نوفيلا "لكني احببتها"
-البارت الاول-
*ف الكافيه*
بنوتة قاعده ع ترابيزه وعماله تبص ف ساعتها وبتطلب م الويتر كابتشينو
البنت:لو سمحت..
الويتر: اتفضلي يافندم..تشربي ايه؟!
البنت: كالعادة الكابتشينو بتاعي انا مش بطلب غيره..وانت عارف طبعا إني مش بطلب غيره..
الويتر: تمام يافندم انا بس كنت بشوف هتطلبي اي حاجه تانية غير الكابتشينو..
البنت:لا شكرا..بس مش عايزاه دلوقت كمان ربع ساعه كدا...ويبقى اتنين كابتشينو تمام...
الويتر:تمام يا فندم.. عن اذنك
البنت:اتفضل..
*بعد ربع ساعة*
البنت:أتاخرتي كدا ليه كل دا عشان تجيبيلي شوية طلبات
البنت٢: شوية ايه يختي...!!شويه طلبات..بقاا تبعتيني اجبلك كل مستلزمات الرسم بتاعتك وتقوليلي شوية طلبات...دا انا دوخت عشان اجيبهم ياجنة انتي قولتيلي ع حاجات وع اسماء اول مرة اسمعها ودوخت عشان اجيبها لاني طبعا معرفش ايه الاحسن وايه اللي حضرتك طلباه بالظبط...وطبعا دوخت عشان خاطر اجيب شوية الطلبات اللي انتي بتقولي عليهم دول يا زفته هانم...
جنة: خلاص خلاص يابنتي في ايه...انا غلطانه اني طلبت منك حاجه يا واطية ها جبتي كل حاجه بعدين دوختي ليه ما كل حاجه سهله والالوان سهله برضه والاسماء مش غريبة للدرجه يا نور الزفت..المهم طلبتلك كابتشينو من اللي بشربه دايما ع الله يطمر فيكي حاجه..
نور:مش ايه...يا هانم مش غريبة بس يا جنة عشان مقومش اموتك....طب ايه مشوفتش من وشك حاجه من لما قعدت فين الكابتشينووووو؟!
جنة:بس اقفلي بوزك دا.. ايه احنا ف مكان عام..
نور: طب انجزي يختي
جنة:هنادي الويتر اشوفه اتاخر ليه انا قولتله بعد ربع ساعه و *بصت في ساعتها* ودلوقتي عدا اكتر م نص ساعه *بتنادي ع الويتر وهو جايلها*
الويتر: ايوة يافندم..
جنة:انا بقالي اكتر م نص ساعه طالبة كابتشينو ولسه مجاش..افهم ليه التأخير دا؟!
الويتر: انا اسف يافندم..
جنة: ع فكره اول مره اجي الكافيه هنا واطلب حاجه م اي ويتر وتتأخر بالشكل دا إلا حضرتك من لما جيت هنا وانا كل ما اطلب حاجه لازم تتأخر كدا كتير الصراحة....
الويتر: انا اسف والله يافندم مقصدتش والله ومش هيتكرر دا تاني..
جنة:عادي محصلش حاجه وبتمنى ميتكررش ..وبتمني الكابتشينو يجي كمان دقيقتين..
الويتر: حاضر يافندم دقيقتين ويكون هنا...عن اذن حضرتك..
جنة: اتفضل..
نور: ايه بالراحه ع الواد دا حتى موز وامور بتزعقيله كدا ليه؟؟! عمرك ما بتتغيري عندك النظام والالتزام روحك وعنيكي مش للدرجه يختي بالراحه علينا..
جنة: قولتلك ١٠٠مرة مبحبش الكركبة وبحب الالتزام ف كل الشئ وخاصة المواعيد وانا لولا صحبتي كنت نفختك ع تأخيرك دا بس بعديهالد بمزاحي يختي...وهو اتأخر وانا اكتر حاجه بكرهها كدا وهو ع طول بيتأخر الويتر الوحيد إللي بيتأخر عليا...انا دي تالت او رابع مرة اشوفه هنا من سنتين كدا وانا باجي هنا بس عمري ما شوفته وكل الويتر بيجوا يشوفوني هطلب ايه او بمعني اصح بيبقوا عارفين هطلب ايه وبيحيبوا الكابتشينو بتاعي بسرعه إلا هو لازم كل شويه يقولي طب حاجه تان طب معرفش ايه ويتأخر وكدا كتير...
نور: خلاص...خلاص انا غلطانه اني اتكلمت..خلاص هو جايب الكابتشينو اهو...
الويتر:اتفضلي يافندم واسف لو أتاخرت...
جنة:متأخرتش وبتمني دا ميتكررش..
الويتر: اي طلبات تانية يافندم..
جنة:لا شكرا...انا مش بطلب غير كابتشينو بتمنى من غير ما اطلب يجيلي..
الويتر:حاضر يافندم.. عن اءن حضرتك
*برا الكافيه*
*الويتر واقف وبيكلم مع واحد*
الويتر: زعقتلي جامد...الله يخربيت ابو افكارك الهبااب
صاحبه: ههههههههههههه احسن تستاهل يا يوسف عشان قولتلك دي غيرك نهائي مش هتوافق
الويتر(يوسف): بتضحك ع ايه *وبيضربه ف كتفه* هتوافق انا بحبها ومش هستسلم بقالي سنتين بحبها...وعافرت عشان اوصلها اجي بعدين اتنازل بسهوله كدا..مستحيل يا ادم...مستحيل..
ادم: بس هي مش حاساك حتى مجرد احساس وانت بتعمل كل حاجه عشان تلفت نظرها وهي ولا هنا ولا شايفاك اصلا..
يوسف: هحاول تاني هحاول...انا بحبها ومش هستغني عنها ابدا انا محبتش ابدا اني احاول اكلمها ف الكلية من لما اعجبت بيها وانا بحاول الاقي طريقه اكلمها بيها لكن مش بعرف اتكلم زيك او زي الشباب ابدا انا مش عارف ليه هي بالذات اللي مش بقدر اتكلم معاها ولا حتى ابص في عينها ليه مش فاهم.؟!...
ادم:اسال نفسك الاسئلة دي بعدين هي كام شهر وحضرتك هتتخرج م كليتك ومش هتشوفها او مش هتعرف تشوفها لان انت كدا المفروض هتبقى جراح ودكتور كبير...ولازم تشوف نفسك وتدرب وكدا كش هينفع طول ما انت شغال الشغلانه دي...مش هينفع نهائي مش هتوفق بينهم خالص وانت توفق ليه كدا كدا هتسيبها..انا اول مرة اشوف واحد زيك ف كلية طب وحالتها الماديه محترمه وبيشتغل ويتر... كل دا عشان خاطر جنة الله يخربيت الحب ع اللي بيحبوه يا اخي..
يوسف: اعمل ايه بس بحبها واتخرج وربك يسهل اشوف هعمل ايه ف حكاية الويتر دي انا اشتغلت ويتر ف الكافيه عشان خاطر اشوفها والاقي فرصه اتكلم معاها لانها بتيجي هنا دايما من سنتين من وقت ما اعجبت بيهااا.. وكان لازم الاقي طريقه اتكلم معاها بيها..واخيرا لقيتها بس انا يئست يا ادم حقيقي وشكلي هخلص الشغلانه دي ع اخر الشهر ان شاء الله لو متحلحتش وحست بياا انا مش برضى أظهر اودامها ف الكلية عشان متشكش فيا وتعرفني ببقى ماشي بحذر....
ادم:يكون خير ليك والله يا يوسف
*بعد اسبوع*
*ف كلية طب*
*جنة قاعده ف الكافيتريا بتاعت الجامعه مستنيه نور تيجي عشان يحضروا المحاضرة وعمالة نبص ف ساعتها ورفعت وشها لقت نور جايه وبتنهج*
جنة: اتأخرتي ليه؟!يلا المحاضرة هتفوتنا...!
نور: يلااا يختي...انا مش مصدقه اننا خلاص سنه وهنتخرج يابخت اللي هيتخرجوا كمان كام شهر دوول...
جنة:بطلي رغي ويلا...
*دخلوا المحاضرة وكان لسه الدكتور مجاش قعدوا شويه يرغوا لحد ما الدكتور يجي ودخل الدكتور*
*يوسف واقف مع ادم ف كافيتريا الجامعه وبيتكلموا*
يوسف: هااا بقاا اعمل ايه انا اديك شوفتها اللي مجنناني..
ادم:يخربيتك دي قمر يا ابن الايه..محظوظ انت...قمر وجمالها فظيع ومؤدبة ومتدينة يخربيتك..وايه الع....
*ادم لسه مكملش كلام ولقي بوكس ف وشه*
يوسف: ها ايه تاني...كمل وقول ايه تاني..عشان اموتك هنا....ع الله اسمعك بتتغزل فيها تاني ولا حتى بتبصلهاا..انت فاهم؟!وإلا هنفخك...
ادم:يا ابن المفتريه.. انت عبيط يلاا انا اتغزل فيها دا حبيبة اخويا انت شكلك اتجنيت انا بس اقصد انها تستاهل انك تعافر عشانها بس مش اكتر وان ذوقك حلووو...والمفروض تعتذرلي ع قلة ادبك وع ضربك داا.....
يوسف:مش هعتذر يا زفت انت عشان انت قاصد تضايقني المهم عرفني اعمل ايه....؟!
ادم: هقولك بس ع شرط...
يوسف:اه يا مصلحجي..متعملش حاجه لله ابدا قول اشرط...
ادم:بطلنا نعمل حاجه لله والوطن المهم انا هعملك ديسكوند انا عايز غدوة حلوة كدا إلى جانب انك تظبطني مع رحمة...عشان اتخانقنا جامد وحالفه انها تأدبني
يوسف:مصلحجي مووت....حاضر يا سيدي بس عرفني هعمل ايه...
ادم:انا اقولك تعمل ايه بس تسمعني وكلك أذن صاغية ماشي انت هت..............
يوسف: أنت مجنون ازاي يعني اعمل كدا ازاي؟؟!!بس يا ادم انا غلطان اني سألتك وطلبت منك تساعدني اعمل كدا ازاي...
ادم: ياعم ايه بس مفيهاش حاجه يا يوسف اتكل ع الله واعمل اللي بقولك عليه وهتشوف النتيجه وهتدعيلي...
يوسف: مش متطمن الموضوع دا....حاسس اني هلبس ف حيطة سد بسبب افكار امك دي...
ادم:طب جرب وادعيلي
يوسف: امري لله...انا هشوف هعمل ايه وهقدر اعمل اللي بتقول عليه دا ولا لاء
ادم: انت لسه هتفكر..
يوسف:ايوه اومال عايزني اعمل ايه؟!لازم افكر يلا بقاا عشان المحاضرة
ادم: ماشي يلااااا
