاه كلمة و هو راح قعد في طابلة مقابل طابلتها

وصل الوقت و الضحكات ماليين المكان ... الولاد الصغار يجريو بين الطوابل حتى انك  متعرفش هذا ولد شكون ... و الحوش ديكوور روووعة 😍😍

البنات بدلوا قشهم بعد ما خدموا و تعبوا و كل وحدة لبست قندورة دار مستورة و باهية و ستيكاو شعرهم كاشما يصيدو 😂😂

و بالطبع نسمة مع زينها الجذاب طلعت تحفة 😍😍 طلقت شعرها الاسود كي سماء هذيك الليلة و لبست قندورة رمادي بالاسود تجي على لاطاي

و ايهاب لقى روحو يتبع فيها بعينيه بلا ما حس حتان خزرت فيه الشوفة تاع " وش بيك 😒 " دور راسو لقى زوج يكحلو عليها كانو صغار الكبير فيهم 17 سنة 😕 و هو خزر فيهم بنظرة تقتل 😱😨 هبطوا عينيهم و هربوا بدلو بلاصتهم 😂😂😂

كملوا يتعشاو في جو الضحك و اللعب الا انها لاحظت ايهاب قاعد غير مع طفل صغير يكون 13 سنة كأنو منبوذ

شافتها فاطمة تخزر فيه همستلها : .......

STOOOOOOOOOOOOOOP

حلقة جددييييييييدة 😍😍😍

يا دراا كيفاش جاتكم الحلقة 🙄

وش رايكم في ايهاب و تجاه نسمة 😶🙄

وش رح تقول فطوم لنسمة 😏😂

رايكم + فوت + كومنت 😊❤😍

حبكوووووووووم 😍❤