سنغدوا رفاتا ويبقى الاثر~

قصة املنا المهدوية

قصة املنا المهدوية 🕊🦋

{بسم رب صاحب الزمان} 🌷🍃
السلام عليكم ورحمة الله وبركاته
كثير منكم يتسائل عن فكرة الحملة وشلون ابتدت ~ منو جان المؤسس الها وشنو الغاية منها ! الحملة الي انتشرت بسرعة خيالية وسببها توفيق وتسهيل امر من صاحب الزمان
قصتنا المهدوية راح نرويها من منظورين
وقبل متبدءون بالقراءة لازم تعرفون شي ؛؛
انت / أنتِ ؛؛
لو ما رب العالمين يحبك وألهمك حب صاحب العصر والزمان مجان خلاك تقرء هذا المنشور
صاحب الزمان يريدك تكون ويانة ~
تكون مهدوي رسالي 🕊💌
تمهد لظهور مولانا صاحب الزمان عج 📝🧡
يريدك انت تكون من جيشه ومن الحاملين لرسالته وان تدافع عن قضيته وقضية جده سبط رسول الله ابا عبدالله الحسين َ؏

متحمسين للقصة ؟!؟
بداية قصتنا المهدوية تبدء بشعار حملتنا المباركة ؛؛ #سنغدو_رفاتا_ويبقى_الاثر 💪🏻❤️
{لا بد وان يأتي يوم نصبح جميعنا فيه رفاتا ولكن المتبقي منا في هذه الدنيا هو آثرنا ~ وأثرنا سيكون نشر قضية الامام صاحب الزمان عج وسنمهد لظهوره لنكون على أتم الاستعداد عند ظهوره المبارك}

بداية قصتنا راح ترويها زينة ؛
" بايام امتحانات الفاينل جنت بالسطح داقره قرآن ~ حجيت ويه زهراء كتلها ؛
- اذا اني متت منو يكمل طريقي ؟
- اذا انتي متي منو يكمل طريقج ؟
كتلها ؛ - نسوي كروب نجمع بنات نحجي وياهم وننشر قضية الامام المهدي لاكبر عدد وميموت هالذكر
زهراء حارت تضحك تبجي اذكر صوتها ؛
- لج ززززينة هالفكرة جانت بالي والله والله اطلعي من دماغي

وجان موعدنا يوم ٢٠/٦ اخر يوم امتحان فاينل الي الملتقى ساعة ١٠ ونص يوم الخميس
لحد ساعة ٨ باليل اني ماكو اي فكرة بالي  ؟؟ شحجي ويه البنات ؟!
بعدين حجيت ويه الله كتله ؛ - تدري شكد احبك واريد كل طاقتي ابذلها الك الهمنه الافكار وساعدنه بحق صدق نيتنه

اسبوع على الحملة و وصلت هالمستوى
ماكان لله ينمو
#سنغدو_رفاتا_ويبقى_الاثر "

🦋💙

تكملة قصتنا وية زهراء ؛
" كلشي مشه بسرعه والافكار تجي كانو مطر حالوب، يوم ٢٠/٦ مجانت اي فكرة ببالنة ابد منين نبدي وشلون؟ كل الي نعرفه هوه انو عدنه ١٠٠ بنيه تريد تكون رساليه وتوصل صوت الامام ..

يوم ٢١/٦ بدينه بالاهداف ونناقش موضوعنا اليومي، جان ابالنة انو نقوي معلوماتهن عن الامام ونتناقش بمختلف المواضيع
بذاك اليوم بنيه بالكروب كالت ليش منخلي شعار يعرف بينه؟؟
صفنت اني برسالتها وراسا اجت ابالي هالجملة ؛
#سنغدو_رفاتا_ويبقى_الاثر

من دون تفكير راسا كتبتها والكل وافق عليها وبده يخطها ويصمم عليها ..

يوم ٢٣/٦ جان يوم عيد ميلادي قررت وعاهدت الامام انو هالسنه حتكون مختلفه وكلشي بيهه هوه الك وانو حكون شخص تكدر تعتمد عليه، بس انت يا مهدي ساعدني ودليني عالطريق ..

ساعه ٣ الفجر مكدرت انام قررت اكعد اكتب كم فكره ممكن نسويهن بالمستقبل لحد هسه اذكر كتبت رقم ١) اسق عطشانا رقم ٢)،، ٣)،، الخ
كتبتهن ونمت وثاني يوم دزيتهن لزينة
وفجأة وره شوية رحتلها اركض ؛
- زينة زينة !! السادس امتحاناتهم جايه لازم لازم نسوي الحمله هسه الهم
كتبت الكليشه ودزيتها الها وراسا نزلناها بالكروب وانشرت بكل حسابات البنات

يوم ٢٦/٦ زاد كروب رساليات من ١٠٠ الى ٢٥٠ بنية
يوم ٢٧/٦ وصل عدد الرساليات ٣٠٠
ويوم ١/٧ وصل ٤٥٠ بنية !!

باربع ايام بس وصلت الحملة الى ٥ بلدان منهن بلدان اوربيه وامريكا والعراق وايران ..
انشرت بقنوات التلكرام و البيجات الشيعية والشبابيه عالانستاكرام والفيس بوك
شارك بالحمله اكثر من ١٠٠ شاب و ٤٥٠ شابه عده الاطفال من مختلف محافضات العراق

كلشي جان يمشي بسرعة رهيبه وكل الافكار تخطر عله بالنه فجئه وكانو صاحب الزمان هوه الي كاعد ويملي علينه الي نسوي
وكانو اصلا خطتنه من زمان مرسومه ومكتوبه واحنه جايين بس انفذ
ً
انشرت الحمله عند اكثر شخصيتين مؤثرات بعالم الشباب، السيد بهاء الموسوي الي جان ويانه بكل خطوه من بداية الحمله والشيخ عبد الرضا معاش
كله بتوفيق من الله وصاحب الزمان "

هذه كانت نبذة قصيرة عن قصة حملتنا المهدوية
والى الان وستبقى مستمرة ان شاء الله الى حين ظهور مولانا الحجة عج ~ لذلك كن معنا لنمهد للظهور ~ كن مهدوي وساهم بنشر قضية الامام المهدي~ هذه البداية اجعلها تكن معنا وانضم إلينا ؛؛ 💪🏻❤️
#سنغدو_رفاتا_ويبقى_الاثر