نوفيلا "لكني احببتها"♥️🥀
-البارت (الفصل) العاشر-
*ف مكان مهجور*
فوزي:يا مسعود باشاا الزفت ايمن وصل..
مسعود:هاته هناا عندي..
فوزي: ماشي يا باشا..
*بينادي ع ايمن*...يا ايمن يا ايمن..
ايمن:ايه يا زفت...
فوزي:ما تحترم نفسك بقاا..
ايمن:غور من وشي ياض انت..عايز ايه اصلا..
فوزي:الباشا عايزك..
ايمن: جاي يا زفت غوور..
فوزي:انا مش عايز اكلمك عشان سنك وانا محترم..
ايمن: محترم..ايوة انت هتقولي غور من هنا وانا كدا كدا مش جاي عشان سواد عيونك انا جاي لمسعود..
فوزي: مسعود كدا حاف..
ايمن:عندك مانع..اغمزهالك يعني..
فوزي:لا دا انت فيك حاجه بقاا..
ايمن:ملكش دعوة غور من وشي..
*ايمن بينادي يا مسعود يا مسعود*
مسعود:يعني بتناديلي يا مسعود كدا حاف..
ايمن:ماهو من غبائك لازم اناديلك كدا..
مسعود: اخرس يا حيوان..
ايمن: والله ما حد حيوام غيرك..
مسعود:اتلم يا ايمن..
ايمن:ابقى مشي رجالتك ورايا تاني يا مسعود وانا اقتلك..البت كانت هتصدق اللعبه لولا رجالتك الغبية..
مسعود:اعملك ايه يعني!؟.استنى أما تغدر بياا.
ايمن:واغدر بيك ليه زي ما انت عايز تنتقم انا برضه عايز..يبقى تمشي ورايا اوباشك ليه..
مسعود:ما خلاص بقاا.. يعني ايه كل حاجه باظت..
ايمن:ايوة يا اخويا.. اتعرفت والطلبية مش هتتحرك بكره..
مسعود:ازاي!؟كل حاجه ظبطناها امبارح..ازاي تكشف..
ايمن: واحد من اللي عندها شافوا البضاعه وشالوها من الطلبيه ياخوياا..
مسعود: طب والطلبية مش هتتحرك بكره ليه..
ايمن: عشان خافت تتحرك بكره وحد يبلغ يلاقوا البضاعه ف المخزن..
مسعود: يعني ايه!؟..
ايمن:يعني لازم بكره حد يرجع يحط بضاعه تانية ف الطلبية دي..
مسعود: انت مجنون انت عارف البضاعه دي بكام..
ايمن: مش خسران حاجه كدا كدا بضاعتك بتوصل..
مسعود:لا مش هينفع..
ايمن: براحتك انا قولتلك..
مسعود:بقولك ايه الخطة هتمشي زي ماهي..
ايمن: براحتك سلاام..
*مسعود نادى ع ايمن قبل ما يمشي*
مسعود: استني يا زفت يا ايمن..
ايمن:نعمين..
*ف المستشفى*
*كريم نزل ينادي ع الباقيين عشان ياكلوا وشاف جنة ومديحة واقفين ف الاستراحه*
كريم: ياجنة يا امي حرام عليكم انتوا فين كل دا!؟
مديحة:انا كنت مع نور عشاان كانت مضايقة شويه..
جنة: انا كنت بعمل مكالمه واستنيت هنا نور مع ماما..
كريم:طب فين صحبتك ياجنة عشان انا جبت الاكل ويلاا عشان تاكلوا..
جنة: خلاص ماشي يا كريم احنا جايين..
كريم:خلاص ياجنة هروح اشوف فين ادم صاحب يوسف..تكونوا طلعتوا ماشي..
جنة:عُلِم ويُنفذ يا سعتالظابط..
كريم:هههههه يلا يا شاويش عطية..
*جنة ومديحة ضحكوا..ونور طلعت م الحمام وهي بتكلم نفسها*
جنة:هااا يابنتي يانور..انتي يا وليه..
نور:ايه ايه ايه..؟!
جنة:ايه يابنتي سرحانه ف ايه!؟
نور:مش سرحانه..
مديحة: بطلوا رغي بقاا يلا نطلع فوق..
جنة: ايوة يلا.
*نور وجنة ومديحة طلعوا فوق*
*وف اوضه يوسف*
مديحة:السلام عليكم..
كلهم:وعليكم السلام ورحمة الله وبركاته..
مديحة: طبعا حضراتكم اهل يوسف..انا اسفه ع اللي حصل بس دا حسن تربية منكم ليوسف اللي زي ابني بالظبط...شكرا بجد لولاه الله أعلم حال بنتي هيبقى عامل ازاي..
يوسف:الله يكرمك يا طنط ويريح قلبك..وانا معملتش غير الواجب
مديحة:انت يوسف صح!؟
رأفت:اه يا مدام دا يوسف ومفيش اعتذار ولا شكر دي بنتك ربنا يبارك فيها ويبارك ف أخلاقها اعتذرت وشكرت كتير اووي..
مديحة: والله ما عارفه اقوول ايه؟!
الهام:ولا اي حاجه اقعدي ناكل ويبقى بينا عيش وملح انا والدا يوسف ودا والده..
مديحة: اتشرفت بيكوا والله ربنا يكرمكم..
الهام: امين واياكم..
*بكره هنزل تكملة البارت*
