الصعب
البارت السادس
في بيت اللوا حسين بعد خروج براء من المستشفي وزياره اللوا فوزي وماجد ابنه للاطمئنان عليه.
اللواء فوزي :خلاص ماجد يبقي يتابعه في البيت هو تخصص عظام .
حسين :لو مش هنعطله .
ماجد :لا طبعا مفيش اي عطله يا عمي .،ممكن اشوفه ؟
حسين :اه طبعا براء قاعد في الليڤنج .
بيسام مسكه طبق الشوربه ،وبراء بيدلع عليها
براء :شوفيها سخنه ولا لأ؟
بيسام :هوكل معلقه هشوفها سخنه ؟
براء بهمس :علشان تبقي قريبه من شفافيك .
بيسام بتبرق ورجعت لورا :انت قليل الادب علي فكره .
براء :فكره قله الادب عندك محدوده يا موزتي ،ومسك ايدها وباسها.
بيسام : شدت ايدها و حطت الطبق خلي طنط ناديه تاكلك .
دخل اللواء حسين واللوا فوزي ودكتور ماجد عليهم .
حسين :يا براء دكتور ماجد جي يطمن عليك هو واللوا فوزي .
براء :بيحاول يقوم ،اهلا يا فندم .
فوزي :يا واد انا عمك فوزي ،وبعدين احنا في بيتك مش في الوحده.
ماجد بيشوف الأشعات ،طبعا الدكتور الي بيتبعك استاذي ،انا هستأذنه اني اكون معاك .
براء :انا متشكر يا دكتور ماجد .
ماجد :ايه دكتور ديه احنا اصحاب مدرسه واحده وعارفين بعض انا مش بتوع الالقاب .
براء :ولا بتعتي انا كمان .
ماجد :حلو الكلام ،ممكن رقم موبيلك ،علشان نرجع العلاقات ايه رائيك ؟.
براء:طبعا ،تبادل براء وماجد التليفونات ،والقعده كانت ظريفه ،وماجد حب شخصيه براء .الصديق الي افتقده .
ماجد :يا ريت يا براء اعتبرني صديق مش الدكتور بتاعك ؟
براء :يشرفني يا ماجد يا ريت .
في شقه علاء
زمزم قاعده علي المكتب وتايه في ماجد ،وبتكلم نفسها ،فوقي كده ذاكري في مستقبل بيروح ،نركز احسن .
دخلت بيسام بترمي نفسها علي السرير ،وببتسامه خفيفه،وبتفكر في براء وشقاوته معاها .
زمزم بتبص عليها ،كانت دايما بتتريق عليها ،لكن دلوقتي حسه بيها.
بيسام :مش عايزه كلمه منك فاهمه ،بطلعيني من المود الي ببقي فيه .
زمزم :انا متكلمتش .
بيسام :بسبق .
عدي شهر علي الاحداث وكانت بيسام كل يوم عند براء ،بترعيه مع ناديه ،وزمزم بتعدي ساعات وكذا مره تشوف ماجد ،الي اعجابه ذاد بيها بس مأجل اي كلام لغايه ما تدخل الجامعه ،لسه صغيره ،انها تاخد قرار زي ده وكان عايز يعرفها اكتر .
الجبس اتشال وبراء كان بيعمل علاج طبيعي ، وعمل تحاليل واطمن انه في طريقه للشفاء الكامل من ناحيه الخلفه وحددوا كتب الكتاب خلاص اليوم .
في شقه علاء
راجيه :يا بيسام هتتاخري علي البيوتي سنتر ،زمزم هتحصلك .
زمزم :لا طبعا هروح معاها .
راجيه :علشان الدرس احنا في الاخر يا بنتي .
زمزم :متخفيش انا مظبطه الدروس مع المستر وهحضرها مع جروب بكره ،يلا يا عروسه.
بيسام :براء جي هيودينا يا ماما .
راجيه :انت عارفه انا وافقت علي كتب الكتاب ،علشان الخروج والدخول ده .
بيسام :هو براء غريب يا ماما .
راجيه :بس كده احسن ،وكام شهر تكون الشقه خلصت واجوزك رغم ان. كان نفسي كتب الكتاب مع الفرح علشان براء ميخدش. راحته .
بيسام :متخفيش يا ست الكل .مش هياخد راحته .
راجيه :افلح ان صدق علي العموم انت عارفه حدودك ومش هقولك حافظي علي فرحتك يا بيسو .
الباب خبط راجيه قالت لبيسام تفتح الباب ، ونادت زمزم جوه علشان تجيب معاها الفساتين وشنط التحيهزات .
براء :عروستي جاهزه ؟
بيسام بتتحرك :هجيب معاهم الحاجه .
براء شدها عليه :عايز حاجه حلوه .
بيسام زقته :هجبلك بونبوني ،بتضحك.
براء :وحياتك عندي النهارده بعد الكتاب هتعرفي.. ،هتكوني مراتي .
زمزم جيه شايله هي وراجيه ،بيسام شالت الاكياس وكمان براء وفعلا وصلوا عند البيوتي سنتر.
