الصعب
البارت الثامن
بعد اطول يوم مر عليهم واصعب يوم ،الكل متجمع في بيت علاء بعد ذهاب الاهل والباقي عامر ،وحسين وناديه وبراء ،وطبعا البنات .
عامر :قوموا يا بنات اعملوا شنطه ليكوا وتعالوا تقعدوا عندي .
بيسام وهي في حاله حزن طاحن :اسفه يا عمي بيت بابا مش هيتقفل .
عامر :بس الفتره الاولي علشان حالتكم .
بيسام :حالتنا مش هتتغير بالعكس هنا احنا حاسين انهم معانا في كل مكان كانوا فيه ،بص حضرتك ده كرسي بابا بيحب كان يقعد عليه يتفرج علي التليفزيون ،شايف المصحف ده ،.....ده بتاع ماما كانت بتقرا فيه كل يوم بعد الفجر ،....شدته من ايده شايف سجادتين الصلاه كانوا بيصلوا جماعه مع بعض حتي صلوا الضحي قبل ما ينزلوا ،.....ومسكت كوبايه الشاي الغير مكتمله ،ماما كانت بتشرب فيها وبابا استعجلها ونزلت معاه ،زمزم تايهه وشكل الحقنه المهدئه السبب .
عامر :خلاص برحتكوا انا هبات معاكوا ..ينفع يا بنتي .
بيسام :طبعا يا عمي ..ثواني هدخل زمزم الاوضه واوضب اوضه الضيوف لحضرتك .
حسين :متخفش علي البنات يا استاذ عامر ،احنا الشقه الي قصادهم ،وبراء يبقي جوز بيسام ،دول في عيننا.
عامر :كان نفسي ابعدهم شويه ،حتي علشان زمزم ،..انت شايف حالتها ايه .
ناديه :زمزم بنتي انا مربيها وهتكون في حضني متخفش عليها .
الباب بيخبط راح براء يفتح كان اللوا فوزي ودكتور ماجد الي لسه عارفين الي حصل .
فوزي :كده يا حسين كان لازم تكلمني .
حسين :يا فوزي الاحداث جت بسرعه ملحقتش .
ماجد بلهفه :والبنات عاملين ايه ؟
براء :بيسام اجمد شويه من زمزم ،زمزم اغمي عليها في المستشفي والدكتور ادها حقنه مهدئه وهي مزهوله من ستعه ما خلصنا الدفن ورجعنا .
ماجد :طيب ممكن ادخل اطمن عليها واكشف كده غلط ،هي متكلمتش بعد ما عرفت ،وكده غلط علي جهازها العصبي .
عامر :كتر خيرك ،هو انت دكتور ؟
ماجد :ايوه دكتور عظام ،بس طبعا انا دارس كل حاجه وعندي واحد صاحبي ممكن استشيره .
براء :ثواني يا ماجد ادخل لبيسام اقولها تجهز زمزم .
ماجد :طبعا اتفضل .
براء داخل ناحيه اوضه البنات ،لقي بيسام وزمزم قاعدين علي سرير علاء وراجيه ودموعهم نازله .
دخل براء ومسك كتف بيسام وزمزم واخدهم في حضنه .
براء :ادعوا لهم ،اكتر وقت محتاجين ليه للدعا دلوقتي ،بص لقي زمزم نايمه علي كتفها بص لبيسام الي نايمتها علي السرير .
براء:دكتور ماجد بره عايز يكشف علي زمزم .
بيسام عارفه مشاعر ماجد من زمزم ،بس ده سر اختها،وابتسمت ان ماجد عايز يطمن عليها .
بيسام :خليه يدخل وانا هصحيها .
براء :طيب سبيها نايمه ،ويجي وقت تاني .
بيسام عارفه ان وجود ماجد ممكن يفرق مع اختها .
بيسام :اسمع كلامي ممكن يتصرف حتي يكشف وهي نايمه .
براء :خلاص هروح اقوله .
ماجد قلقان جدا بعد ماسمع الي حصل لزمزم وتمني انه كان معاها ليكون سند ليها زي براء ما قوي بيسام .
براء :ماجد اتفضل .
ماجد قام ودخل علي زمزم الي رغم نومها دموعها مغرقه وشها .
ماجد مسك ايدها وشاف النبض ،بيسام خدت براء بره الاوضه .
ماجد :زمزم لو انت صاحيه،عايزك تعرفي اني جنبك وكل يوم هاجي اطمن عليكي ،فوقي كده وارضي بقضاء الله ،حققي حلم بابكي ومامتك ،ادعي ليهم ،اقري ليهم قران ،الحاله الي انت فيها مش هتفدهم ،لما مفعول المهدئ يروح لازم تقومي وتقفي انت اقوي من كده ،وانا جنبك طول عمري .
خرج ماجد من الاوضه
بيسام:الحاله ايه يا دكتور ؟
ماحد :الي هي فيه من تأثير الحقنه ،يا ريت اما تفوق خليها تطلع كل الكلام الي تعبها وبعد كده هترتاح ،انت بتقولي ان الحقنه خدتها علي الساعه ١٢،يعني علي بكره الظهر هتفوق ،وانا هاجي علشان لوحصل اي رد فعل ،منها .
براء :شكرا يا ماجد .
بيسام :شكرا جدا.
