الصعب
البارت الرابع
بعد كذا يوم وفي صباح يوم جديد
في منزل حسين بدر الدين علي السفره .
لما حسين عرف ان في مهمه لابنه ،وبستفسار.
حسين : ترجع بالسلامه قلت لبيسام ؟
براء بضيقه :لسه مكلمني من شويه من المكتب ،هقولها وانا بوصلها .
ناديه :ياعيني ديه هتزعل اوي .
حسين :هتتعود زيك ،ده شغل جوزها ،يعني تبقي داعم ليه .
براء بيقرب باس خد مامته وسلم علي باباه وخرج خبط علي باب بيسام .
زمزم فتحت الباب .
زمزم :اهلا يعني احنا ننام ونتصبح بيك !!
براء :مفيش احلي من كده .
زمزم :يا ساتر ..با بيسام براء علي الباب ونزلت .
براء :استني اخدك في سكتنا .
زمزم :متاخره يا براء وقربت ،وانت مش عايز عوازل صح وغمزته واه شكرا علي البيتزا امبارح .
براء بضحك :بتفهمي يا زو.
زمزم :انا الفهم كله وبس للي يقدر .
رجيه علي الباب :ادخل يا براء بيسام خمس دقائق وتكون جاهزه .
دخل براء وزمزم نزلت
راجيه :بيسام قالت ليه علي الشقه ،هروح انا وماما نتفرج عليها .
براء :ان شاء الله تعجبك يا طنط .
راجيه :ديه حاجه مؤقته لغايه ما تستلم شقتك .
براء :بس هنعقد فيها فتره لازم تريح بيسو .
راجيه :ربنا يخليك ليها ويسعدكوا يا رب .
بيسام خرجت وكانت لبسه بنطلون اسود وعليه تيشرت نبيتي علي نقشه من علي الصدر .
براء بيبص بنرفزه :نعم حضرتك هتنزلي كده ؟
بيسام :ماله اللبس .
براء :التيشرت قصير يا هانم ،ادخلي غيري.
بيسام بتلف :مش قصير يا براء وديه الموضه بتعته كده .
براء :لا والنبي الموضه كده ،ادخلي غيري يا بيسام بدل النهارده مفيش جامعه .
راجيه علشان تحل المشكله :ادخلي والبسي جيبه او بنطلون واسع ،وبدل مش عاجب خطيبك تسمعي كلامه .
بيسام بنرفزه :يييوه بقه ودخلت تغير .
راجيه :حمش يا واد .
براء بضحكه :طبعا ،وبيرفع كتفه بثقه .
في العربيه
براء بيكلم بيسام وهي مش بترد عليه
- [ ] براء بيغني ليها :افضل احيله ميردش.... واقوله يا سيدي ....ما يردش ...اعمله ايه ايه
بيسام بضحك :بس بقه ،معرفش اخد منك موقف ابدا .
براء :عمرك ..عارفه ليه علشان انا مهنوش عليكي ...بيسام انا عندي مهمه ومسافر .. لمده يومين ان شاء الله ادعيلي .
بيسام بنظره كلها خوف مسكت ايده :ترجع بالسلامه وابقي طمني عليك حبيبي .
براء قرب ايدها من شفايفه وبسها :اهم حاجه من غير دموع .وتخلي بالك من نفسك كويس ،وانا اتفقت مع بابا انه يبعت العربيه بالسواق ليكي ،ومتنزليش لوحدك خالص .
بيسام :اومرك حضره الظابط.
براء :حبيبي المطيع ،وصلنا .
بيسام :هتوحشني .
براء :انا عايز اعرف الكلام ده مش بيتقال غير والواحد في وسط الناس،مش كده الدلع يا بيسو .
بيسام :ههههه علشان متتهورش .
براء بضحك :سبيه يمسكها يا فوزيه .
بيسام :لا اله الا الله .
براء محمد رسول الله .
في السنتر
شريف واقف مستني زمزم ،هيام جت عليه بفرحه .
هيام :ازيك يا شريف .
شريف :الحمد لله وعينه متعلقه علي بابا السنتر .
هيام :شريف في مسائل مش عارفها ممكن تشرحهالي ؟
شريف :انا ...عندك مساعد المستر هيفيدك اكتر ..انا هروح اجيب حاجه عن اذنك .
هيام لنفسها اوف بقه مش ممكن عليه دايما كده ،لكن زمزم الضحك والمساعده كلها .
زمزم دخلت السنتر راحت في اتجاه هيام .
زمزم :اخير وصلت كنت خليت براء وبيسام وصلوني ،عملت جدعه طلع عيني .
هيام :انت محدش وصلك ؟
زمزم :لا
شريف من ورها جه
شريف :زمزم اتاخرتي ليه ؟
زمزم :جيه مشي من اول الشارع التاكسي وقف ونزلت مشيت .
شريف :انا ممكن ابق اعدي عليكي .
هيام :هو انت معاك عربيه ؟
شريف :بالتاكسي .
هيام :طيب ما هي جيه بتاكسي ،وبعدين براء خطيب اختها دايما بيوصلها .
زمزم :مفيش مشكله يلا نقعد بقه ،ومتشكره يا شريف انا براء بيوصلني .
