ايهاب و نسمة 🌸 باللهجة الجزائرية 🌸

6️⃣🔟 سطاااااااااعش 6️⃣🔟

نسمة بخوف 😭 : س سمحلي والله كنت حابة نحكي معاك برك مش قصدي نرغمك .....

قدملها خلاص و فجأة هبط لرجليها و حط وجهو عليهم و محوط خصرها بيديه و قال بفرحة كبييييييرة

ايهاب: لا مرسي كي ارغمتيني نعترف بمشاعري لي كنت خايف منها و من الحواجز لي كانت بيناتنا

( لا تصدقو نعم انها طريقة اصطياد سمكة التونة العنيدة 😂😂😂😂😂)

نسمة تسمع فيه و هي تلعبلو بشعرو و قلبها يزغرت مش حتى يدق ...

قام يتمعن في وجهها و كمل اعترافو : انا خسرت و خسرت بقوة لكن عمري ما ندمت كي لعبت معاك ... نحبك نسمة نحبك نحباااااااك

( خلااص ياسيدي سمعنا و الله سمعنا و فهمنا 🤦🏻‍♀️😒😂😂)

نسمة : و انا نموت علي....

قبل ما تكمل خطفها ببوسة طويييييييلة خدرتهم لزوج مبعد هزها و بقى يدور بيها

( باينة مش رح يبقاو يدورو للأبد 😒 المهم سيليباتار ضباسط منسيتكمش 😂😂😍)

وصلها للدار و دخل معاها حاكملها يدها و راسو طالع للسماء

نسمة: تي وين رايح

ايهاب: امشي و اسكتي 🤫

دخلو للصالة و هوما هكاك كلهم تصدمو 😳😳 حتى من فاطمة ... و نسمة تحاول تبعد يدها عليه .. تي حشومة قدام امها و ولاد عمامها اما ايهاب ما سيبهاش و قال و كلو ثقة

ايهاب : انا رح نسحب الشكوى و نخرج خوالي و خالاتي من الحبس حتى الدار تبقى ليكم و ما نحتاج حتى دينار .. خزر فس نسمة يتبسم و كمل : اما شرطي الوحيد اني نتزوجها و نتمنى تعاونوني باه نقنع خوالي

نسمة حمارت ولات طمطومة و بدات تخمم : هذا خشين الراس لي حبها و تنازل على انتقامو على خاطرها سبحان الله مغير الاحوال

قام جمال الكبير في غياب بوه و كل العيون تستنى في ردة فعلو الخايبة اما هو قعد يخزر فيهم للزوج و الصمت مالي الصالة و في لحظة تلاح عنقو الاول و يبتسم من قلبو و ناضت فاطمة تزغرت و نسمة تحضن في امها و يبكيو من الفرحة .. ايمان فرحتلها بصح حاسدتها على زهرها .. و قامو لبنات يغنيو و نسمة في وسطهم ايهاب يحكي مع ولاد خوالو و لأول مرة يحس روحو مرغوب برك بصراحة كان متوقع انو يردوه او حتى يسمعوه كلام اما لي صرا خلاه يحس انو بين عايلتو لي عندو سنين فاقدهم و بعد الفرحة جا وقت الجد قعدو يخممو كيفاه يقنعو الجمعي و الوافي

فاطمة : ديرو العرس و خرجوهم في نهارو يا بعد هكذا يتحطو تحت الامر الواقع 😂

نسمة: لا حابة نعاودو نغلطو نفس الغلطة نتزوجو بلا رضايتهم حتى يتبراو منا

ايهاب :.............

نسمة داخلها : اييي هلكتها ضك يتغشش مني

ايهاب ناض : رايح نحكي معاهم بالصريح و منها نخرجهم

جا خارج لحقاتو نسمة :اديني معاك

ركبو السيارة و الصمت سائد عليهم حتى كسراتو نسمة

نسمة : حبي .. سمحلي تكلمت في موضوع يجرحك و الله مكان قصدي بالعكس عمتي كانت اشرف الناس ربي يرحمها

STOOOOOOOOOOOOOOOOOOP

حلقة جدييييييدة 😍😍

راه مبقاش بزاف و تخلاص الكرونيييك 😁✌🏻😍

هيا اعطوني رايكم لي يقرا يخلي رايو متقراوش و تهربو 😒😂

نحبكووم 😍✌🏻❤