رواية سعوديه/ احباب في مقبره الحب (مكتمله)

P(43)

.

دخلت الفيــلا
دخلت ووقفت في نص الصاله وعيونها مصنمه عالارض..ووجهها صامت خالي من التعابير
كانت تحس بصدمه كبيــره...وش فيه معاذ؟؟نظراته لها تغيرت...كان يطالع فيها ويتأملهـا وعلى شفايفه نفس ابتسامة زمان..فرحان لكن خافي فرحه خلف ابتسامته..من يوم ماتزوج سمر وهو طريقته معاها غير..كان جامد وجدي معاها ومايحب ياخذ ويعطي وغير كذا مايطالع فيها وإذا شافها اعطاها نظرات أستحقار...اليوم كان غيــر كان معاذ القديم اللي تعرفه..
:اللي ماخذ عقلك يتهنى به
سحر فاقت من غفلتها:هاااااا
سمر:وش فيك؟؟ليه كسرتي الاب ...
سحرارتبكت:ماكسرته..لكن وأنا امشي هو طاح مني
سمر:بنننننننننت!!!وش فيك كذا؟؟
سحر صرخت:أنتي اللي أشفيك..مافيني شيء مافيني شيء
سمر:لايكون سمعتيني وانا اكلم زياد
سحر:ليش أنتم كملتم كـلام وأنا مو موجوده...ووينه زياد؟؟
سمر:أنت مره مو على بعضك..زياد راح
سحر:وين؟؟
سمر:راح لأهل البنت
سحر:هههههههه مو طبيعي الولد...وليش ماياخذنا نشوفها
سمر:ماله داعـي..قالي لكن انا مالي نفس لآن..
سحرتتكلم بسخريه:وشو؟وشو؟أنتي سمر محمد الفهد اللي ماتترك مناسبه إلا وحضرتها..ماتبي تروح تشوف خطيبة اخوها...
سمر أخذت الريموت وجلست تقلب وكانها مو مهتمه لكلام سحر..لكنها بتتهرب من سحر
سمر:بالله فكينا من كلامك ذا..
سحر افتكرت:أيـــــــه تعالي تعالي..أنتي وش مجلسك هنـا؟؟مومعقوله كل ذا حب فيني..وليش نمتي عندنا؟؟
سمر:كذا..من حبي فيك أبي أجلس معاكـ..
سحر:ياحبني لك ياخيتي..أقول اختصري وقولي لي..
سمر:سحر خليني اتفرج الحين..طسي على قولتك
سحر:هههههههه (راحت جلست جنب سمر)اختي حبيبتي الحلوه العسوله المغروره سويمر قليلة الحيا اتكلمي لاأقوم افقع لك وجهك..
سمر اعطتها نظره ورجعت تابعت تلفزيون:...
سحر:سمـر لاتخليني اشحتك كلام..أوووف منك
سمر رمت الريموت وغطت وجهها بيدينها وبكيت من أول وهي ماسكتها من يوم ماكلمت زياد...سحر موفاهمه شيء وعلى راسها علامات تعجب!!خخخخخخ
سحر:سمووور وش فيك؟؟
سمر تبكي:.....
سحر:الحين تبكين لأني قلت لك تكلمي؟؟؟
سحر:سمر مابيك تتكلمين خلاص...
سحر:طيب ليش تبكين؟؟
سحر:سمر لايكون سويت لك شيء...
سحر:سمر تعبانه؟؟؟
سحر:سموررر طيب قولي لي ليش تبكين؟؟
سحر خنقتها العبره:لايكون افكرتي سلوى؟؟
سمر يوم سمعت اسم امها بكيت اكثر وأكثر...
سحر الدموع في عيونها:سمر قسم قطعتي قلبي...بس قولي لي وش فيك؟؟
سمــر من بين الدموع:أبيها....ماما...تكفين ارجعي
سحر أطلقت العنان لدموعها:.....
جلسوا يبكون لما ماتعبوا...وناموا في مكانهم وهم يبكون زي الاطفال<<<هههههه أضحك عليكم ياهبل لاتصدقون كل شيء أقوله خخخخ<<معليش انا مسطوله اليوم هع هع...نرجع للجــد>>والعم والخال خخخخ....بلا هبل
بعد نص ساعه هدوء يعم المكان والذكريات تاخذ مجراها...
سمر بكل هدوء وصوت واطي:انا تطلقت اليوم من معاذ
سحر ماستوعبت:أيـش؟؟!!!!!!!
سمر بصوت اعلى شويه:انا تطلقت اليوم من معاذ...كل شيء انتهى بيننا
سحر جامده في مكانها حاسه الدنيا تدور من حولها موقادره تستعب اللي قالته سمر...سمر كانت تطالع في سحر وتشوف ردت فعلها كانت متوقعه ان سحر بتعايرها وببتريق عليها وبتاخذ حقها منها لكن شافت العكس هدوء والصدمه باين على وجهها..سحر حاسه انها في كذبه كبيره
سحر باندهاش:كيف؟ليش؟ومتى؟؟وأبوي وش قال؟؟
سمر اتنهدت:ماحد يدري...قبل شوي قلت لزياد وتخاصمت معاه وخرج..قلت له يقول لأبوي لأني مابقدر اقوله..
سحر:بس انتمـ..يعني ماكان بينكمـ..
سمر:أنا من يوم ماخذته وأنا وهو موقادرين نتفق على شيء...ودايما في مشاكل مع بعض..لكن المشاكل جات ورى بعض ولاجاتني فرصه إني أتكلم أو أشكي لأحد..
سحر:سمر انتي من جدك تتكلمين؟؟
سمر:هذي الأمور مافيها كذب ولا مزح...
سحر:طيب والحين..
سمر:الحين ولا شيء...أنا مطلقه وبس كويس إني تطلقت من بدري قبل ماجيب لي ولد أو بنت وأعذبهم في حياتهم.
سحر ساكته وتسمع وتحس نفسها في حلم تنتظر أحد يصحيها منه..نظرات الدهشه والتفكير العميق باين عليها..
سمر تبغى سحر تقولها عاللي في نفسها:وش فيك؟؟
سحر:ولا شــيء
سمر:حاسه عندك كلام وتبين تقولينه..
سحر تفكيرها مو مع سمر هزت راسها بلا:...
سمر:كأنك مو مرتاحه للي صار؟؟ومومبسوطه لأني رجعت
سحر:هذا مو بيدي عشان أرتاح...ماتمنيتك ترجعين بهذي الطريقه وهذا بيتك واللي فات مات لاتفكرين في اللي صار هذا خير من ربك..مانعرف وين الخير والشر..ولاتشيلين هم
سمر تمسك راسها:آآآه ياراسي يعورني
سحر:قومي ارتاحي...باين عليك التعب والهم
سمر:وانتي؟؟
سحر ضمت رجولها لصدرها:لا أنا بقعد هنا..مافيني نوووم
سمر عرفت أن سحر تبغى تجلس لوحدها تفكر في معاذ..لأن باين من عيونها في نفسها كلام كثيرررر..طفت الأنوار وفتحت الابجورات خلت الاضاءه خافته في كل الصاله طالعت في الساعه كانت 8:30
سمر:تصبحين على خير
سحر:وانت من أهل الخير
بقت لوحدهـا عرفت ليه معاذ كلمها؟ليه قلها الكلام ذاك؟ وليه حست ان معاذ القديم رجع لها؟...كرهته أكثـر يعني لما خلاص طلق سمر فكر يرجع لها ؟؟وكأنها بديل يوم يطفش من أي أحد يرجع لها...
سحر: (بعدك يامعاذ إني ارجعلك أو افكر فيك...مو انا اللي يصير فيني كذا)
........................................