الصعب
البارت الثاني عشر
فعلا الطائره هبطت بسلام في مطار اليونان ،وبيسام طلبت من براء انهم يكملوا
شهر عسلهم في اليونان علشان مش عايزه تركب طائره تاني بعد توتر اعصابها في اول مره تركب طياره ،براءوافق وحجز في فندق .
دخلت بيسام الاوضه واترمت علي السرير ،براء بيبص عليها .
براء :بيمسح علي شعرها ،حبيبي ماله ؟
بيسام :اعصابي باظت يعني اول مره اركب فيها طائره يحصل كده .
براء :ممكن تحصل بس الحمد لله ،احنا ربنا كاتب لينا شهر عسلنا في اليونان .
بيسام كانت نامت وبراء بيتكلم ،براء غطها ،وغير هدومه ونام جنبها بعد ان كلم مصر وطمنهم عليهم و اخدها في حضنه ونام
في مصر
زمزم :الحمد لله انهم وصلوا بالسلامه الحلم كان وحش اوي .
ناديه :الحمد لله انهم بخير ،قومي نامي .
في اليونان
بيسام بتصحي لقت براء نايم جنبها ،باست خده وقامت دخلت تاخد شاور وطلعت وهي لبسه البورنس ،وبتسرح شعرها ،براء صحي .
براء :صباح الجمال .
بيسام :صباح الفل .
براء :ايه الجمال ده كله ..!
بيسام بتضحك
براء: اه اه قلبي .
بيسام بتبص مالك يا حبيبي في ايه ؟وقامت بسرعه في اتجاه .
براء شدها :قلبي وجعني من بعدك بس كده خلاص الوجع راح .
بيسام بتخبطه وبتذوقه:ماشي يا براء ،والله ما في دلع ولا هتشوفه.
براء :انت وقعتي خلاص وبعدين اهون عليكي انا بيبو حبيبك ،وبعدين مش كفايه امبارح اتقلبتي زي الشوال .
بيسام بتضربه في كتفه :انا شوال ..انا شوال ماشي يا براء هوريك نكد الست المصريه الاصليه .
براء بيبوسها في خدها ودماغها وهي بتزقه
براء :انت احلي ست مصريه ومش ممكن هتنكدي في شهر العسل ،وبعدين احنا في بنضيع الوقت في الكلام انت وقعتي يا قطه .
زمزم في الليفنج وتليفونها بيرن
ماجد :ازيك يا زو.
زمزم : وبعدين في التجاوزات ،مش قلنا من غير ضغوطات .
ماجد :فين الضغط ده ....هههههه
زمزم :زو يا استاذ .
ماجد :يعني زو. ضغط وامال لو قلت لك وحشتني ؟
زمزم :هاه نعم .!
ماجد :وحشتني ..سمعاني .
زمزم :انا هقفل ،..مع السلامه ..وقفلت فعلا .
ماجد بضحك :ده انا ماصدقت عقده لساني تفك ،تقفل هي ...ههههه.
في اليونان
بيسام :علي فكره هنا شبه اسكندريه
براء :اه فعلا ..تعالي ندخل المطعم ده ،ناكل سمك .
بيسام :عايزه جميري .
براء :انت تؤمر يا باشا .
بعد الغذا ،براء قاعد مسهم ومش بيتكلم .
بيسام :مالك يا بيبو ،هي الفاتوره عاليه اوي .
براء :انت ناسيه ،انا اكل سمك والنوم يحل عليه .
بيسام :يا خرابي ،قوم بسرعه نرجع الفندق . انت فضحتنا في الساحل السنه الي فاتت ،وبابا وعمو حسين ،تقريبا شالوك.
براء :اه يلا نروح .
فعلا دخل اوضه الفندق نام علي طول،بيسام غيرت هدومها وكلمت زمزم وناديه واطمنت عليهم ،وناديه قعدت تضحك علي ابنها ومواقفه مع السمك.
عدي رحله شهر العسل ورجع براء وبيسام وقعدوا في شقه علاء ،وزمزم قعدت معاهم بس الشقتين مفتوحين علي بعض،وزمزم دخلت فنون جميله ،وماجد قرر ان يتقدم ،وبراء وافق ،بس الاصول انه لازم يطلب عامر انه يحضر .
براء:الاصول بتقول كده.
زمزم :انت موجود انا مش عاوزاه.
براء:صدقيني كده صح .
بيسام :انت عارف عمي ،ممكن يبوظ الخطوبه .
براء :علشان كده احنا نعزمه علي الغذا ونتفق معاه هلي المطلوب .
زمزم :اف بقه .
براء:انا اخوكي وانا بغليكي قدام اهل جوزك .
بيسام :خلاص يا براء الي انت شايفه .
براء مسك تليفونه وعزم عامر علي الغذا،
عامر جه فعلا والبنات كانوا عاملين اكل كتير وطبعا ناديه كانت بتساعدهم ،وحسين كمان موجود لفك اي ازمه بس اتفق انه يلتزم الصمت ويخلي الكلام معظمه من براء .
براء:نورتنا يا عمي .
عامر :منور بيكوا ،وبيبص للبنات ،تعبتكوا .
بيسام من تحت الدرس :تعبك راحه يا عمي .
عامر ؛اخباركم ايه ؟
براء :يا عمي ،فاكر دكتور ماجد ،الي كان في المستشفي؟
عامر :اه ماله ..!
براء :عايز يتقدم لزمزم .
عامر: ابن اللوا فوزي ،ده شاب ممتاز ،رأيك يا يا زمزم .
زمزم :الي تشفوه .
براء :احنا نتفق معاه انه يجي هو واهله يوم الجمعه .ايه رايك ؟
عامر :طيب الجواز علي طول ؟
براء:عمي علاء ،الله يرحمه ،كان دايما رأيه الجواز بعد الدراسه ،واحنا لازم ناخد برأيه .
عامر : طيب خلاص ،واتفاق الفلوس ،زمزم معاها ورثها من ابوها تدفع منه ،انا مليش دخل .
زمزم :بص علي فكره انت ملكش دخل في حاجه ،لولا علشان صله الرحم والاصول مكنتش قلت لك .
عامر :تسلمي يا بنت اخويا ،متربيه اوي .
زمزم :اه متربيه ،ولو علي الحق انا مسئوله منك ،الشرع بيقول كده .
عامر :يعني عايزه تدبسيني !!
براء:بيسام خدي زمزم جوه .،وفعلا بيسام اخدت زمزم الاوضه .....وهنا براء اتكلم .
براء :احنا يهمنا ويشرفنا وجودك يا عمي ..ومش عايزين منك غير تشرفنا .
عامر :بأرتياح ،..يسلم زوقك.
حسين :ايوه كده احنا اهل .
عامر :يا زين ما ربت يا حسين .
حسين :تسلم وفي نفسه يا ساتر ابوه القرش .
