*تكملة البارت الثاني عشر*
*ف المكان المهجور*
مسعود:فوزي لو اتكشفنا المرة دي انسى اننا نعرف نهرب تاني..
فوزي: متقلقش يا مسعود بيه، انا ظبطت كل حاجة..
مسعود: عملت ايه بالظبط...!؟
فوزي:نيههههههههههههااااا *مش عارفة ايه الضحكة المعفنه دي*
*فلاش باك*
فوزي: بص انت هتروح المخزن وهتشوف البضاعة لسه موجودة ولا لاء لو موجودة خير اووي هتخلع من غير ما حد يحس بيك ولو مش موجودة تدور عليها لانهم اكيد هيكونووا حطوها ف المخزن لما تلاقيها تجيبها وتيجي..
مجهول:طب افرض جنة دي او حد منهم كان ف الورشة، او ملقتش البضاعه ف المخزن..
فوزي: محدش فيهم هيكون هناك جنة دي هتروح واول ما تروح انا هديك رنة انك تروح الزفته الورشة..
مجهول: ماشي تمام.
*بااااك*
مسعود: واحنا كدا استفدنا ايه؟!..
فوزي: بص يا باشاا لو المخدرات دي كانت فضلت مع طلبية اللبس والبت فعلا اتأكدت أن احنا هنبعت حد يحط غيرها كانت هتبلغ البوليس وهنروح ف داهية وكانت هتلعبها صح اووي وكنا هنتكشف ويبقى فيها سين وجيم لانها اكيد كانت هتبقى متفقة مع البوليس ف معاد ما الطلبية هتتسلم..
مسعود: وبعدين.
فوزي: احنا كدا ف السليم لو البضاعه فضلت ف المخزن نقدر بعد ما عربيات الطلبية تتحرك ناخدها تاني، ولو موجودة وسط طلبية اللبس الواد هياخدها ويجيبها ونتصرف احنا ونوصلها للمخزن وسط الطلبية بطريقتنا بس اهم حاجة ان البضاعة دي متفضلش هناك..
مسعود: دماغك سم يا فوزي..
فوزي: تربيتك يا بااشاا..
مسعود: نيهههههههاهههههها
فوزي: *نفس الضحكة😂* اكملك بقاا يا باااشاا..
*فلاش باك*
*فوزي راقب جنة لحد ما ركبت العربية مع اخوها ورن على اللي متفق معاه عشان يتحرك*
مجهول: حاضر يا فوزي بيه هكون هناك حالا..
فوزي:انجز يا بيومي عايزين نخلص..
بيومي: حاضر..
*بيومي اتحرك وراح الورشة ونط من ع السور ودخل الورشة ووصل للمخزن ولما دخل لقي عامل م العمال ضربه ع دماغه وربطه ورماه واخد المخدرات اللي كانوا سايبينها ف المخزن ومشي*
*باك*
مسعود: كدا عنب خالص..
فوزي: انا هتصرف وارجع البضاعه تاني..
مسعود:يبقى تستنى مني حاجة محترمة كدا تروشنك..
فوزي:دا انا عايش ف جاميلك يا باشاا..
مسعود:طب يلاا نروح ناكل بمناسبة الخبر السُقع دا..
*ف اوضة يوسف*
*كريم جيه وجايب معاه كابتشينو ولقي الدكتور عندي يوسف*
الدكتور: دا انت ما شاء الله عال العال اهو..
يوسف: الحمدلله
الدكتور: طب انت كدا بقاا هتغير ع الجرح بس هبعتلك الممرضة..
يوسف: تمام يا دكتور تسلم..
الدكتور:بعد اذنك بقاا..
يوسف: اتفضل طبعا..
*الدكتور خرج وكريم قرب من يوسف*
كريم:الف سلامه يا بطل..
يوسف: الله يسلمك..
كريم: انا اسف يا يوسف..
يوسف: بتعتذر ليه دلوقت؟!
كريم: اللي حصلك دا بسببنا..
يوسف:بس بقاا يا كريم متقولش كدا، اولا دا قدر، ثانيا لو اي حد كان مكان اختك جنة كنت عملت كدا بس مش اي حد مكانك كان عمل اللي انت بتعمله معايا دا..
كريم: وانا بعمل ايه؟!..
دا انا مش عارفه ارد جميلك..
يوسف:نبتدي بقاا ف الكلام العبيط..
كريم: طب خلاص اقفل السيرة دي مش هتكلم فيها تاني..
يوسف: ياريت والله نقفل الكلام ف الموضوع دا..
كريم: ان شاء الله يلاا خد اشرب يلاا..
يوسف:هات اللي يجي منك احسن منك..
كريم:لسانك طول كدا اتلم ياض انت..
*ضحكوا هما الاتنين وشربوا الكابتشينو وقعدوا يتكلموا*
*ف بيت ادم*
*آدم قاعد مع أمه ع السفرة بيفطروا*
آدم:كفاية كدا يا ست قمر انتي بتزغطيني زي البطة..
قمر:هههه يابني كل بس معلش..
آدم: لا مش قادر وياادوووووب الحق اروح لمحمد شريف بيه قبل مايجي ينفخني هنا..
قمر: يابني مش تقول، طب يلاا امشي بقاا..
آدم:كدا تخلي عن ابنك حبيبك..
قمر:اتخلى ازاي بس، قوم ياض روح لجوز اختك..
آدم:قايم قايم..
قمر: تيجي السلامه يا غالي..
*آدم باص ايدها وراسها ونزل ركب عربية يوسف وراح لمحمد*
*ف الورشة*
*كل العمال متجمعين اودام المخزن وكل شاف الطلبية وهي متبهدلة والعامل اللي مربوط وواقع ع الارض*
*عمر بص لجنة لقاها بتضحك*
باين عليها هبلة😂
نكمل البارت الجاي
