البارت التاسع
عدت الايام ،وفعلا توقع زمزم كان صح ،عامر كان بياخد حقه من فلوس اخوه ،وكمان ممكن ياخد من حق البنات ،وكان المعاش وباقي الفلوس معيشاهم بالعافيه ،خصوصا مع دروس الثانويه العامه ،وبيسام وزمزم بقوا يحرموا نفسهم من الاكل علشان يكفوا ،وخصوصا ان عمهم مقيم معاهم ومش بيشارك معاهم في اي مصروفات .
براء بيوصل بيسام الجامعه وكان باين عليها الضعف من قله الاكل والحزن علي حالهم الي اتقلب مره واحده .
براء :بيسام انا جوزك ومسئول عنك انت وزمزم ارجوكي لو عايزه حاجه تقولي علي طول .
بيسام :يا براء انت علي طول بتجيب من غير ما اطلب انا الي مضايقني ،عمي عامر ،مش بيلاحظ ابدا وبياكل ويشرب من غير ما يشارك ،مع ان المفروض هو الي يدفع كل حاجه ،يا ساتر البخل مرض .
براء:متستنيش منه حاجه .
بيسام :مش مستنيه بس هو عبق علينا ،يا ريت يروح بيته ،انا عارفه قاعد ليه ،علشان ياخد باله مننا ،ولا علشان ميصرفش علي نفسه في الاكل والشرب .
براء :بصي احنا نتمم الجواز علشان ما يبقاش ليه حجه يقعد هكون موجود واخلي بالي منكم .
بيسام :وبابا وماما ...لسه.
براء :اكيد هما هيرتاحوا .
بيسام :طيب نستني امتحانات زمزم ،ومنعملش حفله .
براء :انا هخلي بابا يجي يتفق مع عمك ،وانا ما اجرتش الشقه ممكن اجيب اوضه النوم في اوضه الضيوف حتي علشان اطمن عليكي وعلي زمزم لما اكون في مأموريه هتكونوا جنب بابا وماما .
بيسام :وانا موافقه .
في السنتر
زمزم قاعده مع هيام وشريف وبيشرحوا ليها .
هيام :يا زمزم فهمتي كده .
شريف :احنا اقوي من مساعدين المدرسين .
زمزم :ربنا يخليكوا .فعلا ونعم الصحاب ،انتوا اخواتي بجد .
شريف وشه اتغير وزمزم وهيام اخدوا بالهم .
هيام :هقوم اجيب حاجه ساقعه .
زمزم بتبص لشريف بحده :شريف انت شكلك اضايق ليه لما قلت انكم اخواتي .
شريف :علشان احنا مش اخوات ..انت مكانتك في قلبي غير يا زمزم .
زمزم :بص يا شريف ،من غير لف ودوران ،انا عمري ما بصتلك بصه تانيه غير اخ ،وانا بحاول اوصلك ده ،لو مش متقبل الصفه ديه ،معلش انا اسفه مش هقدر اكلمك تاني .
شريف :يا زمزم انا .
قطعته زمزم :انا اختك ومش هبقي غير كده ،بص حواليك هتلاقي عيون متابعك نفسها تحس بيها ،بس مش انا العيون ديه .
شريف :الي يريحك يا زمزم ،وانا لا يمكن افرض نفسي عليكي ،ويشرفني انك تكوني اختي .
ابتسمت زمزم :ابقي دور علي العيون التانيه ..صدقني هتحبها ،وهتعرف ان كل الاحاسيس الي ناحيتي وهم .
سكت شريف لانه فاهم ان زمزم بتتكلم عن هيام .،لكن القلب وما يريد .
بليل في شقه بيسام وزمزم
عامر قاعد مع حسين
حسين :احنا عايزين نتمم جواز براء وبيسام بعد امتحانات زمزم .
عامر :انتوا خلاص وضبطوا الشقه .
حسين :احنا كنا متفقين مع علاء الله يرحمه ان الولاد ياخدوا شقه ايجار جديد لغايه ما براء يستلم شقته ،لكن الظروف الجديده ،غيرت الاتفاق .
ممكن براء يجيب اوضه نوم ويفرشها في اوضه الضيوف.
عامر بنرفزه :وانا اروح فين .
حسين :ما احنا بنريحك ،ترجع شقتك ،وبراء راجل مع البنات وهيخلي باله منهم .
عامر :اه ..قولي بقه ،حضرتك عايز عروسه وشقه طمعان في البنات .
حسين :يا استاذ عامر ،عيب كده طمعان ايه ،بدل ما زمزم تقعد لوحدها .
عامر :انا قاعد معاها .
حسين :احنا مش عايزين نفرق البنات .
عامر :من الاخر انا مش همشي من هنا ،انا اجرت شقتي ،وقاعد في حقي من ورث اخويا .
حسين :فاهم انه اهم حاجه هي الفلوس عند عامر ،طيب ايه رايك احنا نقيم قيمه الشقه وانا هشتري نصيبك ،حتي براء ما يكونش قاعد في بيت مراته .
طيب وانا هعمل ايه ؟
حسين :حضرتك ترجع شقتك وتلغي الايجار .
عامر : بتفكير ..هعرف قيمتها واقول لحضرتك .
بيسام قاعده مش بتتكلم لا هي ولا براء بس كانت هتموت من استغلال عمها ،وبدل ما يتكلم ازاي يساعد في جهازها لا بيفكر في حقه ،وبراء تاكد له ان كلام بيسام نقطه في بحر في استغلال عامر للبنات والي كان باين عكس ده للكل ،وانهم فاهمين انه بيخلي باله من البنات ،لكن بيخلي باله من حقه من ورث علاء .
حسين مشي وبراء اخد بيسام وخرجها
حسين مع ناديه
حسين :ده راجل فظيع طمعان في كل حاجه .
ناديه :راجيه كانت بتقولي انه ميت علي القرش ،ده غني جدا ،اتجوز وطلق مرتين ،مفيش ست تقدر تتحمل البخل .
حسين :وانا كنت فاكر انه قاعد علشان البنات ،يا ساتر ،ده قاعد علشان حقه ،وفاكر اننا طماعين زيه ،حد هيطمع في بنات ويتامي ،استغفر الله العظيم .
المهم شوفي نقدر نجمع كام علشان نديله حقه ويمشي .
ناديه :انا عندي نصيبي من بيت ابويا هبيعه وانت شوف معاك كام في البنك ،.
حسين :انا خايف من المبلغ الي هيطلبه .
ناديه :ربنا يستر ،ويقدرنا ،وربنا عالم اننا مش طماعين وهيساعدنا .
براء بيتمشي هو بيسام علي النيل
براء:حبيبتي متزعليش عمري ما هتقلي من نظري زي ما بتقولي ،انا حفظك وانت تربيه عمي علاء وطنط راجيه الله يرحمهم ،مش تربيه عمك ،بصي بابا حلها خلاص هنشتري حقه في الشقه وياخد نصيبه ويمشي .
بيسام بدموع :انت عارف انه بياخد نصيبه من الاكل بيقول ليه حق في المعاش.
براء :لا طبعا زمزم بس الي ليها حق وانت علشان متجوزه شالوكي من المعاش ،انا هاين عليه اروح اضربه ،الي خلي عيون حبيبتي تدمع ،قرب عليها ومسح دموعها ،اي طلب انا موجود يا بيسام انت مسئوله مني ،حتي من غير كتب كتاب انت حبيبتي واحلامك أوامر .
وهما راجعين براء وقف جاب اكل يكفي بيسام وزمزم واكد علي بيسام ان عمهم عامر ما يكلش منه .
بيسام بتفتح الباب لقت عامر قاعد ماسك الموبيل ،وزمزم في اوضتها ،دخلت معاها براء ،وكان متحفز لعامر جدا .
عامر :كويس انك جبتي العشا معاكي وانت راجعه .
بيسام جت ترد براء داس علي ايدها .
براء :معلشي ده عشا البنات وانا معملتش حساب حضرتك ،اصل عارف ان الناس الكبيره بتنام خفيف ،ومتكلش غير زبادي ،وانا جبتها لحضرتك ،وطلع علبه زبادي وادها له .
عامر مش عارف يرد ،واتغاظ اكتر لما البنات قاعدوا ياكلوا وبراء قاعد معاهم لغايه ما اطمن انهم اكلوا ،.
عامر :بنرفزه تعبناك يا براء .
براء :تعبكوا راحه.
وبيسام وزمزم لموا الباقي ودخلوه اوضتهم ،زي ما براء اتفق مع بيسام .،والبنات كان عندهم ميني ثلاجه في الاوضه حطوا الاكل فيها .
براء استاذن ومشي وبدأت حرب من نوع جديد علي البيت ،البنات بيجيبوا علي قدهم وياكلوا او ناديه دايما تعزمهم ،وعامر اصبح مطر انه يجيب لنفسه .
وفي يوم بليل الباب خبط وكان براء .
براء :بيسام ماما عيزاكي انت وزمزم ،عزماكوا علي العشا .
عامر :لا كده قله ذوق .
براء :معلش يا عمي اصل بابا مسافر وانا نازل وماما قالت تتونس بالبنات .
عامر :اه يروحوا طبعا .،علي فكره النت قطع يا براء شوف المشكله ايه .
بيسام الي ردت :معلش يا عمي انا وقفت النت بنقلل المصروفات .
عامر:اومال بتعملوا ايه في دراستكم انا عارف انكم بتحتاجوا نت .
بيسام :انا بخلصها في الجامعه وزمزم في السنتر.
الحقيقه ان براء مديهم باس ورد النت بتاعه علشان يقلل المصروفات .
عامر طلب من حسين مبلغ كبير لكن حسين جاب ليه سعر المتر وقدر يشتري نصيبه من الشقه وكتبها باسم البنات وقال لهم انها هديته ليهم .
واخيرا عامر مشي بعد ما اخد نصيبه في كل حاجه ،وبراء ابتدا يوضب الاوضه من غير ما يعمل قلق علشان امتحانات زمزم .
طبعا مش هيعملوا فرح بس براء اجر تربيزه في سفينه علي النيل وعزم فيها اصحابه المقربين واصحاب بيسام .
براء اخد بيسام لاتيله علشان فستان الفرح ،دموع بيسام كانت مغرقه وشها ،مفتقده راجيه في اهم ايام حايتها .
براء:بيسام علشان خاطري ،كفايه دموع ،اكيد طنط وعمو حاسين بيكي .
بيسام بتمسح دموعها :كان نفسي تبقي معايا سمعت هيصه جامده ورها .
كانت ناديه مع زمزم واصحاب بيسام كلهم بيغنوا وهيصوا لاحلي عروسه ،خرجوا براء بره الاتيليه علشان ميشوفش الفستان .
براء جاله مكامله مهمه من الوحده بتاعته.
