#قسوه_العشق
#فريده_احمد_فريد
~~~~~~~~~~~
الفصل التاسع عشر(هل تتركه للموت الأليم ام تنقذه لأجل طفلها)
~~~~~~~~~~~
#عوده لشقه الجده
صمت و ذهول عم الوجوه... نظروا جميعاً بصدمه لعمار الذي يبادلهم نظرات بارده.. لدهشتهم الغير مبرره
لكن صوت حاد أخترق الصمت بعنف... صوت أمل الصارخ
(انت اتجننت... اكيد انت بتخرف... بقا تسيب بنت عمك شمس ولا بنت عمتك سمر وتبص لبنت الخدامه... انت اتجننت زي عمك... انت مالكوا يا ولاد الكيال بتكبروا و تخرفوا لييييه)
نظر لها رجال الكيال بغضب..انتفض حسام واقفا وقال بغضب وسخط
(احترمي نفسك شويه يا مدام...انت بتشتمينا ف وشنا...مالك انتي ابن اخويا عايز مين...وبعدين انتي ناسيه ان اللي عماله تغلطي فيها دي تبقي بنتي..وانا...انا سبتها هنا عند امي ...ورمتها من وهيه ف بطن امها عشان خاطرك انتي وبس....كفايه اوي يا امل...انا استحملتك كتير اوي...وبنتي مش معيوبه عشان عمار ما يبصلهاش....)
ألتفت لعمار الغاضب..وأكمل
(انا موافق يا عمار...ولو عايز تأخدها ف بيت ابوك لحد ما نوضب لكو شقه..انا برضو موافق..ولا انت ايه رأيك يا احمد انت ومحمود...انا كلامي فيه حاجه غلط)
وافق الأخان ع كلام حسام..لكن لم ينتهي النقاش هنا...جدال وكلام و شجار دار بين امل وزوجها
تدخلت الجده...وكلا منهما يقول كلمته ...كل هذا يحدث...و أسمهان تستمع بأذنها..لكن عقلها وتركيزها ف عالم أخر
لم تصدق ان عمار يريدها...و طلبها للزواج بالفعل...هل هذا حدث حقا؟؟هل يتجادل مع عائلته لأجلها؟؟؟
هل حقا ستكون زوجته...ملكا له بعد يومان؟؟؟لم تستوعب ما يحدث...إلا عندما لكزتها عليا وهمست لها
(كنت متأكده انه بيحبك وبيكابر...اوعي تضيعيه من إيدك...انا لو منك...امسك فيه بأيدي وسناني...قليل اوي يا أسمهان لما نقابل حد يحبنا بجد...مش كدب و غدر ومصلحه)
مسكت يدها بقوه...أسمهان لفت وجهها تجاه عليا...لم تجد ما تقوله...لم تفهم شئ...لم تسمع إلا تهنئة شمس
أختها أبنه ابيها...و سمر ابنه عمتها...يهنئاها ويباركان لها...حتي عليا ابتسمت وباركت لها بصدق
عمار لاحظ شرودها...نظر لها ليرى تعابير وجهها هل هيه سعيده؟؟ ام مصدومه!!!! ام ماذا؟؟؟
لم يري سوي الصدمه ع وجهها...ترك الجميع...و ذهب إليها...مسك يدها...وسحبها من وسط بنات عمه
و دخل بها للشرفه...اغلق الباب ليتحدثا بحريه..ألتفت لها وقال
(مالك...شايفك مصدومه..مفيش اي ريأكشن منك خالص كده ليه)
تهجم وجهها بغضب...وقالت
(انت عايز تتجوزني ليه يا عمار...انا مش داخل دماغي ان راجل زيك يحب واحده زيي)
أنت تقرأ
#قسوه_العشق#فريده_احمد_فريد
Randomهل هوه عشق ام حرمان او ندم .... الحب ينبع من قلوب بيضاء صافيه... لكن أبطالنا لا ينطبق عليهم هذا الكلام فهم لا يعرفون الحب... او الرحمه... فقط يعرفون لغه الجسد... لكن هل سيتحرك القلب ويهزم الرغبه... ام لأبطالنا رآي أخر
