رواية سعوديه/ احباب في مقبره الحب (مكتمله)

P(9)

بعد يومين وفي يوم الخطبة تمت الموافقة على شروط معاذ
في غرفة سحر 2:00 ظهر
سحرتصرخ:جلسة مو جالسة.......وخلي بنتك تنبسط أنا بخرج وأسيب البيت
سلوى:سحر......لاتجنيني ذي ملكة أختك لاتاكلين وجهي من الناس
سحر :لاتتعبين نفسك جلسة مو جالسه
سلوى:ترى بعلم أبوك
سحر كانت خايفه لا تعلم أبوها لكن مابينت لها:لاتكفين لا تعلمينه.....من أبوي؟؟؟؟ أنا أبوي مات من قبل مانولد
سلوى:سحرررررر أحترمي نفسك ترى بناديه
سحر قلبها في رجلها:ايه بالله ناديه .......كويس إذا عرفني
سلوى طالعت فيها واستسلمت من بنتها طلعت وخلتها لوحدها أما سحر غيرت لبسها لبست من ملابسها القديمة تي شيرت أصفرساده واسع وبنطلون جنز واسع ومقطع وربطتت شعرها بسرعه وكان نازل منه خصل على وجهها ولبست نظارتها من شانييل ولبست عبايتها وحطت طرحتها على كتفها ونزلت ولما خرجت القراج قابلت أبوها ومعاه رجال ماسك أوراق ويتكلمون خافت أن أبوها يرجعها للبيت مرت من جنبهم طالعوا فيها وطنشوها وقفت وفصخت النظارة وطالعت في أبوها
سحر :السلام عليكم
محمد والرجال:وعليكم السلام
الرجال كان يطالع فيها مستغرب من شكلها الولد وأبوها يطالع في الأوراق
سحر شكت ان أبوها ماعرفها:كيفك يايبه؟؟؟
محمد عقد حواجبه وطالع فيها مستغرب:مين؟؟؟؟(بتردد)سحر!!!
سحر لما قالت لأمها ماراح يعرفني صدقت ابتسمت ابتسامه استهزاء لأن أبوها ماعرفها
سحر :ايوا سحر
الرجال طالع في محمد مستغرب في أب مايعرف بنته
محمد:كيفك ؟؟؟
سحر:الحمد لله بخير
محمد:كيف الدراسة..... سنه كم الحين؟؟
سحر:انا خلصت دراسه
محمد:ماشالله وش تخصصك؟
سحر طالعت فيه باستخفاف وضحكت:ههههههه أنا خلصت مدرسه مو جامعه
الرجال ابتسم وكتم الضحكة
محمد اتفشل من كلام سحر
محمد بحزم:ادري أنا أقصد وش بتتخصصين؟؟
سحر والرجال فهموا الحركة ومشّوها
سحر:أنا ماخذه ذي السنه راحه والسنه الجايه بسافرعند زياد أدرس
محمد:أمممم.......الله يوفقك أنشالله
جاء السواق وركبت سحر السيارة وأبوها رجع يتكلم مع الرجال على الأوراق
كومار:على وين تبغي روه مس سهر؟؟
سحر والعبرة خنقتها:على جنهم الحمرا.......لف بالشوراع كالعادة
سارت تفكر بأبوها اللي مو مهتم فيها ولامهتم بالملكة حقت سمر كمان ولاخاصمها ورجعها البيت عشان الملكة
بالعكس ما سألها وين رايحه بعز الظهر....... ماتفتكر متى آخر مره شافت أبوها....ماقد تكلم معاها عن حياتها ماتفتكر أنه في يوم جلست وضحكت معاه ماتفتكر أنها في يوم حضنته أو سلمت عليه دايما يكون بينهم حواجز....دايما أبوها مشغول بقضايا الناس وناسي اهم قضية بيته وبناته ......دايما يفضل زياد عليهم من يوم هم صغار ....دايما تشوفه يضحك مع زياد ويتكلم....دايما زياد يتخاصم معاه وفوق هذا مايزعل منه ويتأمر عليه وينفذ أومراه.....أما هي ماتفتكر في يوم طلبت منه شيء دايم تطلب من كامور وناني وكأنهم أمها وأبوها...أبوها وأمها مايعرفون مزاجها مايعرفون وش تحب ولا وش تكره ولايعرفون تجلس مع مين وفين تروح ماحد يعرف هذا كله.... الكل متهمها أنها وحده مو كويسه ووسخه وبس ماحد يعرف وش في نفسها وش هي فاقده ووش راح تفقد حتى أكثر شخص يعرفها تخلى عنها وسارت نظرته زي نظرة الباقين
قاطع تفكيرها سؤال كومار:مس سهرإبغى روه متأم؟؟ (مس سحر تبغين تروحين مطعم)
مسحت دموعها:لامابي......بس جيب بكت دخان و2بايسن
كامور:لامس سهر دخان مضر......وبعدين انتا فيه سيب دخان من زمان
سحر:أقووول بلا لقافه وجيب وأنت ساكت
كامور:مس هازا في أقتل
سحر صرخت عليه:مو شغلك جيب وأنت ساكت........هذا اللي ناقص سواقين يتحكمون فيني
كامورعصب:لايصرخ ولاسب أنا أنا أبغى مصلحت أنته......أصلا أنافي خز ناني وأرجع بلد أحسن
سحر بثقه:مرررره تكفين ناني بترضى وتروح
كومار:نهنا في كلام مدام سلوى ومستر عيسى وهو قوول خلاص طيب وبعد أسبوع في روه...وأنت في أفتك من أنا
سحر حطت يدها على خصرها:نــــعــــم.....وأنا مين يوديني ويجيبني.....وبعدين مين عيسى ذا اللي وافق؟؟؟
كومار:هازا مدير الأعمال هق مستر مهمد.......انتي شوفي هو دحين كان واقف مع مستر مهمد
سحر سكتت ماعرفت وش ترد حتى السواق والخدامة يعرفون اللي في البيت أكثر منها
سحر:خذني عالبحر.....وانت ساكت
.................................................. .....................................
في بيت محمد الفهد
بعد صلاة المغرب عائلة الفهد وعائلة الراحل مجتمعين بمناسبة الخطبة والملكة
محمد الفهد وأخوانه وعيسى ومعاذ وأبوه وأعمامه وأخوانه الصغاروالمملك
أبو معاذ:يابو زياد حنا جينا اليوم نتشرف نخطب بنتكم سمر لولدنا معاذ على سنة الله ورسوله ونتمنى تقبلونا نسايب وأرحام
محمد:والله نتشرف نناسب عائلة الراحل وحنا قابلين في معاذ زوج لبنتنا
المملك:على بركة الله....... ممكن العريس وولي أمرالعروسة والشهود يجون عندي يوقعون
وقعوا كلهم وباقي توقيع العروسة أخذ أبوها الدفتر وراح عندهم الصالة الثانية
محمد من عند الباب :أحم أحم..... يأم زياد
سلوى خرجت عنده:هلا
محمد:وين سمر خليها توقع
سلوى:سمر فوق بجناحها أطلعلها.....بس أنتبه البنات عندها
محمد:طيب
طلع فوق عندها دق باب الجناح
رناد:مييييييين؟
محمد:وين سمر خليها تجي توقع
سمر قامت وهي خايفه راحت لأبوها بره وقفلت باب الجناح
محمد:سمر بابا أنتي راضية بمعاذ
سمر مستحيه:ايوا
محمد:بابا سمر هذا زواج مو لعبة إذا مو متأكدة افركش كل شيء الحين
سمر جا على بالها خالد وحست أنها تخونه بزواجها
محمد مسك كتف سمر :تبينه ولا لا؟؟؟؟
سمر طالعت بالدفتر ولقت توقيع معاذ مسكت القلم ووقعت
محمد حضنها وسلم على رأسها :الله يهنيك يارب
سمر استغربت من أبوها أنه يحضنها طارت بالسماء أبوها اللي ماقد حضن أحد من أخوانها يحضنها
سمر:آميييين
محمد راح للرجال وسمر دخلت عند البنات
سمر:آآآآآآآآآآآآآآآآآآآآ
البنات(رناد- لمار- فرح - رزان)
رناد:خير أش فيك؟
فرح راحت عندها حضنتها:أكيييد وقعت ...........هلا والله بحماتي
سمر:وقعت ............(فكت فرح)بس تخيلو بابا حضني وسلم على رأسي
الكل طالع فيها باستخفاف
رزان:أنتي دحين فرحانه عشان أبوكي حضنك
سمر هزت راسها بايوا
لمار:طيب عادي ..........لايكون ذي أول مره يحضنك فيها ؟؟؟؟ههههههههه
رناد:هههههههههه تخيلو أول مره يحضنها هههههههه
رزان بغرور:أما عاد....... فيه أب مايحضن بنته ........أنا بابا كل يوم يحضني ويسلم علياّ.....من جد أبوكي أول مره يحضنك؟
سمر انكمشت وحست أن الكل مستغرب أن أبوها يحضنها اول مرره وحست أنهم بيضحكون لو قالت الحقيقة
راحت جلست عالكنبة سمر:بلا هبل مو أول مره يحضني لكن قال لي كلام حسسني كبيره...........(بدأ التخريش)هو دايما يقول لي انتي بيبي مهما كبرتي ودايما يقول لو كان في بطنك ولد حيكون أعقل منك ومن دلعك الزايد...........ودحين قالي أخيرا حسيتك كبيرة
لمار:ههههههه ماقال شيء غلط أنتي بزر طووول عمرك
سمر بغرور مصنع:ما يهمني كلامك المهم كلام بابا...
دخلت عليهم سلوى
سلوى:يلا سوسو معاذ تحت
سمر استحت وسارت خايفه :ماما مابغى انزل .........خايفه
فرح مسكت يد سمروقومتها:ولا يهمك أنا أنزل معك وأجلس وأخبص الجو عليكم
سمر:شكلي حلو يابنات(تطالع في المرايا)لبسي مرتب وشعري هاتي العطر
فرح سحبتها :خلاص تراك تهبلين وتجننين وبيخق عندك
البنات وسلوى ضحكوا على كلام فرح