ليوم نسمة هابطة للبلاد ولا نقول الريف احسن باه يحظرو عرس بنت عمتها ريم
نسمة من النوع لي يتصرف بعفوية .. جمالها مش خارق كيف كل حكاية من الحكايات الخيالية أما كانت جذابة بشكل آخر كأنك ترتاح كي تشوفها و القلوب الطيبة تعرف بعضاها
هي من عائلة ميسورة الحال بسبب الورث تاع جدها .. العايلة تاعها مش مثالية أما عيوبهم مثالية 😂😂 تناقض مش هكا ؟؟ باختصار انو مشاكلهم بسيطة وطبيعية
و أمثل صفة تميزها انها تخمم بزاف حتى في أبسط الاشياء كانت تتسائل مثلا على شعور أمها كي عرفت أنها حامل بيها .. والدافع لي مخلي بوها يصرف على العايلة بلا ما يسأل حتى في مصلحتو .. كانت تتأمل فقوة الطبيعة و الانسان كانت تتخيلهم في حلبة مصارعة 😂 مش دايما افكارها عميقة المهم انها تبقى تخمم حتى لقات روحها بين ليبومبي والشرطة زادة .. تشوف في أمها كي طيحت التيليفون من يدها وتغاشات كي سمعت بالخبر و بوها لي يحاول يتماسك روحو و هو يقرى عليها الفاتحة ...
قاطعت تفكيرها فاطمة : تي وين رحتي
هههه قتلكم تحب تخمم وتتخيل
بالمناسبة معرفتكمش على فاطمة جارتها وصحبتها ولا خلينا نقولو اختها الثانية تعرفت عليها كي سكنوا جدد و هي طل تقرعج من التاقة تلاقات عينهم و فاطمة تسقي في الورود تبسموا لبعض و مع الوقت صارت نسمة كأنها من عايلة فاطمة و العكس لهذا راحت معاها لأن ريم اصرت تحظر عرسها
وصلوا اخيرا وبداو يمنشروا ويعلقوا على الدوار تاعهم
فاطمة : ضك تقابرك كش وحدة من الدوار تاع رمرومة وتخلاص عليك تحلبي ف البقرات هنا 😂😂
نسمة : ع الأقل انا عندي بقرة ب 80 مليون ولا أكثر نبيعها و الفيزا 😏 شوفي نتي لي تبوري و واحد ما يقبل بيك يا مهبولة حتى تاع هاذ الدوار 😏😂
طريق كامل وهوما يضحكوا حتان تلاقاو بعم نسمة الوافي .. وقفوا في ثلاثة يتمعنوا في بعضاهم
