جمعنا القدر

الفصل السابع و العشرون

ايسيل : فى ايه

كرم :متكليش بصى فى ايه .....

ايسيل : فى ايه ؟ الاكل حلو اهو

كرم : لاء دا فيه شطة و انتى عندك حساسية منها

ايسيل باستغراب ( لأنه لا احد يعلم بخصوص هذه الحساسية سوى قدر و صباح مروان نفسه لا يعلم بذلك ) : و انت عرفت ازاى ؟

كرم و هو يتهرب من السؤال : كلى من دى مش فيها شطة

ايسيل : طيب .

بعد ان انتهوا من تناول الطعام ... قامت ايسيل و اراحت جسدها على الفراش .... ثم نظرت الى كرم الذى ينام على الأريكة و يتحرك كثيرا لانه غير مرتاح و قالت : تعالى نام على السرير يا كرم

كرم : لاء نامى انتى انا هنام هنا

ايسيل : بلاش عناد و تعال نام هنا انا مش هكلك يعنى و بعدين الكنبة صغيرة و هتتعب و مش هتعرف تنام

كرم : لاء متقلقيش مش صغيرة ولا حاجة انا مرتاح هنا

نهضت ايسيل من مكانها و تحركت الى الكرسى قائلة : انا كمان مش هنام على السرير و هنام على الكرسى ده .

كرم : ايسيل نامى على السرير و بطلى عناد

ايسيل : لاء هنام هنا طول ما انت مصمم انك تنام على الكنبة

تنهض كرم ثم نهض من مكانه و تحرك الى الفراش قائلا :طيب خلاص هنام على السرير تعالى نامى بقى

نهضت ايسيل هى الاخرى و هى تبتسم بانتصار ثم اردفت : ناس مش بتيجى غير بالعين الحمرا .

و ذهبوا فى نوم عميق .

      ♡♡♡¡¡¡♡♡♡¡¡¡♡♡♡¡¡¡♡♡♡

فى مصر فى فيلا الصياد و تحديدا غرفة مروان و قدر .

مروان بتأفف : يا قدر يا حبيبتى ارحمينى و الله ورايا شغل كل شوية تعبانة تعبانة دا انتى لسا فى بداية التانى اومال فى التاسع هتعملى فيا ايه دا انا طلع عينى من المقالب ارحمينى .

قدر بتألم و صريخ : يا مروان الحقنى و الله مش بهزر تعبانة بجد

مروان : كل مرة تقولى مش بهزر واضرب على قفايا 

قدر : 😭😭😭 و الله تعبانة يا مروان

اغلق مروان الحاسوب و نهض من مكانه قائلا بقلق : طيب خلاص اهدى متعيطيش هغير هدومى و هوديكى

قدر : بسرعة

بدل مروان ثيابه المنزلية الى اخرى ثم خرج و ساعد قدر ان تبدل اسدالها هى الأخرى و اخذها و ذهب الى الطبيبة .

فى العيادة داخل غرفة الفحص .

مروان : ايه يا دكتورة الوجع دا من ايه ؟

الطبيبة : مفيش داعى للقلق المدام قدر كويسة و الجنين كويس هى لسا فى الاول و دى اعراض طبيعية انا هكتبلها على شوية ادوية عشان هى ضعيفة اهتموا بأكلها شوية و يا ريت بلاش مجهود .