سنغدوا رفاتا ويبقى الاثر~

#الاهداف_المهدوية

{بسم رب صاحب الزمان}
تحت شعار ؛؛ سنغدوا رفاتا ويبقى الاثر 🍃
ستكون لدينا ان شاء الله عدة أهداف
لتمهد لظهور مولانا الحجة عج
عند الانتهاء من القراءة نرجو منكم
الاستفادة وليس الغرض القراءة ففط

#الاهداف_المهدوية
الهدف الرابع ؛؛💡💛
{كن السترة الوقائية لقب صاحب الزمان}

كل انسان يتحاسب على اعماله فقط
والله سبحانه وتعالى يحاسبنا عن اعمالنا فقط
بمعنى ان الشخص المقابل من يسوي ذنب هذا
ينكتب بصفيحته هو صح لو لا؟؟ 👌🏻🍃
صحيح !!
وماكو ادنى شك بهذا الموضوع
ولكن.. ؟!
الممهد الحقيقي الممهد لقلبه مرتبط بالقائد صاحب الزمان
يشوف الموضوع من غير زاوية .. شلون؟
احنه عدنه عقيدة  ان كل الاعمال السيئة والذنوب هي عبارة
عن سهم في قلب الامام بغض النظر عن ديانة هذا الشخص
اني دوري كممهد شنو اسوي ؟!؟ ممكن ان اكتفي ان بس اني اسوي حسنات واكعد واسكت ؟! او اكتفي ان اني ماامسوي شي يأذي !!
لعد معلية بغيري هو يتحاسب ع اعماله !

الممهد الحقيقي مايهمه ان هذا الذنب هو سواه او غيره عنده ~ المهم ان قلب صاحب الزمان حاليا ديتاذه
فاني اذا عندي كل هالطاقة ليش ما احمي قلب الامام؟؟ ليش مااكون مثل السترة الوقائية اله؟ شنو ناقصني؟ عمر! بعدنا بداية عمرنا؟
طاقة ! لحد الان العلم حاير بالطاقة البشرية وبتركيب جسمه؟
واهس! ليش هي شنو قيمة الحياة اذا مارتبطت
ب الله سبحانه وتعالى وب صاحب الزمان عج

العمل كالاتي ؛؛ 💬♥️
طالع الصبح  امارس حياتي العادية
او كاعد بالبيت  ويه اهلي او باي مكان واشوف احد يرتكب ذنب او معصية انتبه ان هذا الفعل هو سهم انطلق نحو قلب الامام بنفس اللحظة وبنفس المكان

بدون ماهو يعلم او يحس بيه ان اصده لذنبه ✅
- هو يذنب واني اهدي ١٠ مرات ؛
صلوات على محمد وآل محمد 🦋
- هو يذنب واني استغفر له  ١٠ 🦋
- هو يذنب واني اردد قول يا رحيم ١٠  🦋
- هو يذنب واني اردد يا معين يارب ١٠ 🦋
- هو يذنب واني انادي ؛
سبحان الله العظيم وبحمده 🦋
وانوي ان هذه الأعمال لله لسلامة
قلب مولاي صاحب الزمان   🦋
وتبقى انته شلون تشخص الذنب ✔️
- اشوف الذنب كبير اقرء سورة الفجر سورة الجمعة
لان السهم القوي  يحتاج  الدفاع يكون قوي هم

كن ممهد يربط حياته يربط تحركاته جميعها بالقائد ٣١٣ 🔐💛

هاي لصور وغيرها اعضم صور لنشر ان الامام المهدي متغلغل في حياتنا وموجود معنا في كل خطوة نخطيها ~ ما هو رئيكم ؟؟! كيف يمكنكم ان تكونو السترة الواقية للأمام عج؟

ان ساهمت في نشر الحملة
فأنت تمهد للظهور ✌🏻💙

#سنغدوا_رفاتا_ويبقى_الاثر
#سنبقى_رفاقا_ويبقى_الاثر

https://t.me/Iqiq57