جمعنا القدر

الفصل التاسع

مروان : مستحيل
عامر : نادية !
نادية : اه نادية مالكم مستغربين ليه
مروان : انتى ايه اللى جابك هنا
عامر : اخرجى من هنا فور
نادية بسخرية : دا بدل متقولى عاملة ايه ولا تقولى كنتى فين الفترة اللى فاتت ..... بس اتوقعك منكم ايه .
مروان : ولا تتوقعى مننا ولا نتوقع منك اخرجى من هنا من غير شوشرة
نادية : اخرج مش لما نخلص الشغل اللى انا جاية عشانه
عامر : شغل ايه وكلام فارغ ايه امشى من هنا احنا مش فاضينلك
نادية : تؤتؤتؤ اهدى مش كدا الانفعال دا غلط عليك مش لما تعرف انا مين الاول
مروان : هتكونى مين يعنى غير ..
نادية : متكملش انا عارفة هتقول ايه على العموم مش مهم اللى هتقوله اقولك انا ...... انا مدام نادية السيوفى ..... مفاجأة صح
نادية : ايه لسة مصمم اخرج من هنا برده ؟
مروان : بما انك جاية عشان الشغل فخلينا نخلص عشان تمشى
عامر : مروان
مروان : بعد اذنك يا بابا
انتهى الاجتماع وغادرت نادية
عامر : انت ازاى تقبل الشغل معاها
مروان : يا بابا دا شغل ملهوش علاقة بحياتنا الشخصية دا اولا ثانيا بقا لو رفضنا نشتغل احنا اللى هنخسر وهنخسر كتير كمان
عامر : بس نادية مش ناوية على خير
مروان : متقلقش كل حاجة هتبقى تمام
عامر : ربنا يستر

بعد ان خرجت نادية من الشركة ذهبت الى النادى

الشاب : ها عملتى ايه
نادية : كله تمام
الشاب : لازم تخدى بالك دول ناس مش سهلين
نادية : انشاء الله كل حاجة هتحصل زى ما احنا مخططين
الشاب : طب دلوقتى هترجعى ولا هتيجى معايا
نادية : لاء لازم ارجع
الشاب : طيب انا لازم امشى دلوقتى عشان متاخرش
نادية : ماشى اوعى حد يشك فيك
الشاب : متخافيش وتركها الشاب وغادر
نادية لنفسها : لازم انتقم لسنين عمرى اللى ضاعت لازم تعلنوا افلاسكم هخليكوا تشحتوا لازم اخليكوا تندموا على كل حاجة عملتوها فيا .

فى فيلا الصياد

مروان : بابا عايزك فى موضوع
عامر : موضوع ايه يا مروان
مروان : بخصوص فرحى انا وسمر
عامر : ماله
مروان : بصراحة بفكر اخليه فى اخر الاسبوع
عامر : براحتك يا مروان بس خليها حفلة بسيطة
مروان : حاضر بعد إذنك

و صعد الى غرفته
و أخرج هاتفه و ضعط رقم خاص .

مروان : السلام عليكم
........... ..............................
مروان : اخر الاسبوع جهز نفسك
........... .....................
مروان : اوعى تغلط دى الفرصة الوحيدة اللى قدامنا
.......... ...................
مروان : ماشى سلام

ثم اتصل على سمر

مروان : ايوه يا حبيبتى عاملة ايه
سمر : انا تمام يا بيبى كلمت باباك عشان فرحنا
مروان : اه
سمر : وقالك ايه وافق نعمل الفرح على اخر الاسبوع
مروان : اه وافق
سمر : بجد اخيرا طب اقفل بقا دلوقتى يا حبيبى عشان عندى حاجات كتير لازم اعملها قبل الفرح
مروان : مع السلامة