Story of Us: High School | | Completed

8.

- Хэин аа, тайвшир... Гуйж байна

- Уучлаарай, би хяналтаа алдчихлаа... Чиний буруу гэж энд байхгүй шүү дээ?
Санаа зовнилоор дүүрэн харц руу нь харахдаа би энэ хэрэгт хамааралгүй хүн рүү хашхичиж байгаагаа сая л нэг юм анзаараад түүний хацрыг илбэн ийн хэлсэн юм... Магадгүй би зүгээр л уур бухимдлаа хэнд гаргахаа мэдэхгүйгээсээ болоод л түүн рүү дайрсан биз. Миний уурлаад байгаа хүмүүс биш би өөрөө муу хүн шиг санагдчихлаа

- Одоо тайвширсан уу?
Яагаад тэгснээ мэдэхгүй ч гэлээ Кай-г хичээлээ таслахыг хүсч байгаа эсэхийг минь асуухад нь шууд л зөвшөөрч орхисон. Өөр нэгэн сэтгэлийн зовнилоосоо түр ч атугай салахыг хүсч байгааг минь мэдсэн юм шиш асуусан Кай хариуг минь сонссон даруйдаа сургуулиас гараас минь татсаар дагуулан гүйж, хэсэг хугацааны дараа бид хоолны мухлагийн өмнө ирж зогссон юм

- Тайвшрахын хувьд ч тайвширсан л даа. Гэхдээ өлсчихлөө...
   Гэдсээ заасаар хэлэхэд тэр намайг элгээ тэврэн шоолж эхлэв

- Болиоч дээ, өөрөө өлсдөггүй юм шиг...
Халаасаа шалгасан ч түрийвч байсангүй. Удаан хугацаанд тэмтчиж хайсны эцэст цүнхнийхээ халаасанд хийгээд орхисноо санаад өлссөнс гэдсээ дараад Кай-г өшиглөхөд тэр өшиглүүлсэн газраа барин ёолоод

- Өвдөж байна ш дээ! Чи өөрөө л зөвшөөрөө биз дээ? Би дураараа чирээд гүйчихсэн ч биш...

- Надад эднээс авч өг... Би идэж үзмээр байна
   Гараа дэлгэн хэтэвчээ өгөхийг шаардахад тэр мөрөө хавчаад

- Би ч бас хэтэвчээ үлдээчихэж ээ... Уучлаарай гэв

- Чи ёстой! Би өлсөөд байна ш дээ! Би өглөөний цайгаа уугаагүй! Өглөөний цайгаа ч уугаагүй гэж байна золиг минь!!!
   Намайг хашхиран түүнийг цохихыг гудамжаар алхаж байсан бүхэн хараад амандаа шивнэлдэж байсан ч надад хамаа байсангүй

- Өвдөж байна, өвдөж байна. Битгий л дээ өвдөж байна ш дээ. Ажушши, туслаарай! Хүн алах нь!!

- Би төлье, харин та хоёр надад өртэй шүү?
Танил хоолой сонсоод шууд л эргэн харахдаа төсөөлөө ч гүй хүнээ олж харав...

- Чой Ёнжүн? Энд юугаа хийж байгаа юм?
Надад зодуулсандаа үхэхээ шахаж байна гээд гудамж дүүрэн орилоод байсан Кай зүв зүгээр царайлаад түүн рүү бүлтгэнүүлж эхлэв

- Хэинийг дагасан юм. Бас тэр өлсөж байгаа бололтой

- Тийм ээ, тэр ахиад жаахан л өлсвөл намайг барьж идэх бололтой. Түүнийг хооллож тус болооч?
   Хоёр гараа хавсаргаж гуйгаад л энд байгаа хамгийн муу хүнийг нь намайг болгочих шив дээ Кай?