الصعب
البارت السابع
صباح يوم جديد الكل قدام باب العماره علاءوراجيه وبيسام وزمزم .
براء نازل سلم عليهم
علاء :هتوصل بيسام وزمزم ،يا براء ،علشان عندنا مشوار انا وراجيه ،بتطلع الباسبورات علشان العمره ،وخايف اتاخر .
براء:انا تحت امرك يا عمي متخفش .
علاء في عربيته العربيه بتقطع ومش راضيه تقوم .
براء :في ايه يا عمي ؟
علاء :العربيه باظط يا مستعجل عطلك الله .،طلب تاكسي .
براء:لا يا عمي خد مفاتيح عربيتي وانا هستني التاكسي واودي البنات وارجع اخد عربيه حضرتك للميكانيكي ،انا اجازه النهارده .
فعلا علاء اخد المفاتيح وبراء والبنات اخدوا التاكسي .
اللواء حسين تليفونه بيرن
حسين :ايوه
شخص :ايوه يا فندم ،عربيه الرائد براء عملت حادثه كبيره والي كانوا فيها في المستشفي .
حسين :براء ابني ؟
قفل التليفون وجري علي المستشفي دخل سال عن الحادثه الي جايه بالعربيه ،موظف الاستقبال دله علي مكان المصابين ،وسال عرف ان حاله ماتت والحاله التانيه بين ايدي الله .
دخل حسين وكل الي في دماغه ان هيشوف ابنه نايم علي السرير وهو بيموت ،والمفاجاءه كانت علاء نايم علي السرير ،قرب منه وشعور غريب فرحه ان ابنه سليم وحزن علي علاء .
حسين :علاء الف سلامه ايه الي حصل .
علاء :حسين مفيش وقت ،بناتي امانه في رقبتك ،انا عارف انك مربيهم معايا ،وانهم بناتك ،خلي براء راجلهم ،اوعي يتخلي عنهم ،وانت حسين ،تبقي سندهم ،عامر اخويا طيب بس طماع هيتعبهم .
حسين :ان شاء الله هتخف وتقوم بالسلامه .
علاء :انا مش هسيب راجيه لوحدها ،هي سبقتني ،انا شوفتها وهي بتروح ،ودعتني ،عينها بتقولي مستنياك ،وانا مش عايز اتأخر عليها ،....
اشهد ان لا اله الا الله وان محمد رسول الله .
والاجهزه بتصفر تدل علي ان الروح راحت لخالقها ، حسين مش مصدق الي حصل ،الامس كان الفرح في البيت ،واليوم فقد الاخ والصديق ومرات الاخ ،خرج حسين من غرفه العنايه ومسك تليفونه وكلم براء .
حسين :ايوه يا براء ،انت فين ؟
براء :بصلح عربيه عمي علاء ،لانها كانت بايظه الصبح ادته عربيتي واخدت عربيته اصلحها .
حسين مش مصدق رحمه ربنا بيه ،كان زمانه بيودع ابنه ومرات ابنه ،لكن الفقيد عزيزوغالي .
حسين:براء اسمعني كويس ،عمك علاء عمل حادثه معرفش ازاي ،ولا اعرف التفاصيل ...عمك علاء وطنط راجيه في زمه الله دلوقتي ،تعرف عم مراتك تليفونه .
براء بذهول:عمي علاء وطنط راجيه ازاي بابا انت بتقول ايه !!!
حسين :عايزك تكلم عم مراتك واقف كده روح هات بيسام وزمزم ،هبعتلك سواق بالعربيه بتعتي .
براء :هقول ازاي لبيسام يا بابا .
حسين :انا ههحاول اوصل لحد وهكلم امك ،براء براحه علي البنات ،دول امانه دلوقتي .
براء: متخفش يا بابا.
قدام باب الجامعه واقف براء مستني بيسام الي جيه عليه ببتسامه .
بيسام :وبعدين يا كابتن ،مطلعيني من المحاضرات ليه ،وحشتك صح .؟
براء مش عارف يرد ،وبيبص علي فرحتها ،الدموع في عيونه .
بيسام سكتت وبصت علي براء .
بيسام :في ايه الي حصل يا براء ؟انا قلت لك انا خايفه .،الفرحه دايما بعدها حاجه توجع.
براء بيجمع الكلام :عمو علاء عمل حادثه هو و طنط راجيه .
بيسام :لالا لا حصلهم حاجه بتشده قولي حصلهم حاجه .
براء مش عارف يرد .،وبعدين جمع انه هو سندهم .
براء :تعالي نروح نجيب زمزم ونروح المستشفي .
بيسام بذهول بصه عليه ودخلت العربيه .
بيسام :براء انت مش بترد عليه ليه ،بقولك حصلهم حاجه ؟
براء :بيسام عمو وطنط ... ودموعه نزلت .
بيسام مش مستوعبه وبتبص علي دموعه ومش مصدقه .
بيسام :رد عليه حد فيهم حصله حاجه رد يا براء انت ساكت وانا هموت مين فيهم ؟
براء وقف العربيه علي جنب وبص عليها ومسك ايدها .
براء :الاثنين يا بيسام .
بيسام :انت كذاب انت بتعمل فيه كده ليه ده انا حبيبتك ،ودموعها نزله ،انت هزارك بايخ ،وهتتحاسب عليه وبتضرب ايدها في صدره ،انت كذاب ،الاثنين لا مستحيل يا براء قولي حرام عليك ،ورمت نفسها في حضنه واه يا بابا اه يا ماما لا لا بابا ماما مش مصدقه يا رب يكون حلم ،لا ده كابوس ،بابا وماما يا براء لا لا طيب ليه يا رب .
براء :استغفري ربنا ،مينفعش الكلام ده ،امسكي نفسك احنا هنروح لزمزم ،وهي صغيره لازم تحتويها يا بيسام ده دورك ودوري .
واه معاكي نمره عمك عامر .
بيسام بتدي لبراء الموبيل ومش بتتكلم دموعها مغرقها وبتمسك الچكت بتلفه عليها ،حسه انها بردانه ،براء طلع النمره واتصل بعمها عامر وقاله الخبر .
براء :امسكي نفسك علشان زمزم لما نوصل كلمي حد من اصحابها يطلع معاها .
فعلا وصلوا قدام باب السنتر وبيسام كلمت هيام وقالت لها وزمزم طالعه ومعها هيام وشريف .
زمزم :انتوا ايه الي جبكوا وطلعتوني من الدرس ليه ،بيسام انت معيطه ليه .
بيسام :ادخلي يا زمزم العربيه ،شكرا يا هيام.
زمزم مش فاهمه حاجه بس حاسه ان في مصيبه .
زمزم :بيسام اتكلمي ،براء في ايه بس افهم ؟
بيسام :بابا و ماما عملو ا حادثه ..و..دموعها نزلت.
زمزم :بتعيطي ليه بعصبيه كملي كلامك ..بتسكتي ليه ،مال بابا وماما ،؟براء رد عليه .
زمزم كانت مبرقه وبتتكلم بعصبيه وبتزق في ظهر اختها .
براء :بس يا زمزم ،ادعي لهم .
زمزم بذهول :الاصابه جامده اوي ،ان شاء الله يطلعوا منها. بخير ،انا هصلي وربنا هينجيهم ،صح يا بيسام متعيطيش ،هيبقوا كويسين .
بيسام بصريخ وبتخبط ايدها علي رجلها :مش راجعين ،خلاص يا زمزم ،خلاص،بقنا لوحدنا انا وانت .
زمزم بذهول بتحرك دماغها بالرفض :لا انت كذابه بابا وماما كويسين ،لسه بدري اوي ،دول ما شفونيش دخلت الجامعه وانت انت ،حتي متخرجتيش مين هيسلمك لبراء في الفرح ،مين هيفرح لما ادخل الجامعه لا في حاجات كتير لازم يبقوا موجودين .
براء وصل عند المستشفي ودخلوا ،كان حسين وعامر وناديه مستنين البنات .
عامر جري اخدهم في حضنه ،وهما دموعهم كانت وجعه كل الموجودين .
عامر :يا بنات الغالي ،انا موجود متخفوش .
زمزم بتبص عليهم ووقعت علي الارض .
جري براء عليها وشالها ودخلها الطوارئ ،بيسام مسكه في ناديه وبتعيط .
بيسام :زمزم علشان خطري فوقي ،متسبنيش لوحدي ،زمزم فوقها يا براء .
دخل الدكتور ديه صدمه عصبيه ،انا هديها مهدئ،وهتبقي كويسه .
حسين وعامر بيخلصوا اجراءات الدفن ،بس ظابط شرطه جه ليه .
الظابط :سياده اللواء ،الحادثه بفعل فاعل الفرامل مقطعوه ،وانا عارف ان العربيه بتاعه الرائد براء ،فكده ديه كانت محاوله قتل ليه بس جت في المجني عليهم الاستاذ علاء وزوجته .
حسين :يعني حد حاول يقتل ابني مين .
الظابط :ان شاء الله هنعرف من التحريات ،بس لازم سياده الرائد يخلي باله من نفسه ،لان الي حاول مره ممكن يحاول تاني .
حسين سكت وكمل الاجراءات ،وحس انه تايه ،ابنه حد بيحاول يقتله ،صاحب عمره هو الي مات .
ياه علي الدنيا ،الامس كان فرح واليوم مأتم هذه هي الحياه .
زمزم بتفوق ودموعها نازله وبيسام ماسكه ايدها .
زمزم :بيسام الي حصل ده حقيقي ،ماما وبابا الاثنين سابونا.
بيسام :زمزم اهدي ادعي ليهم .
زمزم :انا حسه اني تايه ،واني في كابوس ،يا رب افوق منه ،يا رب افوق منه .
بيسام :مش بتتكلم بتعيط بس .
براء دخل عليهم علشان يقولهم ان الاجراءات خلصت ،وانهم هيروحوا المقابر .
كان مشهد صعب نعاشين ماشين مع بعض وبنتين في قمه الانهيار ،زمزم في حضن ناديه ،بيسام في حضن براء ،فقد احد الوالدين بيقطم الظهر فما بالك بالاثنين .
يا تري البنات هيحصل معاهم ايه ؟
