قبل كل حاجة انا اسفة بجد ع تأخير البارت اقرأوا بقااا وقولوا رأيكم♥️
*تكملة البارت (الفصل) الثالث عشر*
- *ف بيت محمد* -
أدم: ياامحمد يلااااا يا اخي اخرتنا.
محمد: جاي يا حيوان.
أدم: طب هنزل استناك ف العربية وبسرعه وانجز عشان هنعدي ع خالتو مديحة.
محمد: طب ماشي يلااا.
- *أدم نزل يستنى محمد ف العربية، محمد بينادي ع مريم*
محمد: مريم يا حبيبتي انا ماشي.
مريم: ف رعاية الله، خلي بالك من نفسك.
محمد: وانتي كمان يا غالية، يلا السلام عليكم.
مريم: وعليكم السلام ورحمه الله وبركاته.
- *محمد نزل ركب مع آدم العربية، وتليفون ادم بيرن*
أدم *بيكلم نفسه* : رحمة...
الو يا رحمة، عاملة ايه؟!
رحمة: الحمدلله يا أدم انت عامل ايه؟!
أدم: بخير الحمدلله، معلش بقاا كنت نايم ومسمعتش الفون.
رحمة: ولا يهمك، المهم كنت هقولك اني رايحة فرح صحبتي النهارده.
أدم: اااه طب ماشي روحي.
رحمة: تمام يا ادم، السلام عليكم.
ادم: وعليكم السلام ورحمة الله وبركاته.
- *وقفل الفون ورماه جنبه* -
محمد: متنساش انها مستحملاك.
أدم: يا محمد مبحبهاش يا محمد.
محمد: خطبتها ليه؟!
أدم: ما انت عارف يا محمد.
محمد: ولما السبب ف كل دا كان ابوك انت من ايمتا بتسمع كلامه اشمعنا دي اللي تسمع كلامه فيها.
ادم: خلاص يا محمد اقفل الحوار دا.
محمد: واقفله ليه انا لحد دلوقتي معرفش انت معذبها معاك ليه كدا؟!
- *العربية وقفت مرة واحدة* -
محمد: ايه يا آدم، اهدى مش كدا.
ادم: اقفل الموضوع يا محمد لز سمحت.
محمد: خلاص بس متتعصبش.
- *ف المكان المهجور* -
أيمن: عشان تبقى تعمل حاجة من ورايا يا مسعود، ادي البت وصلت الطلبية وانسى تعرف تحط البضاعه تاني.
مسعود: بقولك ايه اخرس خالص هي مش ناقصاك، مش كفاية بنت الكلب دي.
آيمن: ابقى شوف هتعمل ايه؟!
بنت الكلب اللي بتتكلم عنها ضربتك ع قفاك وخلصنا يا سوعدة بيه.
مسعود: بقولك ايه اتلم.
أيمن: سايبهالك مخضرة، ابقى خلى فوزي ينفعك.
مسعود: غور من وشي.
- *ايمن مشي ومسعود بصوت عالي جدا بينادي ع فوزي* -
مسعود: فوززززززااااااااي.
فوزي: ايوة يا بااشا.
مسعود: حلو اللي حصل دا وفرجت علينا ايمن.
فوزي: وانا يا بااشا والله ما كنت اعرف انها هتسلم الطلبية قبل المعاد، كل حاجة كانت فل لحد ما المخدرات اتشالت.
مسعود: والعمل!!!!!
فوزي: هنلاقي طريقة.
مسعود: غور من وشي انت التاني.
فوزي: حاضر يا باااشااا.
مسعود *بيكلم نفسه* : والله ما هعديها يا بنت الكلب انتي.
- *ف التاكسي اللي جنة راكبة فيه* -
مجهول: ردي عليا ولا خايفة يا قطة.
- *جنة لسه هترد لقت كريم بيرن عليها ردت* -
كريم: ست البنات فين؟!.
جنة: ف تاكسي مروحة يا حبيبي.
كريم: ليه كنتي فين؟!
جنة: مشوار يا بني مشوار.
كريم: بخاف من مشاويرك دي.
جنة: ههههه ليه بس؟!
كريم: المهم جاية ع المستشفى ولا ايه؟!
جنة: كنت هروح الاول اشوف ماما ونمشي انا وهي.
كريم: طب روحي وانا كلمت ادم عشان يعدي عليكم يجيبكم.
جنة: طب وتتعبه ليه؟!
كريم: اصل الحجة مديحة باين كدا هتزغط جوو فعاملة اكل فمش هينفع تركب تاكسي.
جنة: اااهههههه ماشي خلاص.
كريم: تمام يلاا السلام عليكم.
جنة: وعليكم السلام ورحمة الله وبركاته.
- *جنة رجعت ترن ع الرقم لقته مغلق* -
جنة *بتكلم نفسها* : ربنا يسترها.
السواق: يا انسة يا مزمزيل.
جنة: اه معلش انا اسفة، اتفضل.
السواق: تسلمي.
- *جنة نزلت م التاكسي لقيت عربية تحت ييتهم* -
جنة: دي اكيد عربية ادم.
- *ف المستشفى وف اوضة يوسف* -
يوسف: كيمو يا كيمو.
كريم: ايوة يا يوسف.
يوسف: حاسس اني دايخ عايز حاجة حلوة.
كريم: الف سلامة ثواني واجيبلك.
- *كريم نزل جري اشتري وطلع لقي يوسف واقع ع الارض* -
انتهى البارت♥️
لـِ *"شروق سيد"*
