رواية سعوديه/ احباب في مقبره الحب (مكتمله)

P(17)

عند البحر
خالد جالس في المكان اللي حددته ويتفرج عالبحر والأمواج..........كان مبسووووط لأنه يستنشق هواء جده.......يستنشق رطوبتها وريحة بحرها هو ولدها وعاش وتربى فيها ولا خرج منها ابدا....
سحر نزلت من سيارتها وراحت جلست بجنب خالد وكأن ماصار شي بينهم كانت تمشي بثقه ورسميه ولا تبغى سحر القديمه اللي تعطي الاولاد وجه وتدق حنك معاهم
خالد ابتسم لها:هلا.......جايه قبل الموعد غريبه
سحر:........
خالد:كيفك؟؟
سحر:اخلص
خالد:اها
سحر وهي تشرب بايسن وعيونها عالبحر:وش تبي منها؟؟مو أنت كنت تلعب فيها؟؟مو هي زيها زي غيرها
خالد:وأنتي وش تبين من معاذ؟؟
سحر طالعت فيه واستغربت سؤاله:؟؟؟؟؟
خالد:مو أنتي تحبين معاذ؟مو تموتين على ترابه؟مو تتمنين نفسك مكان سمر؟
سحر عصبت من أسئلة خالد وكأنه عايش جوتها..بلعت ريقها:أنا ماحبه..معاذ مثل اخوي
خالد لف عليها:لاتكذبين على نفسك إنتي عارفه إنك في قرارت نفسك تحبينه وتكابرين وماتبينه يعرف..لكن عيونك تكشفك ياسحر مافي بنت تتعلق بولد بهذيك الطريقه...ويكون اللي بينهم أخوه
سحرغيرت الموضوع:..........مو المهم أنت أش تبي من سمر؟
خالد مو عارف وش يبغى منها:....
سحر:أنت كنت تلعب عليها وهي اللي كانت تحبك
خالد:كنت ألعب عليها.......لكن الحين غير
سحر:أنت تبي تضيعها وبس لو تحبها كان تركتها تعيش حياتها وتنساها..
خالد:تقدرين تنسين معاذ؟؟(طالعت فيه بنص عين مصر ينرفزها) طبعا لا؟وأنا بعد مستحيل أنساها يمكن أول كانت عادي لكن بعد مافقدتها عرفت بقيمتها......أنا لما رحت الرياض عند أبوك دخلني بيتكم اللي هناك ودخلني مكتبه (سحر بدأت تسمع باهتمام )وكان صوركم كلكم في مكتبه واتكلم عليكم واحد واحد
سحر:بلا كذب أنا ماعندي صور
خالد ضحك باستخفاف:هههه أنتي عارفه أن أبوك كان يرسل ناس يصوركم ويراقبونكم بدون ماتدرون(سحر طالعت فيه وفتحت عيونها ع الاخر)ههههه
سحرفرحت شوي يعني فيه اهتمام من أبوها لها:..........
خالد كان يقول سحر هذا الكلام عشان يجيبها في صفه:طبعا أبوك لما تكلم عنك كان مايعرف عنك شي وقال إن حنا ظالمينها وموعاجبه شكلك أبد لكن يقول ماقدر أقولها شي لأني ماعندي أي حق أكلمها ويقول انتي عدائيه(ياسلام تخيلو أب يقول عن بنته كذا أش راح يكون ردت فعلها= كرهته زياده)....وبعدين راح عند سمر وقال إنها دلوعته وحبيبته وقلب أبوها
سحر انقهرت شوي:هههه مو جديد
خالد:وقال هي الوحيده اللي ماتعبته بعكسك انتي وزياد
سحر:ايييييييه والدليل إنك تبي تفضحها
خالد:وطبعا أنا قدرت أسرق لها صوره وهي كبيره(طلع الصوره من جيبه وأعطاها)شايفه معقوله بعد هذا كله عرفت مين سمر؟؟؟وقررت أتزوجها لكن قبل ماافكر أبوك سبقني وصدمني بزواجها من معاذ؟؟؟؟؟؟؟؟؟معاذ أكثر واحد أكرهه يتزوج اللي بغيتها وقلبي دق لها.....سحر بصراحه وش ردت فعلك أول ماعرفتي
سحر ماسكه نفسها وماتبغى تبكي:مالك شغل
خالد:انصدمتي!!!حاولتي تكرهيه!!عرفتي أنك تحبيه!!!تأكدي إن كل أحساس جاك في هذيك اللحظه جاني
سحر كانت مقتنعه بكلام خالد:انا ماجيت عشان تتكلم عني.......انا جيت عشان نتفاهم بس
خالد بخيبة أمل:روحي قولي لها خالد إذا حب أحد ماضره
سحر جالسه وتتأمل غروب الشمس وتفكر في معاذ اللي نسيته في الفتره الأخيره...خالد كان يفكر بسمر
لحظه سكوووووت
خالد:سحر
سحر:همممم
خالد:مو انتي تحبين معاذ؟ومعاذ كان يحبك؟ وانا أحب سمر؟وكانت تحبني؟....مو حرقوا قلوبنا..ليه مانحرق قلوبهم
سحر عجبتها الفكره نوعا ما:ايييه انشالله كيف نحرقها نقتلهم مثلا
خالد:هههه حرااام نضيع شبابنا على ناس مافكروا فينا
سحر سارت مقتنعه بكلام خالد وكأنه مخها اللي تفكر فيه:من جد
خالد:ليه هم يتهنون وحنا نموت قهر....زي ماهم تزوجو بعض
سحر باستنكار:لاتقووووووووول نتزوج
خالد:هههههههههههههههههههه لاطبعا
سحر:اوووووووووه الحمدلله ههههههه
خالد:شوفي نعمل خطه ولاأحلى نخليهم يندمون ع اليوم اللي تركونا فيه
سحر ابتسم ابتسامة انتصار:ايه
خالد:شوفي كل ماشفتي سمر تتكلم عن معاذ ومبسوطه دقي علي وخلينا نسولف ونضحك وطبعا هي راح تسأل ويوم تعرف راح تموت قهر
سحربابتسامتها العريضه:ومعاذ؟؟؟
خالد:معاذ....كل ماشفته أدق عليك وأسولف وأجيب طاري أسمك كل شوي واخليه يغلي
سحر:تعرف متى أبيك تحرق دمه.........يوم الزواج
خالد:ماطلبتي(ضحكه شيطانيه) ههههههههههههه
سحر بضحكه شيطانيه:ههههههههههههههههه
خالد:تصدقين سحر ماكنت أحسبك كذا........طلعتي شي
سحر:لاتخاف أعجبك........اللي يدوسني أمحيه واللي يرفعني ارفعه للسما
خالد:طلعتي صديقتي وانا مدري
سحر:خالد بما أنك عملت لي أحلى خدمه بحياتي......أعتبر ماصار شي بيننا ذيك الليله..مع أني كنت حاقده عليك وناويتلك لكن خلاص
خالد:والله!!!الحمدلله....توقعت باقي شايلتها
سحر:اسمع أبي يوم نتقابل في بيتنا وأبي أشوفك ويكونون موجودين ويشوفونا وحنا نضحك
خالد وقف وصرخ بأعلى صوته:هههههههههه سحر انتي خطيررررررره
الناس تطالع في خالد باستهزاء واحتقار....ولد كبير يصارخ
سحر:أقعد فضحتنا هههههههه
خالد:مو مشكله
سحر قامت:يلا انا بروح
خالد:اوك يلا سلام....(سحر عند باب السياره وخالد يصرخ والناس يطالعون فيه)سحررررررر بدق عليك الساعه 2 ليل وكلميني وهي وبجنبك
سحر صرخت بصوت اعلى عشان تقهر اللي يطالعونهم باحتقار:ماطلبت يابعدي