رواية سعوديه/ احباب في مقبره الحب (مكتمله)

P(28)

أختنق بعبرتي محدن درابي

وتهل دمعتي وأطيح بالقاع

تخلوا هلي..صحبتي..واحبابي

وقلبي على حكم القدر منصاع

حتى الذي على حبي مادرابي

راح وتركني وحيد وملتاع

أكذب على نفسي واصدق اكذابي

بقوله خلي وافي ولحبي ما باع

ويصدمني بصده في عز مطلابي

ويتركني أعاني الحزن مرتاع

وأنا الذي لو طلبني شرعت بابي

لبية مطلابه ولوعلي شقى وأوجاع

وجيت لداره بلا عد وحسابي

ولو دربي له ضياع في ضياع

وبيبقى وعدي لين يحضني ترابي

أبقى الوفي له بلا بعد وخداع

في السياره
سحر:خالد خذني عالشقه
خالد مستغرب:ليه؟؟
سحر:خذني وياليت مايكون فيها احد
خالد:الشقه مليانه شباب اليوم لكن بوديك على شقتي
سحر:الشقه فاضيه؟؟
خالد:لاتخافين فاضيه....بس ليه تبين تروحين؟؟
سحر:يوم نوصل تعرف
خالد:............

في الشقه
دخلت بعد خالد وبهدوء كانت تطالع في الشقه أثاثها حلووو ومرتب وباين انها شقة عزابي
خالد:ذي الشقه يوم اطفش من بيتنا جيت لها
سحر:امممممم
الشقه كانت مره صغيره غرفه وحمام ومطبخ وصاله صغيره...دخلت غرفة النوم كانت مرتبه مرره<<<معلومه :خالد يحب الترتيب
سحر فصخت الشنطه وجلست على طرف السرير تماسكت وطلعت الكلام بصعوبه
سحر:خالد
خالد كان يطلع الجوال والمفتاح من الجيب ويحطهم عالشوفنيره:هلا
سحر نزلت عيونها على الارض وصارت تلعب بطرف طرحتها:خالد مو انت المره اللي طافت بغيت تاخذ اغلى شي عندي
خالد تنهد وطالع فيها من المرايا:سحر اسمعي....انا زمان كنت أبي اغلط...لكن الحين تاكدي انك مثل اختي واخاف عليك اكثرمااخاف على نفسي
سحر:بس انا مابيك تخاف علي.....(طالعت فيه)خذ اللي تبيه مني
خالد فتح عيونه عالاخر وراح وقف قدامها:سحر!!!!!!!!
سحر:خالد تكفين خالد خذ كل اللي تبيه مني....أبي أرتاح خذ كل شي تبيه انتقم للي كنت اسويه فيك اول...خالد واللي يرضى عليك خذ كل شي و انا مابقولك لا
خالد عصب:سحر لاتقولين كذااا..
سحر:خالد تكفين خذ كل شي واوعدك أني مابعلم احد واصلا بعدها مابتشوفني ابد
خالد قرب منها وسحب الشنطه منها وفتحها...لقي فيها موس وسكينه وحبل
خالد بعد عنها وصار يدور في الغرفه ويحك رقبته ويحاول يتماسك
خالد:وش ذا ياسحر؟؟؟
سحر:وش يعني!!وحده تبي تموت وحده تبي تنتحرررر
خالد قرب منها وحضنها...سحر انهارت وضمته كانت محتاجه من يوقف معها كانت محتاجه حضن ترمي عليه حضن ترمي همومها وتروح مو ذنبها انها توعدت على ذا الشي هذا ذنب معاذ اللي عودها على حضنه
خالد:سحر خلاص ماحد يستاهل انك تموتين عشانه وتتعذبين في آخرتك عشانه
سحر منهاره:أبيه ياخالد هو لي وبس مو لغيري هو يقول أنا أم عياله هو يحبني ياخالد يحبني
خالد بهدوء :سحر كفايه...لاتفكرين في شخص مايبيك
سحر:لاخالد هو يبيني انا سحورته
خالد:سحر خلاص انسيه
سحر بعدت عن خالد وجلست عالارض واسندت ظهرها عالسرير وضمت رجولها لصدرها
سحر وهي تبكي:ماقدر انسااه ماقدر..........معاذ عاش معي سنييييييين ورباني معاذ علمني الصح من الغلط معاذ كنت أرمي نفسي بحضنه وأشكي له همي ويشكي لي همه معاذ روحي وكل شي فيني أبيع الدنيا بس يرجع لي معاذ
خالد جلس بجنبها وبدأ يفضفض معاها:يوووو ياسحر ليه تبين اللي مايبيك...تصدقين كنت اول مافكر في سمر وكنت ماخذها تسليه مثلها مثل غيرها كنت يوم اكلمها احس بشي غريب احس ان الفراغ اللي داخلي يتملئ ويوم اتركها احس اني مضيع ولا ناسي لي شيء احس انها ملكي وقت مابيها اخذ منها اللي ابي...ويوم عرفت كل شيء وتركتني عرفت وش سمر بالنسبه لي عرفت اني حبيتها حبيتها بحلوها ومرها حبيتها بصحها وغلطها حبيتها مو لانها حلووه حبيتها لانها كانت معي غييير والكل يشهد على ذا الشي كانت تحت امري اللي اطلبه منها تسويه ولا تقول لا ابدا حبيتها لانها قويه قدام الناس ولا تقووول لاحد شي لكن معي تبكي و تشكي وتضحك وتدلع وتتكلم غييير ومع الناس غييييير
سحر:....
خالد نزلت منه دمعه:عارفه ياسحرلو يرجع الزمن لحظه بدلت كل شي
سحر:لووو
خالد:اااااااااااه ياقلبي ليه يصير فينا كذا
لحظة صمت كانت الدموع تتكلم وكل واحد فيهم دموعه تعبر عن حالته
قهر
ضياع
نسيان
فراق
خيانه
غدر
بعد ساعه
وقف البكي وكان كل واحد رايح بعيد بتفكيره ويفكر في همه
خالد:سحر
سحر:همممم
خالد:اسمعيني زين....الحياه مابتوقف عند معاذ وسمر..هم الحين تزوجوا والحين هم مبسوطين وحنا لازم ننساهم
سحر طالعت فيه:مستحييل
خالد:ماراح يفيدك لو خليته في بالك أنتي اللي بتتعذبين مو هو...سحر لو تحبيه انسيه خليه يعيش حياته مو هو اختارها.....خلاص ماينفع نغير شي ابدا
سحر:احاوووول
خالد:وانا بعد بحاول...مو بسهوله بننساهم لكن مع الوقت بنتخطى ذا الشيء
سحر:انشالله
خالد:يلا قومي غسلي وجهك وخليني اوديك بيتكم
سحر:يلا
....................................
في السياره
سحر وهي نازله
خالد:سحر
سحر لفت عليه:هلا
خالد:اتمنى انك تنفذين اللي قلته لك...وتنسين قصة الموت ياسحر
سحر انتهدت:انشالله
خالد:طمنيني عليك بين كل فتره وفتره
سحر:انشالله....شكرا خالد
خالد:سحر حنا أخوان لاتشكريني على شيء
ابتسمت له ابتسامة شكر وامتنان عاللي سواه يعني لو غيره كان نفذ طلبها ولا فكر
نزلت سحر وكانت الفيلا هاديه مررره والملاحق نفس الشي هاديه
دخلت البيت وكانت الانوار كلها مطفيه ومافيه غير الابجورات (إضاءه خافته)طلعت فوق دخلت غرفتها غيرت ملابسها وراحت لغرفة البنات ولقتها فاضيه.....اسودت الدنيا في وجهها يعني هم كانوا المتنفس الوحيد لها كانت تتسلى معاهم والحين راحوا ولا ودعتهم على كثر ماجرحتهم بالكلام وعايرتهم بفقرهم وبداوتهم وفوق هذا كله ولا قالوا لها شي كانت عارفه انهم يشيلون في قلبهم ومايبون يتكلمون و لايبون يجرحون مشاعرها كان نفسها تعتذر منهم على كل اللي قالته لهم لكن.....خلاص راحوا ومابقى لها احد يعني بترجع لعزلتها ووحدتها ...كانت راجعه للغرفه لكن وقفتها سلوى
سحر تكلم نفسها: (أكيد اخذهم محمد وهو راجع للرياض وجع بقلبه انشالله...عنوده وحشتيني كان نفسي اسلم عليك..هنادي الجبانه...هنوف المدلعه خلود العاقله أسماء وهند الله يثبتكم يووووه كيف بقضي اليوم من دونكم اتعودت عليكم)
سلوى وهي معصبه مره:وين كنتي؟؟؟
سحر مستغربه من سؤالها:اش وين كنت؟؟؟
سلوى:ليه تخرجين من الزواج وش تبين الناس يقولون عنا؟؟وش تبين اهلك يقولون عنا مانعرف نربي؟؟بنتنا خارجه الساعه 3 ليل برى البيت ومانعرف وينها وليه خرجتي من الزواج أصلا؟؟....موعيب عليك يعني زياد من صوب وانتي من صوب...لذي الدرجه ماتحبون اختكم ولاتتمنون لها الخير ولاتشاركونها فرحتها
سحر طفشت:يوووه وش تبين انتي؟؟؟خلاص رجيتيني
سلوى:سحررر عدلي معاملتك معي انا امك
سحر تبغى تخلص الموضوع:ايييييه طيب
سلوى:سحرلاترجعين لعادتك القديمه
سحر:انتي وش تبين؟؟؟
سلوى:وين رحتي الساعه 3 ليل ها؟؟؟
سحر:وش دخلك فيني اروح وين مااروح مالك دخل فيني
سلوى:سحر انا امك ولي حق اعرف
سحر جلست عالكنبه:ياشيخه اسكتي بالله قال حق قال.....18 سنه ماتعرفين وين اروح والحين تبين تعرفين..بالله اسكتي
سلوى حست الآلآم رجعت لها لكن تقاوم:لاتسكتيني ياسحر واحترمي نفسك لايصير شي موطيب اليوم
سحر:يعني وش بتسوين بطقيني طقي ولافكرت فيك
سلوى:ماقول غير حسبي الله ونعم الوكيل فيك ياسحر
سحر:روحي نامي احسلك تراك قرفتيني مررره
سلوى دخلت غرفتها وحاسه بدوخه قويه حاولت تتماسك وتاخذ الدواء...وصلت للطرف السرير والكومدينه اللي بجنب السرير عليها الأدويه جات بتاخذ الدواء إلا طاحت واغمى عليها
............
سحر سمعت صوت أشياء تطيح جلست وحاولت تطنش لكن الفضول قتلها وخصوصا ان الصوت جاي من غرفة امها...قامت بسرعه دخلت الصاله شافت كل شي تمام دخلت الغرفه لقت أمها طايحه في الأرض وأدويه كثيره طايحه بجنبها ارتبكت وماعرفت وش تسوي اتصلت على ربيبه
.................................................. ........

.................................................. ........

.
.
.