ايهاب و نسمة 🌸 باللهجة الجزائرية 🌸

3️⃣🔟 ثلطاااااعش 3️⃣🔟

نسمة : وينو القطن

ايهاب: ديريها و تحوسي ع القطن

نسمة: ضك نمسحلك بل كوتون تيج

جابتهم من الصالدوبان و بدات تمسحلو و هو يتمعن في صدرها اللي مغطي ع الشعرة و كيفاه تلمس فيه و مركزة بالتمام و كيفاه تبعد شعرها على وجهها ( بالسلوو موشن 😂😂😂)

قلبو يخبط و جسمو يعرق و هي زادة كملت و جات نايضة حكملها يدها

ايهاب : وين رايحة

نسمة : يزي سماطة ايهاب خليني نروح ماما مقلقة عليا من لبارح و انا نكذب عليها

ايهاب : بعد الغداء نديك ضك خليك معايا

و جبدها في حضنو هي مستسلمة و هو يتمنى في الوقت يحبس باه يبقاو هكا ...

نسمة : تعرف انو عيب لي رانا نديرو فيه

ايهاب : ما يهمنيش

قامت تخزر فيه بجدية : ايه صح انت لي يهمك هو انت انا ما نهمكش لي راني عافسة على عايلتي باه نكون معاك و انت ولا على بالك

ايهاب: هذا الموضوع مفروغ منو .. انا ننتقم لأمي

نسمة : لا انت تنتقم ليك لأنو امك كانت قادرة تاخذ حقها بيدها اما انت مش متحمل فكرة انو عايلتك نبذاتك بدون سبب

ايهاب يصيح اكثر : ماهموش عايلتي و خليني مليح معاك نسمة خير ما نقلق

قام خارج حضناتو بكل قوتها و صارت تبكي و تقول : نعرف انها صعيبة ... نعرف انهم ظلموك بزاف اما حط يدك في يدي و خلينا نصلحو غلطات الماضي

ايهاب : .............

نسمة : انا مش شافقة عليك انا نفهمك و نحبك و نوعدك رح ندير كلش باه نخليهم يطلبو منك السماح و يعوضولك كلشي

طلقاتو و جات خارجة تجري حكمها و دورها ليه و باسها بكل حب و هي تفاعلت معاه

حطت يدها على خدو و هدرت بل خفيف : ايهاب تحبني ؟؟

سكت كليا و معرفش وش يجاوب ثمة فهمت روحها و خرجت تبكي

حكم راسو بين يديه و لأول مرة يحس روحو تايه ... خلى 5 دقايق حتان تكالماو في زوج و خرج قعد يتكيف عند الباب في هذا الوقت دخلت لبيتو لبست سروالها مع شوميز تاعو دارت خيمارها و خرجت لقاتو قدامها

فاتت كأنه مش موجود و هو يعيطلها

ايهاب : نسمة ... نسمة اصبري نوصلك

كملت تمشي و جاوباتو بلا ما دور عندو : كثر خيرك عندي رجليا

حكمها من يدها و جبدها بسرعة

نسمة : ما عندك حتى حق تمسني

ايهاب: و حابة تروحي هكذا 🙄 و أشار بعينيه للشوميز

نسمة: نرجعهالك ما تخافش هكذا باه ما تبقى تسالني حتى حاجة

ضغط على يدها و ركبها ف طوموبيل

نسمة: لا و حاب يشوفوني ولاد عمامي هابطة من عندك

عيط عليها : و حابة يشوفوك لابسة شوميز تاع راجل باش يقتلوك

تمتمت نسمة : و كأنو هامك اذا نموت ولا نحيا

حبس قدام حانوت تاع قش نساء : اهبطي

نسمة : ...........

دخلو خيرلها ليكات نواغ مش طويلة ولا قصيرة راحت لبستها و ديماراو

و هي تعدل في خيمارها ف روطروفيزور تهبط من يدها ليكات تبين ساكاتريس

لمحها ايهاب : شبيها يدك ؟؟

نسمة : اااه هاذي عملتك يا سي ايهاب

ايهاب تفجع : شمدخلني انا

نسمة بتشناف : ذاك النهار كي دزيتني على غصن شجرة نسيت ؟؟

STOOOOOOOOOOOOOP

حلقة جديدة ✌🏻😍

طولت عليكم ديزولي بدينا لقراية و لهيت معاها 😪😪✌🏻

شكراااا لي سقساو عليا نحبكوووووم 😍😍❤

رايكم + فوت + كومنت 😋✌🏻😍❤