الصعب
البارت الثالث عشر
بعد ما الدكتور قال ان في مشكله لبيسام في الحمل .
براء :ايه المشكله ممكن افهم ؟
الدكتوره :التحاليل بتقول ان نسبه التجلط عاليه جدا عند المدام .
براء :ده في خطوره ؟
الدكتوره :هي محتاجه متابعه دقيقه ،غير محتاجه تتحرك كتير علشان التجلط ،وانا هديها دوا سيوله ونتابعها .
بيسام :هو ده في خطوره علي البيبي .
الدكتوره :مع الاسف ايوه ممكن لو. نسبه التجلط زادت اوي بتقلل تدفق الدم للبيبي عن طريق المشيمه ،وده بيؤدي بعد الشر لخطوره علي حياه البيبي .
هنا بيسام عيطت جامد .،وبراء مسك ايدها ليطمنها .
براء : لو البيبي خطر عليها ننزله .
الدكتوره :النزول للبيبي في خطر عليها كمان .
بيسام :لا انا مش هنزل ابني ،اوعي يا براء هنتبع التعليمات .
براء :حضرتك اكتبي كل الادويه والتعليمات ،واحنا هنفذها ،بس اهم حاجه عندي بيسام .
الدكتوره:ان شاء الله ،ميحصلش اي مشكله ،بس لو حضرتك حصلك اي تعب من اي نوع خمول او عدم مقدره للحركه ،لازم تتصلي بيه ،وكمان حضرتك لازم تيجي كل اسبوع اطمن علي البيبي .
براء اخد التعليمات والروشته ،وكان اهم حاجه عايز يطمن بيسام ،الي القلق كان هيموتها .
براء اخدها لمطعم علي النيل ،وكان بياكلها بايده ،وبيدلعها جامد ،بس فجأه بيسام طلبت انها لازم ترجع البيت ،ومش عايزه تشوف حد ،لا ماما ناديه ولا زمزم ،براء احترم ده وروحوا دخلوا علي طول شقتهم ودخلت اوضتها ،وبراء وقف وهي ارتمت في حضنه وهنا سمحت لدموعها انها تنزل بغزاره .
بيسام :يا براء عايزه افرح زي البنات كل حاجه ليه ناقصه انا تعبت وانهارت في البكاء .
براء هداها جامد وطمنها .
كانت زمزم قاعده في الليفنج،وحاسه بقلق علي بيسام .
خرج براء بعد ما بيسام نامت خرج من الاوضه ،وشه كله دموع خايف علي بيسام ،مش مصدق ان البيبي سمره حبه مع بيسام ممكن يعرض حياه بيسام للخطر ،وزمزم شافت دموع لاول مره فقامت بسرعه .
زمزم :انت بتعيط يا براء ليه ..اختي فيها ايه ..انت دموعك متنزلش غير علشانها ..وانا شايفها داخله منهاره ..انت ساكت ليه ؟
براء :ومسح الدموع ..زمزم اهدي ..المشكله في حمل بيسام ..في خطر عليها ،
زمزم :يبقي ينزل ...بنرفزه .،الي يضرها مش عايزينه ،ولا انت المهم عندك ابنك .
براء :لأ طبعا بيسام اهم بس حتي نزول الحمل خطر ،احنا معندناش غير الدعا .
زمزم :احنا هندعي طبعا ...طيب ناخدها لدكتور تاني وثالث ..مش مهم ...دموعها نزله انا مليش غيرها انت فاهم.
براء :ده الي هعمله هحجز عند كذا دكتور .
زمزم :وانا هخلي بالي منها ،مش هروح الجامعه وهعقد جنبها .
براء :لا روحي الجامعه .،انت مستقبلك مهم بالنسبه ليها ،انا هكلم ماجد يشوف لي الدكاتره .
زمزم :انا هدخل اطمن عليها .
براء :انا بعد المكالمه هروح اقول لماما وبابا ،لو صحيت كلميني .
براء طلب من ماجد يشوف كذا دكتور علشان يطمن علي حاله بيسام ،وماجد قاله انه هيجيب الاسامي وهيجي معاهم كمان .
ذهب براء لناديه وحسين ،قالهم علي علي حاله بيسام ،والكل وعد انه هيكون همه الشاغل هو بيسام وراحتها .
الكل متجمع في شقه بيسام .
حسين : يعني كنت قلقان عليك انت ساعه الحدثه علشان الخلفه ،تبقي الخلفه سبب في تعب بيسام ،لله الامر من قبل ومن بعد ،انت راجل بتاعها ،كلامنا كله مش هيطمنها زي كلامك ،ووجودك جنبها ،انا مربي راجل .
براء :طبعا يا بابا ،بيسام ده النفس الي بتنفسه حلم الطفوله والمراهقه ،ربنا يخليها ليه .
ناديه خرجت من المطبخ :انا عملت ليها شوربه خضار ومع فراخه ،لازم تتغذي .
براء :لما تصحي يا ماما .
ناديه راحت الشقه الثانيه وشافت ،
زمزم مسنده بيسام الي اول ما شافت ناديه اترمت في حضنها ،كانت محتاجه لحضن الام اوي .
ناديه :عيطي ،بس ارمي اتكالك علي الله .
بيسام :انا خايفه علي ابني اوي مش عايزه يحصله حاجه .
حسين :مش هيحصله حاجه،انا حفيدي جامد ومامته كمان ،صح يا بيسو ؟
بيسام :ربنا يستر يا عمي .
الباب خبط وكان ماجد ، واول ما شاف زمزم قلبه وجعه علي منظرها ،والدموع الي باينه في عينها .
براء:ازيك يا ماجد ها جبت اسماء دكاتره ؟
ماجد :ايوه وحجزت كمان في اتنين بكره وواحد بعد بكره ،بس وريني التحاليل .
براء قام يجيبها وبيسام قامت علشان تنام وبراء كان بيسندها.
حسين :قولي يا ماجد ،الحاله خطيره ،في خطر علي بيسام؟
ماجد :ان شاء الله لأ ،المهم نسبه التجلط ديه لازم ندي ادويه سيوله جامده علشان الخطوره ،بس الخطوره فعلا ساعه الولاده علشان ممكن الادويه ديه تسبب نزيف ،ربنا يستر .
براء خرج هو زمزم ،واعطي ماجد النحاليل ،وعرف ان نسبه التجلط عاليه اوي ،بس حب يطمنهم ،بعد ما شاف القلق في عيون زمزم .
ماجد :هنديها ادويه سيوله وان شاء الله خير .
حسين فهم من منظر ماجد ان في خطر ،قام وقف ومشي لشقته هو ناديه وبراء دخل يطمن علي بيسام .
ماجد :ليه الدموع ديه يا زو ؟
زمزم :خايفه اوي عليها يا ماجد ،
ماجد :انت لازم تطمنيها مش تقلقيها .
زمزم :انا مليش غيرها يا ماجد .
ماجد :وانا روحت فين ؟كده ازعل .
زمزم :طبعا انت موجود ،بس هي الي بقيا ليه من عائلتي .
ماجد :ان شاء الله خير وانا هروح معاها ومع براء وهطمنك .
زمزم :يا رب.
فعلا براء اخد بيسام للدكاتره وكان معاه ماجد والكل اجمع علي دوا السيوله والراحه ،والمتابعه اسبوعيه ،وماجد فهم ان حالتها خطيره وقرر انه لازم بقول لبراء .
ماجد وبراء قاعدين في كافيه
ماجد :انا طلبت اقبلك علشان حاله بيسام .
براء :ايه يا ماجد ؟
ماجد :نسبه التجلط عاليه اوي والدكاتره مدينها دوا سيوله عالي ،بس المشكله ساعه الولاده ،ممكن بحصل نزيف ومنقدرش نوقفه ،انا بقولك علشان تيقي عارف خطوره الحاله .
براء وشه احمر جامد من الضغط ،وحط ايده علي وشه ومسحه .
براء :تخيل هي دايما كانت بتقولي ان فرحتها دايما مش بتكمل دايما بعد الفرحه حزن ،يا رب يقومها ليه بالسلامه .
تمر ايام حمل بيسام بقلق وحب براء الي محواطها ، بيسام فهمت ان حالتها صعبه ،من عنايه الدكاتره الي كانت اكتر من واحده حامل ...في اول الشهر الرابع كانوا رايحين لمعرفه نوع البيبي ،في عربيه براء .
بيسام :نفسك في ايه يا براء ولد ولا بنت .
براء :عايز بنوته شبهك يا حبيبتي .وانتي ؟
بيسام :كل الي يجيبه ربنا كويس ..بس..انا نفسي في بنت زي ما انت قلت علشان لما امشي تعوضك يا حبيبي عدم وجودي .
براء مسك ايدها :ليه كده بعد الشر عنك ،انت وانا هنربي ولدنا سواء ولد ولا بنت .
بيسام :فاكر يا براء لما قلت لك اني فرحتي مش بتكتمل ،انا من كتر ساعدتي معاك حسه يا حبيبي انها هتخلص كده .
براء شدها عليه ،وقالها :مش عايز اسمعك بتقولي كده فاهمه ،انا مقدرش اعيش من غيرك فاهمه وبس بقه ادينا وصلنا يا گئيبه .
بيسام ببتسامه :يلا يا حبيبي .
الدكتور :ها مستعدين تعرفوا النوع .
بيسام :اه يا دكتوره.
الدكتوره :انا دايما بسال الحاله الي عندي حسه بنوع البيبي ايه وانت نفسك في ايه .
بيسام ببتسامه :الاثنين واحد بنت .
طيب اتفضلي يا مدام .
الدكتور بتلق السونار :احساسك صح يا مدام بنوته ،وشكلها شقي ،خبت نفسها مني هههههه.
براء :قلبه وجعه فجاءه حس ان كلام بيسام بيتحقق ،يعني حضرتك متاكده .
الدكتوره :ايوه طبعا .
الدكتوره :طبعا المهم عندي مدام بيسام ،خلي بالك اوعي تنسي في يوم دوا السيوله وانا شايفه الحاله مستقره الحمد لله .
بيسام :شكرا يا دكتوره .
براء القلق هيموته لكن ما ظهرش حاجه لبيسام وروحها ونزل بعد ما طلعا الشقه علشان يشتري الادويه خد العربيه في الصحراء،ونزل منها والدموع مغرقه وشه وبيصرخ وبيدعي ربه .
براء :يا رب متحرمني منها مقدرش اعيش من غيرها ،يا رب متوجعش قلبي عليها .
هيحصل ايه في ولاده بيسام ؟
