رواية سعوديه/ احباب في مقبره الحب (مكتمله)

P(30)

.
.
.
خرجت سحر من عند الدكتور وهي مو مستوعبه شي من اللي قاله مابكيت ولاصرخت ولاتكلمت ولاقالت شي كانت سرحانه وبس ماكانت معاهم كان جسمها معاهم لكن روحها مع الصدمه اللي تلقتها من الدكتور
معاذ كان مصدوووم مره لكن مابين لأحد وحاول انه يكون طبيعي على قد مايقدر وخصوصا الخبر لسمر لنها ماراح تقدر تتحمل وخصوصا أنها تحب أمها مرررره راح يسكت ولا راح يقول شي ويخلي كل شي في يومه
دخلوا الغرفه عند سمر وسلوى
سمر وهي تمسح دموعها:هااا وش قال الدكتور
معاذ:يقوول أن خالتي تدلع ومافيها إلا العافيه
سلوى عرفت ان معاذ وسحر عرفوا بمرضها ماتمنت أن سحر تعرف لأنها بتجلس تعاتبها طول الوقت وبتلومها وكانت حريصه ان سمر ماتعرف لأنها بتنهار
سلوى:الحين انا بخير خذ مرتك يامعاذ وتوكلوا....الله يهداك ياسحر ليه دقيتي عليهم وخرعتيهم
معاذ:لا ياخالتي سحر ماسوت غير الواجب
سمر:لالا انا أبغى أجلس مع ماما هنا
سلوى:سمر!!!وش ذا الكلام روحي لبيتك أنتي وزوجك وارتاحوا
سحر بحزم:خلاص روحي وانا بقعد عندها
سمر:بس
سلوى:لابس ولاشي روحي لبيتك وانتي ساكته
قامت سحر وضمت أمها وبكت شوي وبعدين خرجت هي ومعاذ
سلوى:وانتي سحر يلا روحي للبيت
سحر تطالع من الشباك عالسيارات الرايحه والجايه ومطنشها امها وكانها ماتسمعها
سلوى:سحر
سحر:....
سلوى:سحر خلاص ترى عرفت أنك عرفتي
سحر لفت عليها:ليه ماتكلمتي من زمان؟؟؟
سلوى:ماله داعي اللي فات مات
سحر:نعم!!!اللي فات مات...ليه مارضيتي تتعالجين من أول لييييييه؟؟
سلوى:سحر والله انا حييييل تعبانه ومافيني للخصام الحين
سحر:كنتي تبين تحضرين عرس سمر وبعدها تبين الله ياخذ امانته فيك....مافكرتي تتعالجين لأنك ماتبين تعيشين ماتبين تعيشين حتى وتشوفين سحر متزوجه...أهم شي سمر يعني الحين لوربي أخذ أمانته مو مهم أهم شي شفتي سمر سعيده أما أنا مو مهم أموت أعيش أتزوج أتطلق أعنس مو مهم أبدااااا مو مهم كيف بعيش حياتي
سلوى:سحر انتي قويه وماينخاف عليك
سحر ضربت على صدرها:اوووووووووووو أنا قويه...وعشان انا قويه مايهمني إذا مات احد أو عاش
سلوى حطت يدها على راسها:سحر بجد انا تعبانه خلاص
سحر:أنا خارجه لان مالي داعي هنااا وإذا مو مهمه بالنسبه لك قولي
سلوى:مع السلامه
خرجت سحر وضربت بالباب....وصلت البيت وصارت تدور على أي شي رقم لزياد تبغى تكلمه يجي وخصوصا أن امها مودعه...قلبت الدنيا فوق تحت وهي تدور
.....................
في الفندق
سمر تبكي بقوووه:...
معاذ يحاول يهديها:سمر والله مايصير اللي تسوينه في روحك
سمر:معاذ تعرف اش يعني ماما؟؟ماما كل شي بحياتي هي الأم والآب وكل شي كل شي أنا ماقدر اتخيل أن ماما تعبانه
معاذ:طيب البكي ماراح يفيدك
سمر:خليني عالأقل ارتاح..........(موجه بكااااااااء طويله)
بعد فتره:معاذ ماما وش فيها أصلا؟؟
معاذ أرتبك:هااااا..ولا شي
سمر حست ان فيه شي كبير:كيف ولا شي....ماما من فتره متغيره لاتكذب عليا
معاذ:مافيها إلا العافيه هي فيها أرهاق وتعب بس
سمر:لا مو معقوله...الأرهاق والتعب من فتره طويله فيها!!!!
معاذ:لاعادي تصير يمكن كانت مشغوله بزواجك
سمر بجديه تخوف:معاذ!!!لاتستهبل على راسي أنا مو أصغر عيالك تكلم وقول ماما وش فيها؟
معاذ:انتي مو قد الخبر
سمر دمعت عيونها:يعني ماما فيها شي
معاذ:لالا مافيها غلا العافيه
سمر حطت يدها على خصرها:معاذ تكلم بسرعه ولا بخرج واروح بيتنا
معاذ:طيب شوفي حالتك كيف؟؟؟باقي ماقلت شي وبكيتي أجل لو قلتت وش بتسوين؟
سمر مسحت دموعها:خلاص تكلم ماراح أبكي
معاذ استسلم للأمر ومصيرها تعرف اليوم ولا بكره
معاذ:امك فيها سرطان الدم النخاعي المزمن
سمر حطت يدها على صدرها:سرطان!!!!!!!!!
معاذ:ايييه
سمر انهارت من جديد وجلست تبكي وماوقفت بكى
معاذ:طيب قومي نامي الحين والصباح رباح
سمر:انا ماراح انام حستنى حتى ويطلع الصباح وأروح لماما
معاذ تعب معاها:بكيفك انا بدخل أنام
سمر:خلاص روح
ورجعت تبكي
.................................................. ....