gnidaol.313 من نسمع ال سعود ختلفوا او احداث سوريا او الجراد او وباء كورونا
او قسم صار عنده خوف قرب الظهور علامات الظهور هاي شسوي بروحي اريد اصلح نفسي! ماعندنه وقت!
نجي عليهن وحدة وحدة
اول شي لازم نفهم ونزرع بداخلنه ان الظهور بغتة
ممكن بأي وقت ممكن بعد ساعة يظهر الامام
ممكن باجر نلكا الاخبار منتشرة عاجل عاجل عاجل ظهر رجل في مكة يقال انه المهدي الموعود
ممكن بعد نص ساعة
الامام المهدي عجل الله فرجه الشريف
يكول انما امرنا بغتة
يعني فجأة
وامر الظهور يم الله سبحانه وتعالى بأي لحظة يقدر ان يظهر ويكول للامام المهدي اظهر حان الوقت
ف احنة ليش نفزع من العلامات بينما عنده قول يكول بغتة
اذا احنة ما ماخذين امر البغتة على محمل الجد
انما عادي هيج قول نقرأه ونمر عليه
لاااا
بغتة اخليها بالي بأي وقت يظهر الامام مو شرط انتظر علامات
صحيح اراقب العلامات حتى تدعم افكاري
بس بداخلي اعرف ان ممكن الله يقدر وان يظهر بعد ساعة
بعد يم الله وحكمته بتقدير الامور
الشغلة الثانية خلي نسألكم تحبون الامام ؟
تعالوا شوفوا الجواب كله حب اي وامامنه
روحي فداه
ارواحنا لتراب مقدمه الفداء
شلون ما نحبه
وتبدي سمايلات الحزن والشوق
ولكن كذب؟
لان المحب مبين من افعاله ويه محبوبه
مثلا صفة الانانية ما تتواجد بقلب المحب
كلنه نعرف حجم المعاناة والالم والجرح ليعيشه الامام المهدي عجل الله فرجه الشريف
الشيخ بهجت يكول صبر الامام المهدي عجيب مضمون الكلام
ذاك اليوم سمعت قصة هاي الطفلة اتاثرت وهواي اتاثروا
رغم متا شفنه بعيونه الي صار بس گلبنه انوجع
زين شلون صاحب الزمان يشوف كلشي يصير امام عينه و هو امام هاي الامة
ويشوف كل الجرائم والمصائب والطعنات
بس جرح الطف يرادله قلب وحده حديث الباب وهواي جروح ومصائب
والامام مسلم امره لله ومنتظر اشارة الفرج والظهور وجراحاته تطيب من يظهر ويأخذ ثاره ويرجع يحي الدين هنا يرتاح قلب الامام المهدي عجل الله فرجه الشريف
ونجي احنه لنصيح احبك مولاي من نسمع علامة تحققت نكوم نرجف ومااريد الامام يظهر بعدني ما صالحة نفسي بعدني ما ملتزمة بصلاتي
!!!
هاي سوالف واحد يحب أمامه
خلي يجي ويظهر ويرتاح هذا المهم اما اني ف استاهل بما كسبت ايدي افعالي هاي
بس امامي شنو ذنبه يحتمل وتطول غيبته بسبب اني بعدني ما مجهزة نفسي
وحضرتنه شوكت نجهز نفسنه؟
شوكت ناوين؟
شوكت يحكم مزاجنا؟
لا اله الا الله
ادعاء
ما أكثر الضجيج واقل الحجيج
ما أكثر عبارات المحبة واقل المحبين
#سنغدوا_رفاتا_ويبقى_الاثر
أنت تقرأ
سنغدوا رفاتا ويبقى الاثر~
General Fiction#سنغدوا_رفاتا_ويبقى_الاثر #سنبقى_رفاقا_ويبقى_الاثر - تجدون أهدافنا المهدوية التي نمهد بها ونبني سويا جيشا مهدوي نستعد به لظهور القائم عج 💡💛
