#قسوه_العشق
#فريده_احمد_فريد
~~~~~~~~~~~~
الفصل الثاني عشر(عادت لحضنه مرغما...لما أستسلمت له)
~~~~~~~~~~~~
#عوده لشقه رهف
شعرت بالملل يخنقها وهيه تتابع برامج التلفاز.... لم تجد ما تفعله
أصبحت حياتها روتينيه ممله أبناءها ف الجامعه وبعد عودتهم... يذهب علي وعدي للعمل برفقه أبيهم وعمران
وعليا أما ان تنزل لجدتها وبنات أعمامها اللذين أصبحوا صديقاتها.... او تصعد للسطح للرسم
لم يعود ابناءها كما كانوا.... تفرقوا كثيراً... وشبه هجروها... حتي ايام العطله يقضونها مع أبيهم
رهف ألتقطت هاتفها وأتصلت وهيه متردده ع زوجه عمها ف الأقصر
(ألو... مرات عمي.. أزيك انا رهف)
المرأه بسرور وعتاب
(رهف... انتي فين يا بنتي... كده تأخدي عيالك وتمشي كده... أخس عليكي يا رهف)
رهف بكت بأختناق وقالت لها
(مش وقت عتاب دلوقتى يا مرات عمي... انا عايزه احكي لك حاجه مهمه... عايزه اقولك ع الحقيقه اللي كتمتها ف قلبي سنين طويله وعايزه نصيحتك يا أمي)
قصت لها كل شئ من البدايه حتي اللحظه.. كانت صدمه المرأه كبيره... لكنها استوعبت مشكله رهف
قالت لها بحنيتها المعتاده
(رهف يا بنتي انتي غلطانه... وغلطك كبير...... انتي لازم تصارحي محمود بالحقيقه... دا جوزك... وهتتحاسبي عليه ادام ربنا..وهوه هيتحاسب ع اللي عمله فيكي... لازم تقولي له وهوه اللي يقرر هيعمل ايه... ارجعي له يا بنتي ولمي عيالك وسطكم... طالما هما عايزين ابوهم ما تحرميهمش منه تاني.. كفايه العمر اللي عدي بيهم وهما بعيد عنه.هما برضو مالهمش ذنب...... انزلي دلوقتى لحماتك وخدي رقمه.. اطلبي منه انه يسيب شغله ويجي لك.. كلميه قبل عيالك ما يرجعوا والموقف يبقا صعب عليكي اكتر.. يلا يا بنتي تعالي ع نفسك واتنازلي عشان ولادك يا حبيبتي)
أنهت المحادثه معها... لكنها لم تشعر براحه... شعرت بالأختناق والدموع اكثر... قررت انها ستفعل هذا
ستقسو ع قلبها و تحطم كبرياءها وتتحمل قاسي ظالم مثله كي تجتمع بأبناءها من جديد
بالفعل حسمت أمرها.... بدلت ثيابها وخرجت ف طريقها لشقه الجده... وقفت ع باب الشقه.. وتنفست بعمق
رفعت يدها لتطرق الباب... لكن... سمعت صوته بجوارها... كان ف طريقه ع السلم
(رهف... انتي عايزه حاجه ولا هتسألي ع عيالك)
فزعت منه لوهله... نظرت له وفركت يدها ف بعضهم بتوتر... قالت له بخجل
(لاء انا عارفه عيالي فين... انا... انا... كنت عايزاك انت)
صعد إليها ووقف امامها بشموخ.... قال لها
(ف حاجه يعني)
(ممكن نتكلم شويه مع بعض إذا سمحت)
أنت تقرأ
#قسوه_العشق#فريده_احمد_فريد
Randomهل هوه عشق ام حرمان او ندم .... الحب ينبع من قلوب بيضاء صافيه... لكن أبطالنا لا ينطبق عليهم هذا الكلام فهم لا يعرفون الحب... او الرحمه... فقط يعرفون لغه الجسد... لكن هل سيتحرك القلب ويهزم الرغبه... ام لأبطالنا رآي أخر
