قبل ما ابدء ف البارت..اولا عارفه انا البارت (الفصل) اللي فات كان صغير...واعقتد انه معجبش بعض الناس بس يارب دا يعجبكم واعمل حاجه تعوض اللي فات وترضيكم..ثانيا ف ناس بتحسبن وتدعي عليا طبعا عشان وقفت البارت ع اثاره وكدا😂😂 انا عارفه بس بحاول اشوقكم لللي جاي المهم بتمنى الاراء تزيد وكلكم تدعموني عشان اعملكم حاجه نضيفه😂😂
نوفيلا "لكني احببتها"
-الفصل او البارت الخامس-
*ادم بص ع صاحبه اللي عمال بينزف ومش مصدق وكل اللي ف الجامعه اتلموا عليهم..وفجأة الواد اللي ضربه بيتسحب عشان يهرب..وادم مسكه وفضل يضرب فيه لحد ما تعب ووقع ع الارض..جنة واقفه مصدومه وبتلوم نفسها ع اللي حصله*
ادم: اطلبوا زفت اسعاف نزف كتير يلاااا..
*حد م الشباب طلب الإسعاف بس ادم مستناش لحد ما يطلبه وحاول يشيل يوسف بس مقدرش نظرا لطوله ولجسمه*
ادم:اسندوا معايا..
جنة:طب الاسعاف جايه...حضرتك مش هتقدر ت
*مكملتش كلامها*
ادم:بس اسكتي اسكتي خالص...انا لازم اخده ع المستشفى دلوقت..
*طبعا ف الوقت دا امن الجامعه كانوا شايفين كل اللي حصل بس ومسكوا الواد اللي ضرب يوسف وسابوا ادم ياخد يوسف المستشفى*
ادم: *ساند يوسف هو وشاب لحد ما ركبه عربيته..وساق..وعمال يبصله وقلقان* مستحيل كل الدم دا من دراعه... مستحيل..
*ف الجامعه*
*جنة واقفه مصدومه م اللي حصل وجاتلها زي نوبة توتر وخوف..ونور عماله تهديها بس مبتهداش..خايفه يحصله حاجه وذنبه يبقى ف رقبتها... مسكت موبايلها واتصلت بكريم*
جنة: *بتعيط* ككككريم...ككريم..
كريم: ايه ياجنه في ايه؟!.مالك..؟؟.انتي فين طيب بتعيطي ليه *كل دا وهو نازل من ع السلم بيجري وزمايله قلقانين وكله بيسألوا مالك وهو مبيردش ع حد خالص وصاحبه اياد قلق ومشي وراه*
اياد:يابني ف ايه مالك؟؟
كريم:اياد اسكت دلوقت..انت لازم امشي...
اياد:طب هستأسذنلك من المدير...عشان اجتماع الظباط بعد نص ساعه..
كريم: خلاص يا اياد اعمل اللي تعلمه..
اياد:انا جاي معاك..
*كريم مهتمش وطلع يجري ركب عربيته وطلع ع الكليه وصل وطبعا كان وراه اياد بعربيته*
*كريم عمال يدور ع جنة مش لاقيها... وسأل الامن قالولوا ان حصلت مشكله وهما ف اوضه عميد الكليه*
*كريم دخل الأوضه وشاف جنة وجري عليها وسالها في ايه وهي مش بترد*
العميد: تقدر تاخدها...لو حضرتك اخوها او قريبها.. واحنا حلينا الموضوع..ورفدنا الولد اللي اتعرضلها وهنجيب ولي امره يتعذر لحضرتكم..
كريم: *بنظره توعد* انا اختي أتأذت مش هيحصل طيب...وانا مش هقبل اعتذارات انا هتصرف بطريقتي.. *وقام ومسك جنة سندها ومشي بيها هو ونور*
نور: جنة حبيبتي خلاص محصلش حاجه.. انتي ملكيش ذنب..ومش هتشيلي ذنبه متقلقيش..
جنة: *بتعيط* ضربه يا نور ضربه ياكريم والدم كان مغرق الدنيا..ذنبه ف رقبتي هو كان ايه اللي عمله عشان يحصل كل دا ويتئذي كدا..انا لو حصل حاجه للولد دا مش هسامح نفسي..هز كان بيدافع عني..هو راح المستشفى وانا لازم اعتذرله ...
كريم: اهدي ياجنة متتكلميش خلاص... تعالي نسأل هو راح مستشفى ايه..واوديكي تتطمني ان محصلش للولد دا حاجه بس اهدي...
*فعلا كريم سال وعرف المستشفى وركب هو وجنةونور ف العربيه واتحركوا بسرعه*
*ف المستشفى*
*ادم داخل يزعق لانه سايب يوسف ف العربيه وطلع ينادي او يشوف حد يساعده انه يطلعه معاه*
ادم:عايزه كرسي أو اي حاجه معايا صحبي بينزف تحت يلااا..
*الممرض مشي معاه واخد كرسي متحرك وجري ع تحت*
الممرض: دا نزف كتير جداا..لازم نتحرك بسرعه..
ادم: طب يلا بسرعه..دا مستحيل يكون الدم دا من دراعه دا نزف كتير اووي ساعدني يلااا بالله عليك بسرعه...
الممرض: يلاا حضرتك ادخل جوا شوف دكتور جراحة فاضي بء بسرعه..
*ادم دخل زي المجنون مش عارف يعمل ايه*
ادم بيسال ف الاستقبال: دكتور جراحه بسرعه بسرعه..
الاستقبال:مفيش دكاتره دلوقت.. دكاتره الجراحه كلهم مشوا ع عياداتهم...
ادم: اتصرفي معاياا صحبي بينزف...
الاستقبال: حضرتك الدور الرابع ممكت تلاقي فيه دكتور جراحه...
*ادم طلع يجري زي المجنون ع فوق ولحسن حظه ان الدكتور كان لسه بيلم حاجته عشان يمشي وقفه وحكاله ان يوسف بينزف..وهو ساب عيادته وقاله طلعه بسرعه بسرعه*
*ادم جابه هو والممرض وهو قلقان..لانه نزف كتير وهو مقدرش يعمل حاجه ولا يوقف النزيف من رعبه وخوفه ع صحبه*
الدكتور:دخلوه اوضه العمليات بسرعه النزيف شديد اوي واظن أن في حاجه غيره دراعه متعورة..
*دخل اوضه العمليات..وادم برا هيتجنن وعمال رايح جاي ف الكوريدور ومش عارف يوقف تفكير ف صاحبه لو مات ممكن هو يعمل ايه وبيدعي ربنا ان يطلع بخير وسلامه.. وراح اتوضى وصلى العصر..ودعاله كتير اووي...وهنا وصل كريم. وسأل ع الحاله وقالوله ان الشاب دا ف العمليات دلوقت لانه نزف كتير وجنة سمعت كدا واترعبت وقعدت تعيط*
جنة:ككككريم...لو حصل حاجه للشاب دا انا مش هسامح نفسي...
كريم:متقلقيش مش هيحصل...
*طلعوا فوق وشافوا ادم وهو حاطط أيده ع راسه وبيعيط..ولما كريم وجنة جريول عليه لانهم فكروا ان يوسف مات عشان صحبه يعيط كدا*
ادم: *مسح دموعه بسرعه وبص لجنة بحزن*..
كريم: هو عامل ايه؟!حصله حاجه؟! اتكلم..
ادم:معرفش معرفش هو نزف كتير اووي... وكان بيموت بين ايديا...لو يوسف حصله حاجه انا مش هسامحكوا ابدا..
جنة: والله ما كنت عايزه يحصل كل دا... انا اسفه..
ادم:اسفه..واسفه دي هتفيد بايه لو حصله حاجه؟!هااا؟!لو مات اسفه هتعمل ايه؟! *وصوته بيعلى*
جنة:انا مش هسامح نفسي لو حصله حاجه *وبتعيط بصوت عالي*..
كريم: *اضايق انه بيزعق لاخته وبيلومها* مش هيحصله حاجه..اختي ملهاش ذنب ف اللي حصله دا...
ادم:هه ملهاش ذنب..!! *بزعيق* اختك السبب ف كل دا... يوسف مضربش ف دراعه وبس لان كل النزيف دا مش من ضربة ف الدراع النزيف كان غريب.. وأظن كمية الدم اللي فقدها..كببيرة جدا وهيحتاج نقل دم...وذنب اختك ايه ذنب اختك انه بي....
*هنا الدكتور خرج وكله جري عليه*
*ف بيت يوسف*
*ملاك قاعده بتذاكر والهام بتنادي عليهااا*
الهام: ملاك يا ملاك...اخوكي مرجعش؟؟..
ملاك:لاء يا ماما لسه مرجعش...
الهام:هو آخر كدا ليه؟!اول مره يأخر كدا ف الكليه..قلبي مش مطمن...
ملاك:خير أن شاء الله يا ماما ادخلي انتي جهزي الاكل...
الهام:طب رني عليه..
ملاك:حاضر يا ماما هرن عليه..
*ملاك مسكت الموبايل ولسه بترن ع أخوها وصاحبه الهام رنت فعطت الموبايل لأمها*
*ف المستشفى*
ادم:ها يا دكتور... يوسف كويس صح؟!
كريم:طمنا يا دكتور هو كويس صح..
الدكتور: أدوني فرصه ارد..
جنة:اتفضل يا دكتور اتفضل...
الدكتور: يوسف...
نكمل البارت الجاي
😂♥️
لـِ *"شروق سيد"*♥️
