#قسوه_العشق
#فريده_احمد_فريد
~~~~~~~~~~~
الفصل الواحد والثلاثون(ايها القلب الدامع إلي اين المصير؟؟)
~~~~~~~~~~~~~
أبتسم فهد ل حماسه ابيه..نهض مسرعا...ربت ع كتف أبيه وخرج...لكنه ع يقين بأنها لن تعود معه... قرر ان
يستعين بمساعدة تلك المره....
أخرج أجندته الصغيرة و بحث عن رقم رهف...فقد سبق و دونه فيها...أتصل بها وهوه ف سيارته متجها لمنزل عمها...ردت رهف
(آلو مين)
(رهف انا فهد...فهد جوز اختك غفران)
رهف بحده(نعم يا أستاذ فهد عايز ايه تاني...مش كفايه اللي عملته ولا لس...)
قاطعها قائلاً بيأس
(انا عايز مراتي يا رهف)
رهف تسمرت مكانها...تذكرت نفس الجمله حينما قالها محمود....نبضت الدماء ف عروقها ... تسارعت دقات قلبها
شعرت بشوق غريب يجتاحها ورغبه ملحه ف رؤيه زوجها....كانت تائهه ضائعه ف ذكرياتها ..
عندما صرخ فيها فهد
(مش عايزه تردي عليا ليه...هوه كده كمان غلطان)
ردت بأرتباك (ايه..ف ايه معلش مخدتش بالى...كنت بتقول ايه)
تنهد بضيق و قال
(يا رهف بقولك انا عايزاها...انا بحبها وعايزاها...بس هيه عنيده وضايقتني لما كلمتني كده أدامكوا كلكوا...انتي تقبليها ع جوزك...انتي بتكلمي جوزك كده)
ردت بسرعه تلقائي
(لاء طبعا)
(طيب اديكي قولتيها...قولي لي بقي ارجعها ازاي من غير ما أحرج نفسي)
رهف نظرت للفراغ بحزن عميق...هطلت الدموع التي توقفت بمعجزه منذ قليل...قالت له بألم صادق
(ما خلاص يا فهد...غفران راحت...راحت ومش هترجع تاني...أختي سافرت خلاص يا فهد)
فهد غير مصدق.. (ايييييييييييه...سافرت...مشيت...لاء...لاء مستحيل...يعني ايه يا رهف...اختك مشيت ...سابتني وخدت ابني معاها ومشيت...لاء لالالا...غفران ما تعملش فيا كده...لاء انتي كدابه)
(كفايا والنبي يا فهد بيه....غفران مشيت...سافرت وقلبها مكسور...انت جرحتها اوي وكسرتها لما طلقتها بسهوله وسبتها...انت اللي عملت كده مش هيه...بتلوم عليها ليه دلوقتى...بعد ما دمرت حياتها بأيدك يا فهد)
(عندك حق...فعلاً انا جنيت عليها...بس مش هسيبها...مش هسيبها تمشي...مستحيل تهجرني يا رهف...انا هرجعها...هرجعها غصب عنها)
اغلق الهاتف ف وجهها...وانطلق بالسيارة للمطار...وملايين الظنون والافكار تتأرجح ف عقله...
وصل وخرج يركض بين الناس ...اوقفه الأمن ...صرخ فيهم
(مراتي..مراتي هتسافر...لازم ألحقها قبل ما تمشي)
أنت تقرأ
#قسوه_العشق#فريده_احمد_فريد
Разноеهل هوه عشق ام حرمان او ندم .... الحب ينبع من قلوب بيضاء صافيه... لكن أبطالنا لا ينطبق عليهم هذا الكلام فهم لا يعرفون الحب... او الرحمه... فقط يعرفون لغه الجسد... لكن هل سيتحرك القلب ويهزم الرغبه... ام لأبطالنا رآي أخر
