gnidaol.313 شلون اصلح نفسي
مااكثر العِبر واقل الاعتبار
الانسان على نفسه بصير
مستحيل واحد يعرف غير نفسك انت
اكعد ويه روحي
تعاي حبيبتي دقت ساعة التغيير
لعبتي بكيفج؟ سوفتي بكيفج؟ اخذتيني يمين ويسار بكيفج؟
اوكفي لهنا وكافي
اجي لصلاتي
اذا انصلحت اموري كلها تنصلح
شلون اصلي صحيح
ابحث باليوتيوب الشيخ محمد الاسدي شنو الأخطاء بالصلاة حسب السيد السيستاني
اكتبهن وابتعد عنهن بالصلاة
وراها امي وابوي هلا بالغالين
رضا الله من رضاهم
كلمة حلوة منا ومنا
يرزلون مثلا جني مااسمع لان هُم يشوفون اشياء احنه ما نشوفها وكذلك ضغوط الحياة وكذلك يعبرون عن حبهم ممكن بطريقة التنبيه والتحذير
المهم اباوع على امي وابوي على ان هُم رضاهم من رضا الله
بعدها حجابي شلونه.؟
مكياج وزينه وين اخليهن؟
اذا بالشارع
اروح للمراية اسئل روحي
اني بشعة؟ اني ماعندي ثقة بنفسي؟ اني اريد الولد تذبلي كلام اليوم شطالعة كمر. اني هيج رخيصة لرايح والجاي يباوع على عيوني وهنه متزينات وجهي وهو يوج بالمكياج
والا ليش اخلي مكياج واطلع؟ شنو الهدف
اني من اوكف واخلي كونسيلر وباودر وحمرة... الخ شنو غايتي
زين هذا شنو يخلي موقفي ويه الله وصاحب الزمان
اشوف لساني شنو يحجي شنو ما يحجي
ياخذ غيبة ياخذ نميمة ياخذ رمي ناس باعراضها... الخ
وهكذا اكعدلها وحدة وحدة
خو اني ادرى بروحي من غيري
اقسم وقتي
ادري هذا اليوم وين ديروح
٢٤ساعة
كل ساعة ٦٠دقيقة
وين يرحن؟
زين دارستي ارتبها هيج اقرأ وهيج اقرأ
دراستي ما تمنعني من الكتب
احدد كل يوم فد ورقتين من كتاب احبه حتى اسوي رفرش لعقلي
مسؤوليتي بالبيت شنو
مزوجة اعرف شغلي كذا وكذا
ما مزوجة شغلي كذا وكذا
مزوجة أضيف شلون اربي اطفالي وله ذولة العلماء الكبار او الأنبياء والصديقين والشهداء والصالحين
كلهم جانوا باحضان امهات كريمات عابدات لله
ف لازم اتخذ وامشي على اثارهن بتربية اطفالي اخذ منا ومنا حكمة حتى اربي انسان
مو اربي عدد بشري بس ياكل ويشرب وينام!
لان اربي انسان
واكو فرق ما بين الاثنين
ما مزوجة اكون اساسيات شلون ادير بيت احدد الأشياء ل اريدها بالانسان الارتبط بيه
مو ادور مال وجاه ومدري شنو
لان من ارتضيتم خلقه ودينه فزوجوه
مهما تدرسين اعظم وظيفة للمرأة هي تربية جيل وادارة بيت
لو جانت اعظم من هاي الوظيفة
جان الله انطانها لسيدة فاطمة الزهراء عليها السلام
كون هي اعظم امرأة لذلك وظيفتها تكون اعظم وظيفة النه
وهكذا اكعد ويه نفسي على السجادة وافكر اني وين واسير الى اين
وشوكت ناوية اخلي حد لنفسي وانتقل لحياة ثانية من التغيير
والاهم الارادة اخلي عزيمة عندي ترى هــواية الحچي المهم أخذ العبرة ..
بينما انته تلهو احدهما يصنع مجدا
أنت تقرأ
سنغدوا رفاتا ويبقى الاثر~
Ficción General#سنغدوا_رفاتا_ويبقى_الاثر #سنبقى_رفاقا_ويبقى_الاثر - تجدون أهدافنا المهدوية التي نمهد بها ونبني سويا جيشا مهدوي نستعد به لظهور القائم عج 💡💛
