*تكلمة البارت التاسع*
*جنة لسه بتكلم عمر*
جنة:اجي بكره وتكون كل حاجه تمام ياعمر..
عمر:طبعا يا استاذة جنة..التيشرتات كلها جاهزة..
جنة:بس الطلبية دي متتحركش غير لما اجي..
عمر:خلاص والله انا فهمت قصد حضرتك وهيتم بإذن الله..
جنة:خلاص شكراً يا عمر،غلبتك انا عارفه..
عمر:لا طبعا..انا تخت امرك يا استاذه جنة طب سلام بقاا عشان اشوف الورشه..
جنة:وعليكم السلام ياعمر رينا يقويك..
*جنة قفلت مع عمر ورجعت المستشفى*
*ف المستشفى*
*مديحة قاعده مع نور*
مديحة:خلاص يابنتي بقااا حقك عليا انا..
نور:ياطنط مش حكايه حق..انا ضربته بالقلم..
مديحة:اهو دا اللي عيب بقاا..ضربيته ليه؟!
نور: مسك ايدي..
مديحة:تقومي ضارباه..وانتي زعلانه انك ضربتيه بالقلم..
نور:مش حكاية زعلانه..
مديحة:لاء حكاية زعلانه..احكي مالك؟!
نور:انا الصراحه زعلانه اني ضربته بالقلم وزعلانه انه اتكسر بخاطري وزعقلي كدا..بس والله اتنرفزت..مكنتش قاصدة..
مديحة:حصل خير يا حبيبتي انتي تعتذريله وتنهي الامر..
نور:تفتكري يسامحني..دا انا ضربته قلم..
مديحة:هو مادام جالك يعتذرلك ع اللي عمله وع انه زعقلك يبقى اكيد هيتقبل اعتذارك..
نور: يارب يا طنط مش عايزة اخد ذنب من وراه..
مديحة:مش هتاخدي ذنب يا حبيبتي ان شاء الله
نور:ان شاء الله..
مديحة:طب يلا نطلع بقاا لجنة ويوسف لان لما شوفتك نازله م ع السلم بالشكل دا قلقت عليكي.. وانا كنت طالعلهم اصلا..
نور:ااه طب يلاا يا طنط.. اطلعي انتي وانا هغسل وشي واجي..
مديحة: ماشي يابنتي روحي اغسلي وشك وانا مستنياكي..
نور: يا طنط اطلعي وانا هاجي وراكي..
مديحه:لا يا نور روحي حبيبتي وانا مستنياكي..
نور: ماشي يا طنط تمام..
*نور مشيت ومديحة استنتها ف الاستراحه*
*جنة داخله المستشفى وشافت امها ف الاستراحه*
جنة: ماما بتعملي ايه هنا؟!..ايه اللي جابك..؟! ومين قالك..؟!
مديحة:مش هرد عليكي تقلقيني عليكي كدا انتي وأخوكي..
جنة: والله ما كان في وقت احكي ولا اتكلم..
مديحة:ومفيش وقت رتني تطميني..
جنة:حقك علياا يا ست الكل انا اسفه..
مديحة:لا مش مسمحاكي..
جنة:خلاص بقا يا دوحه..
مديحة: خلاص يختي..نور مضايقه وحصل معاها موقف بايخ..
جنة:ايه؟!حصل ايه؟!
مديحة:اسمعي منها ياجنة يابنتي خليها تحكيلك وتفضفض..
جنة:حاضر يا ماما حاضر هي فين دلوقت..
مديحة:بتغسل وشها ف الحمام..وانتي كنتي فين..
جنة:كنت برا بعمل مكالمة..
مديحة:وخارجه برا المستشفى كلها..
جنة:عادي بقاا يا ماما سيبك..
مديحة:ماشي يا ست جنة براحتك..
جنة: خلاص بقاا انا اسفه..
مديحة:ماشي..فين يوسف بقااا خليني اشوفه ياعيني يا بني طيب وجدع..
جنة:ربنا يصلحه ويحبه دا انسان محترم..والده ووالدته واخته كلهم محترمين..
مديحة:اااه ربنا يصلح الحال ويباركلهم فيه..
*ف الحمام*
*نور واقفة اودام المرايه وبتكلم نفسها*
نور: انا مش عارفه انا ازاي عملت كدا..انا اتجنيت شكلي اضرب واحد بالقلم..
حد بيرد: انا اعرف شكلك فعلا اتجنيتي..
نور:اه والله معاك حق انا ازاي اعمل كدا..
حد بيرد: انا اعرف اسالي نفسك..
نور:تفتكر ممكن يسا...
ايه دا انا بكلم مين؟!يامااا
*نور بتلف ولقيت آدم اللي واقف جنب باب الحمام*
*ملحوظه الحمام له من برا مرايات وأحواض ومن جوا باب مقسوم فيه حمامات سيدات ورجال*
آدم:ايه اترعبتي ليه..؟!
نور:ااااه ايه..؟!
آدم: اقفلي ام بوقك دا الدبان هيدخل فيه..
نور: *استدركت نفسها* ايه انت مجنون؟!
آدم:ايه هتضربيني بالقلم تاني ولا ايه؟!
نور:ع فكره انا اسفه انا بس كنت متعصبة وكمان حضرتك غلطت لما مسكت ايدي..
آدم:انا مسكتها عشان انتي ضايقتيني وكنتي بتقولي كلام غريب..
نور: ولو مش من حقك تمسكها..
آدم:وانتي مش من حقك لا تضربيني ولا تعلي صوتك عليا..فاهمه؟!.
نور: انا اعتذرتلك وقولتلك مقصدتش..
آدم:اه قولتيلي مقصدتش..
نور:ااه.
آدم:اه تمام..ودي هتعمل ايه..؟!
نور: انا قولت م الاول انك انسان مستفز..
آدم: انا مستفز..ها وايه تاني؟!
نور:وبارد ودمك سم..
آدم: وايه تاني سمعيني..
نور: يا بااااارد انت باااارد..
آدم: وانتي مجنونه يا مجنونه..
نور:انا مش مجنونه إلزم حدودك..
آدم:مش لما تلزميها انتي الاول..
نور:انا عارفه حدودي كويس ومش بتخطاها..
آدم:اه ماهو واضح..
نور: تقصد ايه؟!.
آدم:وانتي مالك..؟!بعد اذنك يا مجنونه..
نور: مستفز وبارد..
*آدم مشي وعمال يضحك*
*ف اوضه يوسف*
*كريم دخل معاه الاكل*
كريم: السلام عليكم..عامل ايه دلوقت يا جوو.
كلهم:وعليكم السلام ورحمه الله وبركاته
يوسف:الحمدلله احسن..
كريم:جبتلك شويه اكل تاكل صوابعك وراهم..
يوسف: تسلم يا كيمو ربنا يخليك..
كريم:طب يلا اوماب فين صاحبك..
محمد:آدم..لا مش وقته انا ميت م الجوع ويادووب واكل الكيكه المعفنه اللي عملتها..
يوسف:تاني يامحمد مره بسبوسه ومره كيكه والاتنين ميتاكلوش..
محمد:يا سيدي بحب افرحهاا..
يوسف:يارب ع طول...
رأفت:يامحمد يابني فرحها مقولناش حاجه بس بحاجه تانيه.. او حاجه تاكلها زي الناس..
محمد: والله ياعمي اللي بعرف اعمله..مريم دي حبيبتي ولازم افرحها واعمل حاجه عشانهاا..هي فرحتني كتير.. وانا بردلها حاجه بسيطه اووي م اللي عملته معايا..هي عمرها ما قالت ان حاجه عملتها وحشه مع أني متاكده انها وحشه بس ع طول بتفرحني..
رأفت: ربنا يخليكوا لبعض يابني..
كريم: ربنا يسعدك ويتم عليكم..
إلهام:يابني انتوا لبعض والله من وانتوا ف اللفه..ربنا يحميكم ويحفظكم لبعض..
محمد:ربنا يخليكوا يارب..ويلا ياعم عشان جعان..
كريم:يلاا وانا هشوف فين الباقي..
*كريم نزل يشوفهم*
*ف مكان مهجور*
مجهول ١:انا خبرته وهو هينفذ كل حاجه ياباشا..
مجهول٢:انت متأكد ان كل حاجه مترتبه..
مجهول١: يا مسعود باشا كله تحت السيطرة..
مسعود:ان حصل هبقششك يا فوزي..
فوزي:متقلقش يا باشا والبت برضه جايه..
مسعود:ههههههههه جاية جاية برضاها غصب جايه..
فوزر:ههههههههه
كدا خلص البارت
لـِ *"شروق سيد"*
