الصعب
البارت الرابع عشر
براء وبيسام روحوا وقالوا نوع البيبي الي الكل ،والكل فرح جدا .
زمزم :انا هبقي خالتو لبنوته ،ايوه هو ده الكلام ،هننزل نشتري حاجتها امتي .
بيسام : ننزل من بكره ديه حاجات كتير .
براء :بكره بعد الشغل ننزل نشتري .
ناديه :انا هنزل معاكوا .
وزمزم :وانا كمان .
حسين بضحك :وانا .
حسين :نتكلم بالعقل كده بيسام مش لازم تتعبي نفسك علشان صحتك .
بيسام :متقلقش يا عمي انا سألت الدكتوره وهي قالت لي ان المهم ان مبذلش مجهود اكتر من جهدي يعني كفايه ساعه في اليوم .
زمزم :احنا ننزل المول ندخل علي محل مستلزمات الاطفال علشان متتعبيش نفسك وكل يوم جزء .
براء :خلاص ده صح .
وفعلا بيسام والعائله كلها بتنزل كل كام يوم يشتروا الحاجات .
واتفق براء وبيسام علي اسم البنوته وهو چني .
وعده الايام وقرب ميعاد الولاده وكانت بيسام بتوضب اوضه بنتها وكان عندها مغص طول اليوم ودخلت عليها زمزم .فقررت انها لازم تكلمها وتقولها الكلام الي اجلته للاخر .
زمزم :حبيبه خالتو عامله ايه ومامتها .؟
بيسام :ببتسامه الحمد لله .،كويس انك جتي يا زمزم عايزاكي .
خرجوا قاعدوا وبيسام بدأت الكلام .
بيسام :بصي يا زمزم ...انت عارفه حالتي كويس ...وعارفه انها صعبه .
زمزم :هتقومي بالسلامه يا بيسام انا مش عايزه اسمع الكلام ده .وجت تقوم ،بيسام قاعدتها .
بيسام :لأ لازم تسمعيها ،..انت اختي الوحيده وسندي ..الي هقوله هيبقي سر بنا ووصيتي ليكي ،امانه في رقبتك ..
زمزم بدموع بس يا بيسو ..متقوليش كده .
بيسام :ما انا بقولك وصيه اسمعيني كويس ..انا عارفه الي هطلبه منك هيبقي انانيه مني بس انا ..انا .بوصيكي لو حصلي حاجه تتجوزي براء وتربي بنتي ،وتكوني امها .
زمزم :يا بيسام انا ...
بيسام :انا عارفه هتقولي ماجد ..علشان كده """بقولك انها انانيه مني ،مفكرتش فيكي فكرت في بنتي ،خايفه ان براء يتجوز واحده ،انت هتكوني ام تانيه .
زمزم :بدموع انا هكون جنبها لكن ،براء لا يمكن يتجوز بعد الشر بعدك .
بيسام :ممكن يفكر علشان يجيبلها ام ،انا كاتبه ليه جواب هو موجد في ضرفه الدولاب مع الشبكه ،لو حلصي حاجه قولي له مكان الجواب ...ديه وصيتي يا زمزم ،وسرنا لو مرجعتش البيت فاهمه
زمزم بدموع :حاضر يا بيسام كل الي انت عايزاه هعمله ...وان شاء الله ترجعي معانا .وكل الي بتقوليه ننساه .
بيسام :طيب كده بقي انا تعبانه ومش قادره كلمي براء يجي يخدني المستشفي ،واندهي طنط ناديه .
زمزم :مالك هتولدي .
بيسام :ااااااه ..اندهي طنط بسرعه .
زمزم جريت علي ناديه وكلمت براء وكان حسين في البيت وقال لبراء انه يروح للمستشفي يسبق ،وانه هيجيبهم ويجبوا .
براءكلم الدكتوره ،وقالت انها هتستناهم في المستشفي وطلبت من براء ان يوفر كيسين دم لبيسام ،وبراء كلم ماجد..وقاله انه هيوفر الدم ..وهو يهتم ببيسام .
قدام باب المستشفي كان براء مستني بيسام ولقي عربيه حسين دخلت عليه جري براء علي بيسام ،الدموع والعرق اختلطوا ببعض ..
براء:حبيبتي ..هتعدي وتقومي ليه بالسلامه .
بيسام :ان شاء الله ...ااااااه اااااه .
داخل المستشفي
براء :يا جماعه مراتي بتولد وقاعدها علي الكرسي وبراء جري بيها علي الدكتوره .
والدكتوره كشفت علي بيسام وقالت انها ولاده بس قدمها وقت .
بيسام :ااااه براء عايزاك .
الكل خرج من الاوضه
بيسام :براء ممكن تبوسني بكل شوقك كانها اول بوسه لينا .
براء قرب من بيسام وباسها بكل الشوق والرعب ان يفقدها واخدها في حضنه ودموعه نزلت لانه حس ان بيسام بتودعه .
بيسام :براء انا متشكره علي كل الحب الي عيشتني فيه ،علي الامان علي حضنك الي كان موجود وانا محتاجه له ..عن رجولتك وصبرك وحزنك وخوفك عليا من ساعه ما عرفت اني في خطر ..براء بيبوسها ويدمع وتكمل كلامها ...انا هسيب حته مني معاك خالي بالك منها ...وزمزم يا براء اوعي تسيبها ابقي سندها ...انا هبقي مطمنه عليها وانت معاها .
براء :انت هتقومي وترجعي معايا فاهمه ..انا مقدرش اعيش من غيرك .
بيسام :هتعيش لازم تعيش اوعي حزنك ينسيك ان بنتنا في رعايتك ...ااااه ااااااه .
قدام غرفه العمليات الكل مترقب وماجد جه واقف جنب زمزم الي كلام بيسام بيرن في دماغها وبتبص علي ماجد ..
حسين وناديه ماسكين المصاحف وبيقروا فيها .
براء واقف قدام باب الاوضه عينه وقلبه متعلقين ..،قلبه وجعه من احساس انه ممكن يفقد حبيبه قلبه ،هو عمره ما شاف واحده غيرها طول عمره قلبه متعلق بيها عمر ما بنت شدته او خلته يبص عليها ،كانت كلمه بنت حاجه واحده بيسام وبيسام وبس .
سمع صوت البيبي ..وخرجت ممرضه شايلها الكل جري علي الممرضه .
الممرضه :بنوته زي القمر ..الف مبروك .
زمزم :مامتها عامله ايه ؟
الممرضه انا مسئوله البيبي ..اكيد حد هيطلع يطمنكوا ..عن اذنكوا اوديها اوضه الاطفال.
ممرضه خرجت وطلبت اكياس الدم ..وماجد قال انه موفرهم في بنك الزم بأسم بيسام .
راحت الممرضه علشان تجيبهم .
بعد فتره خرجت الدكتوره
براء :ها يا دكتوره بيسام عامله ايه ؟
الدكتوره :الحاله في مرحله الخطوره بننقلها دم رهي نزفت كتير وحصلها هبوط حاد جوه اوضه العمليات ..احنا ودنها غرفه العنايه ..هي محتاجه دعواتكم .
زمزم بصريخ :انا عايزه ادخلها ..دخلوتي لاختي ..بيسام اوعي تسيبيني .
ماجد شدها في حضنه وهي بعدته اوعي ..دخلني عندها ...جريت علي براء الي كان ساكت وكأنه في حلم لأ ده كابوس .
زمزم :رد عليه انت ساكت ليه وزمزم بتهز في براء الي الذهول واضح علي وشه ...اخد زمزم وراحو ناحيه غرفه العنايه ...بيسال عن حاله بيسام والممرضه شورت له علي مكانها وكانت في غرفه من ورا الزجاج شايفنها ..بدون حركه وشها ابيض مفتقد للدمويه شعرها مرفوع في بنوه لكن خصله متمرده طلعه منه ...براء بيغمض عينه من الالم علي حال حبيبته الي كانت ....كانت لا يا رب ما تكون كانت هي هترجع معانا هي هتكون مش كانت وبيغمض عينه ودموعه نازله .
زمزم واقفه حطه ايدها علي الزحاج مكان وش بيسام كأنها بتمسحه ..
زمزم :بيسام ..بيسو قومي كفايه كده ..انت عارفه انا مليش غيرك ...بتعملي فيه كده ليه ..بيسام قومي علشان بنتك ..سكتت بنتها مسحت دموعها ..انا رايحه اشوف چني واطمن عليها ...ومشيت وبراء بيبص عليها ورجع نظره علي بيسام الي نايمه علي السرير .
براء:بيسام يا حب عمري وقدري الي فقت عليه ...انا قلبي وجعني ..حبيبتي زمزم راحت لچني تطمن عليها ..قومي يلا اطمني عليها معانا .
فجاءه صوت الاجهزه علي واعلن توقف القلب ..ياه علي الدنيا لحظه حياه ولحظه موت وبينهم انسان عاش عمل ايه علشان لحظه الموت .
زمزم هتعمل ايه مع ماجد وتقنع براء ازاي؟
