عارفه اني اتأخرت عليكم بعتذر ع التأخير دابس الدنيا كان ملغبطة خالص، بس دلوقتي كل حاجة تمام
نوفيلا "لكني أحببتها"🥀♥️
-البارت (الفصل) الثالث عشر-
*ف بيت محمد*
*محمد دخل المطبخ وعمل فطار وحطه ع السفرة وفطر حازم ابنه وعمله سندوتشاته ومشاه مع شريف جده وبينادي ع مريم عشان يفطروا سوا*
محمد:مريم حبيبتي يامريم.
مريم:حاضر جاية يا محمد اهو.
محمد: براحتك خلصي براحتك.
*مريم طلعت من اوضتها بإسدال الصلاة*
محمد:تعالي يا حبيبتي عشان نفطر مغيرتيش الإسدال ليه؟!
مريم: كنت لسه هغير وهاخرك عن يوسف صاحب ادم والفطار كان هيبرد وانت مش هتعمل كل دا وف الاخر مفطرش معاك ربنا يخليك ليا ياااارب.
محمد:ويديييمك يارب ياست البنات، يلاا كلي بقا
*مريم قعدت ع السفرة وكلوا ومحمد قام يغير لقي هدومه جاهزة والبرفان وكل حاجة تمام، دخل اتوضى وصلى وآدم جه*
*الباب بيخبط كان واحد بيطبل*
مريم:ايوة مين؟!
آدم:أفتحي يا ولية.
محمد: مين يا مريم؟!
مريم: دا شكله أدم.
محمد: طب استني متفتحيش، هفتح انا.
*محمد راح يفتح الباب لقي أدم واقف وفاتح دراعه ياخد اخته ف حضنه، محمد شده م القميص بتاعه ودخله جوا*
محمد: كل دا يا حيوان.
أدم: حد يشد حد كدا يابقرة انت.
محمد:اخرس يالاا انت، ادخل اترزع جوا لحد ما البس.
آدم:يعني كل دا ولسه ملبستش والله انا اللي من حقي اضربك.
محمد:هشششش يالاا، اترزع واسكت.
*محمد دخل جوا يلبس ومريم قعدت مع آدم*
مريم:ازيك يا حبيبي عامل ايه؟!
آدم: بخير طول ما انتي بخير يا قلب اخوكي.
مريم:يارب دايما، خليك هنا خمسة كدا هقوم اعملك نسكافيه واجي.
آدم:الحجة قمر زغطتني وشربتني يا ولية اتهدي.
مريم:هههههه هي عاملة ايه دلوقت، بعد ما استأصلوا الثدي لازم تتابع مع الدكتور.
آدم: ان شاء الله عرفيني المواعيد وانا هوديها.
مريم:ركز انت ف كليتك وسيب امك عليا.
آدم: لاء انتب تعبتي وبعدتي عن جوزك وابنك الفترة اللي فاتت.
مريم: ياسيدي هم راضيين ملكش دعوة انت ركز ف مذاكرتك وحالك.
آدم: ربنا يخليكي لينا ياست البنات بس برضه مش هتبعدي عنهم تاني.
*ف الورشة*
*جنة واقفة مبتسمة*
جنة: فكوا العامل دا يا جماعه انتوا هتتفرجوا عليه.
*عمر فك العامل*
جنة: عايزاك يا عمر تعالى.
عمر: حاضر يا استاذة جنة.
جنة: هو دا اللي انا كنت مستنية يحصل زي ما قالي عمو أيمن قالي بالظبط وقالي انهم هيحاولوا يرجعوا المخدارت تاني.
عمر: طب واحنا هنعمل ايه؟!
جنة: هتجهز كل حاجة وتطلع بالعربيات انا هنا لا صاحبة شغل ولا بدفع فلوس انا مشرفة وبس وانا هتصل بالعميل عشان يستلموا طلبيتهم تمام.
عمر: تمام اوي هنتحرك دلوقتي.
جنة: تمام يلا ف رعاية الله.
*جنة مسكت تليفونها وعملت مكالمة للعميل ولايمن وبعدها سابت الورشة*
*ف بيت يوسف*
رأفت: هدخل اخد دش يا إلهام، بالله عليكي ما تنسي حاجة.
إلهام: مش هنسى بإذن الله، ملاك يا ملاك غيري يا حبيبتي.
ملاك: حاضر يا ماما.
*تليفون رأفت بيرن*
رأفت: إلهام شوفي تليفوني فين بيرن.
إلهام: *طلعت التليفون من شنطتها* اهو يا رأفت دا كريم.
رأفت: ردي عليه طيب.
إلهام: ماشي.
*إلهام ردت ع المكالمة*
كريم: السلام عليكم
إلهام: وعليكم السلام ورحمة الله وبركاته.
كريم: معلش يا خالتو انا اسف بس والدتي كانت عايزة تيجي ممكن تديني رقم آدم.
إلهام: اه طبعا يا حبيبي طب ما اخلي رأفت يجيبها.
كريم: لاء خدوا راحتكم انا هخلي ادم وهو جاي يعدي عليها.
إلهام: ماشي يا حبيبي ثواني اطلع الرقم.
كريم: براحتك خالص.
إلهام: اكتب يا كيمو.......
كريم: شكرا يا خالتو معل عطلتك.
إلهام: ولا عطلة ولا حاجة.
كريم: ربنا يعزك السلام عليكم.
إلهام: وعليكم السلام ورحمة الله وبركاته.
*ف بيت محمد*
محمد: يا حيوان يا اللي اسمك ادم.
آدم: بس ياض انت وانجز يلااا.
محمد: يا حيوان صوت تليفونك بيرن.
أدم: استنى اشوفه.
*مسك تليفونه وشاف رقم غريب رد وكريم طلب منه انه يجيب مديحة وجنة*
كريم: تمام يا ادم تسلملي يا باشا.
ادم: اي خدمة يا حظابط.
كريم: ههههه هو انت وصاحبك خليتوا فيها حظابط.
آدم: امشي ياض انت كمان من هنا يلاا.
كريم: عرفت البيت.
آدم: يابني طبعا دا انا بجيبها وهي طايرة كدا.
كريم: واضح😂
آدم: طب ماشي يا كيمو.. يوسف عامل ايه؟!
كريم: لما تيجي تشوفه وتتطمن هقولك.
آدم: ماشي يلاا بقاا عشان الحق امشي السلام عليكم.
كريم: وعليكم السلام.
*جنة راكبة تاكسي ومروحة*
*تليفونها بيرن*
مجهول: ععههههههععععععههههههه صدقيني مش هتتهني.
*جنة شاكة ف الصوت*
مجهول: ردي عليا ولا خايفة يا قطة.
*جنة لسه هترد و.......*
البارت الجاي تعرفوا اللي هيحصل😂💙
