البارت دا نزل النهارده عشان خاطر *يارا*♥️
نوفيلا "لكني احببتها🥀♥️
-البارت (الفصل) السابع-
»الجزء الثاني«
ادم: السلام عليكم..
محمد:عليكم السلام ورحمة الله وبركاته..
ادم:ازيك يامحمد؟! عامل ايه؟!
محمد: الحمدلله كويس.. انت عامل ايه؟!
ادم: تمام الحمدلله..
محمد:عايز اقعد معاك يا ادم..
ادم: حاضر يامحمد والله عارف اني مقصر معاك بس حاضر..
محمد: دلوقت...
ادم: دلوقت مينفعش..
محمد:ليه؟!
ادم:لا عادي مينفعش..
محمد:ادم؛!!
ادم:بص مبعرفش اكذب عليك بس انا ف المستشفى.. يوسف اتضرب بمطوه وحصل حاجات كتيرة..
محمد: ايه؟!انت بتقول ايه؟!ازاي متقوليش؟!..ما انت عارف ان يوسف غالي عندي وان عندي زيك بالظبط وبيحكيلي كل حاجة زيك..
ادم:كنت هحكيلك ايمتا..انا كنت اتجنيت لما حصل كدا..
محمد: طب خلاص نتكلم بعدين انتوا فين..؟!
ادم:ف مستشفى -------
محمد:جاي حالا سلام..
ادم:سلاام
*ادم رجع دخل اوضة يوسف اللي لسه مفاقش العشا بتأذن..*
ادم:انا هروح اصلي..
كريم:استني هاجي معاك..
جنة:انا هصلي هنا انا ونور ياكريم رووح انت..
كريم: ماشي يا جنة..
*كريم وادم راحوا يصلوا*
*ف بيت يوسف*
الهام:لاء كدا كتير يا رأفت..يوسف عمره ما اتاخر كدا من غير مايطمنا...
رأفت:ربنا يسترها عليه..انا مش عارف اعمل ايه يا ألهام قوليلي انتي..
الهام:مش عارفه..مش عارفه اتصرف..اتصل بادم تاني..
رأفت:حاضر...
*رأفت مسك موبايله..وبيرن ع رأفت.. ملاك جايه بتتكلم*
ملاك:بابا..انا عايزه اقول لحضرتك حاجه..
رأفت:مش دلوقت يا ملاك..هشوف اخوكي فين بعدين نبقى نتكلم ياحبيبي..
ملاك:ماهي بخصوص يوسف..
الهام:ايه ياملاك قولي..
رأفت:ايه ياملاك تعرفي ايه؟!
ملاك: *بتعيط* يوسف ف المستشفى..
الهام: ايه؟!..يوسف ايه؟!
رأفت:ليه؟!ومستشفى ايه؟! ومين قالك؟!
ملاك: مستشفى ------
*الهام ورأفت جريوا يلبسوا عشان يروحوا يشوفوا ابنهم*
*ف بيت جنة*
مديحة: ياربي عليكم ياولادي انتوا فين بس؟!
*مسكت الموبايل وبترن ع كريم*
كريم:الو السلام عليكم..
مديحه: وعليكم السلام..فينكم يابني..
كريم:بصي يا امي احنا ف
مديحة:قلقتوني فين يابني..
كريم: انا مش هكدب عليكي احنا مستشفى --------
مديحة:ليه ليه؟!حد منكم حصلوا حاجه..؟!
كريم:لا يا امي... اللي حصل......
مديحة: انا جايه حالا..
كريم:يا امي هتيجي ليه بس.؟!.
مديحة:لازم اجي واطمن سلام..
كريم:يا امي يا امي..
*مديحة قفلت الموبايل ونزلت تجري بإسدال الصلاة*
*جنة بتبص ليوسف وعماله تفكر هي شافته فين حاسه انها عارفاها أو شافته ف حتة قبل كدا*
*نور قاعدة زعلانه من كلام ادم ولانه كسر بخاطرها وعايزه تمشي ومتشفوش باي طريقة*
*يوسف ابتدى يفوق ويفتح عنيه ويقفلها تاني*
يوسف: *بيسند بدراعه عشان يقعد كويس* اااااااه
جنة: *جريت عليه* بالراحه يا استاذ يوسف على مهلك..
يوسف: *بيبصلها ومش مصدق* هااا؟! ايه؟!
جنة: بالراحة حضرتك لسه مخيط جنبك..
يوسف: *بتوهان* جنبي..ماله جنبي؟! *ف سره* ايه دا بس هي هنا بجد ولا ايه انا مش مصدق عنيا طب أضرب نفسي ولا اجيب الواد يضربني عشان اصدق اني صاحي ومش بحلم نهاري ابيض ع الجمال..
جنة: *بتفكر* ايه دا ماله هو فقد الذاكره ولا ايه..
يوسف: *استدرك نفسه* انا اسف يا انسة بس البينج مش فايق م البينج..
جنة:لا ولا يهم حضرتك..المهم حضرتك حاسس بوجع ولا كويس؟!..والف سلامه ع حضرتك
يوسف: *ف سره* انا كويس من لما شوفتك انا كويس طول ما انتي بتتكلمي..ما كنت اغور ولا اروح ف داهيه بس عينكي متبقاش حزينه كدا..بس حتى وهي حزينة قمر..
جنة: استاذ يوسف..استاذ يوسف!!
يوسف: *ف سره* ايه في ايه يا يوسف؟! حرام كدا غض بصرك انت شكل الضرب أثر ع نفوخك مش ع جنبك..
جنة: استاذ يوسف..حضرتك كويس؟!
يوسف:اه طبعا كويس معلش بس دايخ..
جنة:لا عادي ولا يهم حضرتك..
نور: حمدلله ع سلامتك يا استاذ يوسف..
يوسف: الله يسلم قلبك..هو فين ادم يا انسة جنة..
جنة:كان رايح يصلي هو واخويا زمانهم خلصوا وجايين..
يوسف: وهي الساعه كام دلوقت..
جنة: *بتبص ف ساعتها* ٨ وتلت..
يوسف: ايه؟!.. ازاي انا كل دا هنا..
جنة:ماهو حضرتك يا استاذ يوسف تعبت منا..و
يوسف: ثواني.. هو ابويا وأمي ميعرفوش اني هنا..
جنة: معرفش والله يا استاذ يوسف بس اكيد ميعرفوش لو يعرفوا كان هيكونوا هنا من بدري..
يوسف: الله يخربيتك يا ادم اكيد مطمنتهمش..
*ادم هنا دخل..هو وكريم*
ادم:هتخرب بيته ليه بس.. أنا هنا اهوو
يوسف:انت مقولتش لابويا وأمي.
ادم: قولت لمحمد وزمانه جاي..وقولت لملاك عشان عاقله وهتقولهم يجوا بهداوة..
يوسف: طب خير ان شاء الله..
كريم: انا مش عارف اشكر حضرتك ازاي ع الموقف اللي عملته مع جنة.. انا متشكر ليك جدا.. واسف ع اللي حصل وانا متكفل بمصاريف المستشفى..
يوسف:لا طبعا دا واجبي.. وبعدين ايه متكفل بمصاريف المستشفى وادم دا بيعمل ايه؟!ادم هو ولي امري وهو إللي يدفع..
ادم: مين ادم دا هو فين؟!
يوسف:اه يا بخيل يا نتن..
ادم: اصبر عليا احبك الدور يا اخي.
يوسف:احبكه براحتك..
ادم:لا طبعا انت بتتكلم ازاي يا استاذ كريم دا مينفعش طبعا..ها محبوك..
يوسف:جدا..
*جنة مبتسمة وابتدت ملامح وشها تفك شويه..*
*نور بتضحك ع ضحكة ادم*
يوسف: *بيبص لنور ومبتسم* و *ادم بيزقه ف كتفه*
ادم: *بيبص ع نور وعايز يعتذرلها بس مش عارف ازاي*
*دخل محمد جوز اخت ادم*
محمد: مفاجأة يافوزي مفاجأة..
يوسف:كدا يامحمد متورنيش وشك غير لما ابقى بموت..
محمد: ياعم انا تخصص حالات طارئة بس..
يوسف: وماله ياعم..تعال ف حضن اخوك يا فواز..
*كلهم ضحكوا*
*ف بيت مهجور*
مجهول١:ها هيتم ايمتا..
مجهول ٢:بكره الشحنة طالعه بكره...
مجهول١:ولو خابت..
مجهول ٢:لا طبعا هتصيب بإذن الله..
مجهول١:الاهم عندي البت..
مجهول٢:هتيجي وكل شيء ف وقته حلوو..
*ف المستشفى*
*عيلة يوسف وصلت وسألوا غ يوسف وطلعوا*
الهام بقلق:يوسف يا ابني مالك؟!
