رواية سعوديه/ احباب في مقبره الحب (مكتمله)

P(19)

.

.

في غرفة سحر
سحر:ويقوول إنه خلاص مابيسوي أي شي لك
سمر ماتوقعت إن خالد ينساها بسرعه:اااممممممم
سحر:تسمعي أصوات رجه؟؟؟
سمر:إيييه
خرجوا من الغرفه وجو بينزلون من الدرج لكن انصدموا من اللي شافوه.....مجموعه من الحريم من جميع الأنواع كبير وسط صغير وأطفال كانوا متجمعين في الوسط هم وعيالهم والشنط حقتهم والهدوء عم المكان ويطالعون في البيت وفي النجف الكبير اللي تتوسط الصاله
سمر:وش جابهم اليوم مو موعدهم بكره
سحر:خير البر عاجلا ههههههه هب هب بيدقون الكريستال بعين.......
اسمهان:في بنتين فوق
الكل طالع فيهم:........
سحر تتخبى ورى سمر:يمه حتى حنا بيدقونا بعين
سمر تدف سحر عنها وتتطالع فيهم بغرور:...
سحر بعدت ونزلت الدرج وهي تصارخ:الســلام عليــــكم ورحمة الله وبركاته (طالعت في سمر يعني خلينا نستهبل معاهم)معاكم زياد محمد الفهد
الحريم كلهم شهقوا وتغطوا:......
العنود بصوت واطي:والله من أول وانا شاكه إنه ولد
هند:وععععععع مربي شعره الخكري
(سحر كانت لابسه شورت فوق الركبه جنز أزرق ولابسه فانيله بيضاء وتي شيرت حق باسكت بووول واسع وطوويل وكانت ماسكه سلاسل في يدها..ولابسه جزمة (all star <<<عاد أنا ماعندي غير ذي الجزمه انا ووجهي خخخخ أحبها مره ) وشعرها فاتحته وحاطه الكاب عالجنب (يعني شكلها زي الزنوج (النقر))
رجاء مدت يدها تسلم:وعليكم السلام.......ممكن لوسمحت تخرج برى شوي لأن بناتنا ما يكشوفون إلا عالمحارم
أول مره تسمع احد يقول كذا هي تجلس مع غير المحارم (طالعت في سمر اللي صعقت من اللي سمعته)
سحر:صادوووووووه......معاكم سحر محمد الفهد آخر العنقود السكر المعقود
شهقوا بقوووووه:هااااااااااااااا
البنات فصخوا الطرح والعبايات والكل كان مستحقر شكلها مرررررره
سحر:يا نيثيا تعالي بسرعه
جات نيثيا واخذت العبايات والشنط ودخلتهم سحر عالصاله وجلسوا وجلست هي جلستها المعتاده كل رجل في وادي وسانده يدينها على فخذها
سحر بتريقه:سوسو انزلي لاتخافين أمان
الكل احتقرها:.........
نزلت سمربغرورها وكبريائها وسلمت عليهم بدون نفس وبطرف أصابعا وجلست بجنب سحر الي اول مره تحس إن سحر شكلها ولبسها من نفس مستواها لكن بطريقه غير
سحر:الحين وين عماتنا وبناتهم ووين بنات عماتنا؟؟؟وين رجاء؟
البنات ضحكوا رجاء حاف بدون عمه
رجاء :شخصيه محترمه جدا وماتحب أحد يتعدى حدوده ولها سياسه خاصه في التعامل لكن تحب تتشمت في الناس
رجاء:يابعد قلبي أنا عمه رجاء مو رجاء
سحر:ماتفرق وين بناتك عرفينا
رجاء تأشر على بناتها:ذي خلود وذي رنا وذي ريم وذا الصغير عبد المحسن
سحر:اها ذا اللي من يوم ماجاء مشتغل صفارة إنذار.......طيب وين علياء ولا عاليه ولا مدري وش تطلع؟
عاليه:شخصيه صريحه وتعطي الواحد في وجهه واللي يسبها او يغلط عليها يسمع كلام مايرضيه طيبه لكن تحش في الناس وترمي حملها على أي أحد وحسوده
عاليه:هييييييي أنا عمتك ومابي أسمع عاليه حاف فاهمه على رجاء تمشي أما علي ماتمشي فهمتي ؟؟
سحر:لا مافهمت قومي طقيني احسن
عاليه:لولا الحيا كان قمت لكن وش بيقلون الناس جايه تضارب في بيت أخوها
سحر:ايييييييييه الحمدلله عارفه إنك في بيت أخوك مو بيتك.......الخلاصه وين بناتك؟؟
العنود:ارتاحي يمه انا أقول عنك...أنا العنود أكبر بناتها واحلاهم وذي الهنوف اختي هي صحيح مو حلوه لكن جاملوها خخخخخخ وبعرفك على الكل وريح نفسك وذ...ألخ (عرفتها بالكل )
سحر:نشرة أخبار ماشالله..........ماتحسون إنكم كثااااااااار ياحافظ
الكل:أعوذ بالله من الشيطان..... اتفلي تف تف... بسم الله على بناتي.....تحصنوا
سحر:أقوووووووول أنتم بغيتوا قبل شوي تهدون بيتنا بعينكم والله لو جبنا أحسن شيخ بالسعوديه ماقدر يفك عيونكم قبل شوي
سمر:هههههههههههههههههه
سحر:يلا عن إذنكم أنا بروح أسلم على أعمامي سوسو تجين معي ولاتبينهم يكلونك ههههههه
سمر:هههههه لا انا طالعه غرفتي
سلوى دخلت:السلام عليكم
سحر وهي خارجه من عند الباب:ياحي الله راعية البيت
خرجت برى الحديقه وشافت الاولاد متجمعين هناك وطبعا هي ماتعرف أصووول البدو
سحر:ياحيالله أولاد العم
سعود:جاك الخكري حق جده
سحر:خكري في عين اللي خلفك ياحمار
سعود فتح عيونه ع الآخر يسب بعد:.....
سحر صافحته:من أنت ؟؟؟
سعود توه استوعب إنها بنت:سعود
سحر:يووووووه ولد عاليه أم لسانين
طبعا الاولاد كلهم فاتحين فمهم ع الاخر
محمد:لوسمحتي حنا مانكشف على غير محارمنا
الاولاد اللي دقه واللي اعطاه نظره يعني لم لسانك واسكت
عبدالهادي:ماعليك منه ترى مايستحي
سحر:ياحبي لكم يالبزران تحب الكوره؟؟
عبدالهادي:اييه...تلعبين معنا
سحر:يلا بس أبي أسلم على أبوك انت ولد مين
عبدالهادي:أبوي ماجاء معنا
سحر:هووو ليه؟؟؟أنت ولد منو؟
عبدالهادي:أناولد رجاء
سحر:ههههه وأنا بغيت أسلم أبوك والله ياأمك لاتقتلني
............
سعود:ياحليلهم بنات جده يهبلون
محمد:أعوذبالله...هذا الحين حلوه...هذا ماصخه فاصخه ماتعرف ربها
سعود:بس تهبل عليها عيون ذباحه
أحمد:وأنت الصادق...بس كنها مسترجله
محمد:مو كنها إلا مسترجله والله مابقت لنا شيء
سعود:خلونا ندخل معها عند الرجال ونشوف ردت فعلهم يوم يشوفونها
احمد:أي والله نفسي أضحك
......
سحر دقت باب المجلسه ودخلت وكانوا الرجال يطالعون فيها ومستحقرينها عالآخر
سحر:السلام عليكم
الكل:وعليكم السلام
جاسم:ملتزم ومايحب ذي الحركات أبدا...وخصوصا في عيلته ألزم كل بنات العيله يلبسون عبايات من فوق الراس...شديد مره وماعنده لف ودوران أمام مسجد
جاسم:يابنيه روحي هناك في رجال
سحر:ويعني؟؟؟من أنت؟؟
جاسم:أنا عمك جاسم....اذلفي هناك في رجال مو محارم عليك
سحر:مو شغلي فيهم...أنا جيت أسلم وبمشي...وين عم خليل؟؟
خليل مو عاجبه الوضع لكن ساكت:أنا عمك تعالي ياحيالله بنت محمد...أنت العروس؟
سحر راحت وسلمت عليه في راسه:لاااا حرام عليك انا باقي صغيره...أنا سحر(ارتاحت لعمها ذا بعكس الثاني)
خليل قام ومسك يد سحروخرج معاها برى بعيد عن الرجال:يابنتي الله يهديك نص اللي بالمجلس عيالنا ومو محارم لك وانا عمك...مايصير كذا
سحر بنفس هدوئها:بس عادي حنا نكشف
خليل:ايييه في جده مايخالف لكن حنا عندنا بالرياض...الله يرضى عليك يابنيتي تحشموا وانا عمك
سحر عجبها هدوء عمها واقناعه:طيب...يعني ماتبيني اتكلم مع عيالكم
خليل:ايييه وانا عمك
سحر: (مو من عدالة أشكالهم عشان أكلمهم)ماطلبت ياعم...عن أذنك
خليل:أكبر أخوانه وأخواته....طيب لأبعد الحدود ومتفاهم ينزل لمستوى اللي يكلمه ويجي بالطيب..عكس أخوه
خليل:ممكن تنادي سمر أسلم عليها وأبارك لها
سحر:انشالله
سحر لما عمها كان يكلمها افتكرت معاذ ....نفس طريقة الأقناع ونفس الأسلوب....افتكرت حركة امس وانبسطت يعني تركت ذكرى لمعاذ منها.....طلعت لسمر اللي في غرفتها ومستقرفه من الموجودين تحت..
سحر:سويمر
سمر:نعم
سحر:انزلي سلمي على عمي خليل...سمر تخيلي عندهم عيب نكشف على اولادهم
سمر:موجديد
سحر:وجويسم الزباله صرخ علي قدام الرجال
سمر:لايكون دخلتي عندهم
سحر:اييييه ماكنت ادري عندهم عيب
سمر:هههههههههه
سحر:والله يخوف جويسم الله يعين بناته عليه مايتفاهم مثل محمد أخوه.....أما خليل طيييييب ومحترم والله طلعني برى وتكلم معي وفهمني كل شي
سمر:كويس في أحد عدل منهم........اسمعي انزلي معي أخاف اروح لوحدي
سحر:لايكون بياكلونك وانا مدري
سمر:اييه والله أبيك تكونين معي....إذا الحريم فصفصوني عدل إذا كيف الرجال
سحر:وأنتي اسم الله عليك تهبلين يعني خذي عين منهم
سمر:وجعععععععع اتفلي من فمك بسمالله علي
سحر:هههههههه امشي ولا ياكثر
نزلت سلمت على عمها خليل وجاسم اللي من يوم ماشاف لبس سمر زادته عصبيته وسار يحط كلام مايدري عنه.....وطبعا العيال ماقصروا شافوا النظره الاولى تماااااااااااام
..................
الساعه 12 ليل عم الهدوء الفيلا
بما أن العائله كثيره فاأعطوا ملحقين للرجال والعيال وملحقين للحريم بعيالهم الصغار والبنات في الفيلا 3 غرف نوم وكلها بجنب غرفة سحر...
في صاله الدور الثاني عند الغرف
سحر والبنات جالسين قدام التلفزيون
أسماء:ممكن اسأل سؤال؟؟
سحر ردت عليها بالعربيه:نعم أسألي يافتاه
أسماء:وش تستفدين يوم تسمعين أغاني
سحر طالعت فيها باستهزاء:وش ذا السؤال؟؟؟قلت عندك سالفه؟؟
أسماء:طيب ممكن تجاوبين
سحر وهي تقلب القناوات:اتسلى اسمع الاصوات الحلوه والاغاني الحلوه(رفعت كتوفها)يعني عادي مو مستفيده منها شي
أسماء:تقدرين ماتسمعين؟؟؟
سحر:اممممممم مااتوقع لان صوتي حلووو وإذا عجبتني أغنيه اسير أرددها...وهي تقريبا جزء يومي من حياتي
أسماء:طيب تعرفين أش عقابها؟
سحر:...
أسماء:يدخل يوم القيامه أصياخ في أذنك...
سحر:أعرررف..لكن ماقدر أتركها
أسماء:طيب حاولي
سحر:طيب
أسماء:يلا عن أذنكم بقوم أصلي الوتر وبنام..تصبحون على خير
هند:خذيني معك
الكل:وانتي من أهل الخير
أسماء20:شخصيه هاديه مسالمه ماتتعدى حدود دينها حافظه أجزاء من القران
هند23:قريبه من شخصية أسماء هم صديقات الروح بالروح.......طيبه جداااومحافظه على دينها
العنود 19:شخصيه رجه ومخالفه لشخصية أسماء وهند....مغامره جدا تحب تسوي حركات مع الاولاد لكن ماتقدر طبعا...اللي يشوفها يعطيها أصغر من سنها بسبب رجتها الزايده ماخذه الدنيا ضحك وفرفشه صديقتها المفضله هنادي لأنها قريبه من تفكيرها...تنتظر أول فرصه تجيها عشان تسوي كل اللي في بالها...ماتفرق بين كبير وصغير وتعتبر البنت العاقه في عيلتها بسبب حركاتها
هنادي17:نفس شخصية العنود لكن أثقل شوي وتخاف من أختها هند وتحسبلها حساب قبل ماتسوي شي...وتنتظر أول فرصه تتحرر فيها من قيود أهلها
الهنوف15:بنوته مرره وتحب أحمد ورومانسيه جدا...اللي يشوف حركاتها يقول أكبر من العنود..صديقتها المفضله خلود
خلود15:عاقله وثقيله مره اللي يشوفها يعطيها أكبر من سنها عقلها كبييير تحسب حساب لكل شي (فيها نفس صفات أمها)هي مرسال الحب بين أحمد والهنوف...ومصره تزوجهم لبعض
...............................
العنود:انتي سنه كم؟
سحر:انا خصلت ثانوي وارتحت ذي السنه والسنه الجايه بسافر بريطانيا عند زياد وادرس هناك
العنود:صوتك حلو؟
سحر:امممم
هند:اطريبنا طيب
سحر:الحين مالي نفس...لكن بعدين اسمعكم وانا رايقه...كيف الرياض؟؟
العنود:تهبل تاخذ العقل تجننن تخلي الواحد يخق عندها
الهنوف:أقووول اسكتي...هي حلوه بس حنا مانخرج من البيت ولا نروح نتمشى كثير
سحر:طيب انا عندي فكره
البنات:هااااااااا
سحر:بكره اخذكم ونروح أي مكان نتمشى فيه
هنادي:جيبي شي معقول.....حنا نخرج لوحدنا..مااااااالت
سحر:أحسكم معقدين...يعني أش فيها لو خرجتم لوحدكم.
الهنوف:فيها علوم قبايل..أولا الشباب يضايقونا ثانيا ممكن يصير لنا شي لاسمح الله ثالثا ممكن حنا نخون ثقة اهلنا ونسوي شي غلط...
سحر:يالله أهلكم يضربون مية حساب قبل مايسوون شي...والله أنا الحمدلله السواق والسياره تحت يدي وقت ماطفشت ضربت الباب ولا أحد يسأل وين خارجه ولا متى راجعه
العنود:الله يابختك ياليت أنا كذا
الهنوف ضربت العنود في فخذها:ماشالله تبين تكونين داشره هاااااااااا؟؟
سحر:هههههه اش قصدك انا داشره
الهنوف ابتسمت:......
سحر:عارفه قوليها...... أيه انا داشره
خلود:أنتي شكلك وحده زاحفه ومانتي معطيه أحد اهتمام......ومبين من لبسك ذا
سحر:هههههههه والله أنا كذا من يوم ماولدت مو جديد علي........انا ألبس ملابس الاولاد لدرجة أن سمر لقبتني مس بوي
العنود:هههههه ليه ماكملتيها وقصتي شعرك ولد
سحر:أنا أكثر شي أحببه في نفسي شعري وبعدين لو قصيته بتختفي معالم الأنوثه فيني وأقلب ولد صدق
العنود:بس تبين الصراحه انا يعجبني كذا....نفسي أكون زيك
سحر:ههههههههه مو كل شي حلوووو فيني وموعشان شكلي كذا معاناته حياتي حلووه وعايشتها مثل ماابي
خلود:غريبه ليه يعني....مو كل شي تبينه متوفر لك
سحر:بس أهم شي مو متوفر
الهنوف:وشو لأهم من الفلوس؟؟إذا عندك فلوس عندك كل شي
سحر:بس فيه شي مايجي بالفلوس....الراحه النفسيه
الكل:........
سحر:امشوا نطلع برى الحديقه
الهنوف:اخوي يقول لاتطلعون عشان السواقين
سحر:السواقيين مو هنا.......السواقين الملحق حقهم برى عند الباب الكبير بعييد عنا
..................

.
.
.