#قسوه_العشق
#فريده_احمد_فريد
~~~~~~~~~~
الفصل الثلاثون(العتاب لغه الأحبه)
~~~~~~~~~~~~~
#عوده للعريش
وصل محمود لموقع العمل مع علي وعدي.... ذهب يطمئن ع أحوال العمل.. تفرق هوه وابناءه وذهب كلا منهم لعمله
أحد المهندسين نادي محمود عندما رآه
(يا بشمهندس ... بشمهندس محمود تعالي)
ذهب محمود فوراً إليه... تحدث معه عن العمل وعما يريدان فعله... أشار ع صخره ضخمه اعلي الجبل
يخشي منها الجميع... ويريدون تدميرها قبل استكمال المشروع... محمود أقترح عليهم
(أحسن حاجه نعملها اننا نحفر باللوادر تحتها و نوقعها تجاه الغرب... لكن تفجيرها دا هيكون كارثه وممكن الجبل ينهار علينا.. زي ما بقولكم كده افضل حل اننا ندحرجها تجاه الغرب عند البحر بعيد عن مشروعنا وبعيد عن الطريق العام... ايه رأيكم يا أستاذه)
صوت تصفيق ناعم من خلفه... تلاه صوت نسائي
(برافو.. فكره هايله يا بشمهندس... و هتبدأوا فيها أمتي)
ألتفتت محمود والكل ع صوتها... كانت هيه نفس المرأه الجميلة ذو التبرج الوقح... محمود رمقها بنظره احتقار وقال
(مين دي... وبتعمل اي هنا)
تطوع عشرات الرجال من المهندسين والعمال بقول من هيه.. محمود شعر فجأة بأنه ف احد الأسواق
أشمئز من تهافت الرجال عليها... صرخ فيهم
(بسسسس... ف ايه يا رجاله... خلاص ما يهمنيش اعرف هيه مين... خلينا نرجع لشغلنا اومال)
احرج الرجال من أنفسهم... و عادوا لأعمالهم... محمود رمقها بنظره احتقار اخري وترك الموقع وذهب لمبني الرجال
لحقت به المرأة وقالت بدلال
(بشمهندس محمود)
(نعم)
(ممكن افهم حضرتك بتعاملني كده ليه)
محمود ببرود تام
(وانتي عايزاني اعامل فخامة اهلك ازاي)
غضبت المرأه منه اخيرا وقالت بحده
(استاذ محمود... ياريت ما تنساش نفسك وتعرف انت بتكلم مين... انا صافيناز هانم صاحبه المشروع اللي انت شغال فيه ده... يعني حضرتك شغال عندي)
صرخ فيها فجأة
(لاااااااء... انا مش شغال عند حد... انا شغال ف مصنع أجرته شركه مقاولات و أستعانت بخدماتنا ... انا ما بقبضش مرتبي منك يا مدام عشان تقولي لي شغال عندي.... انا لو رزقي ع ست... مش عايزه... عن أذنك يا صافي هانم)
قالها بسخريه لاذعه.... أعجبت المرأه به فوراً رغم أهانته لها الصريحه... مسكت ذراعه بسرعه قبل ان يتركها ويرحل... قالت له بنبره توسل
(محمود طب ما تزعلش انا مقصدتش اضايقك... خلاص بقي حقك عليا)
(انتي عايزه اي بالظبط)
أنت تقرأ
#قسوه_العشق#فريده_احمد_فريد
Randomهل هوه عشق ام حرمان او ندم .... الحب ينبع من قلوب بيضاء صافيه... لكن أبطالنا لا ينطبق عليهم هذا الكلام فهم لا يعرفون الحب... او الرحمه... فقط يعرفون لغه الجسد... لكن هل سيتحرك القلب ويهزم الرغبه... ام لأبطالنا رآي أخر
