《3》
تلفتت حنان مخلوعه بعد سكر احمد الباب بالقوه ..
احمد فات من قدامها وقال: نعسااااااان بنرقد..
حنان تشبحلا مصدومه
احمد اشر على دار: هذيكه دارك فيها كل حوايجك ..
اشر بصبعه ☝️ و الطابق الثاني جيهتي اني لو شوفتك فوق نقصلك رجليك ..
حنان مصدومه ماقدرتش حتى تزرط ريقها ولا ترد و يديها رافعات فيلوها و عيونها مفتوحات على وسعهم ..
احمد رقى فوق و خلاها ..
خلاها واقفه مش مستوعبه شنو قاعد يصير حتى دموعها ما نزلو الدم يبس في عروقها سمعت صوت باب الدار اللي فوق تسكر بالقوه عرفت ان احمد خش لداره و سكر الباب و ان اللي قاعد يصير واقع وحقيقه مش مقلب منه هوا ..
...
زينب بجنبها سلفاتها و حمواتها و قريباتها : يابنيتي يا حنينه بنستاحشك 😭😭😭
عمة حنان: يامبركها طيحه طيحت بنتك عيلة محترمه و متسميه ياحنه شكلها بسبوسه بالعسل الحقاني🔥
عمتها التانيه:شكلهم العسل ضاربينه ليه في الوريد🔥🔥🔥
زينب : شنو تقولو انتو ياحسودات الخطوط والسحر والبسبوسه خليته ليكم و ياريته حتى فادكم موتو حسسد بنتي بتعيش و بتتهنى مع زوجها ياريته زوج كل حبيب يامكيودات يحلمو بيه بناتكم و مايحصلوه ميتاااات من الحسد😌
.....
حنان مزال واقفه في مكانها حست الدنيا اتدور بيها حست روحها بتطيح قدمت خطوات قعمزت ع الكرسي ..
ماعرفت شنو اتدير وكيف تتصرف واساسا شنو اللي صاير حنان في خاطرها: مافهمت علاش مشي و خلاني مش مفروض هادي ليلة عمرنا هادي ليلة فرحتنا ؟ شنو صار ؟ نتصل ب امي ؟؟ امي؟؟ مستحيل امي فرحانه بيا مستحيل نكسر فرحتها! بمنو نتصل؟؟ ياربي قولي شنو اندير كيف نتصرف ؟ اهدي ياحنان مرات غير نعسان ولا تعبان مرات في قلبه بنت تانيه و شوي شوي يتعود عليك ؟ ايه افضل شي انك توا تخشي تغيري حوايجك و تفكري كويس و باذن الله كل شي بيمشي على خير...
خشت حنان غيرت حوايجها و النوم ماجاها قعدت للصبح فايقه تفكر في كل شي وحطت في بالها جميع الاحتمالات الا الحقيقه ماخطرتش في بالها!!!
.....
في الصبح فاطمه و وفاء مقعمزات في الجنان يراجو في الفطور
وفاء: ماما زعما شنو صار مع احمد و حنان امس؟
فاطمه : شنو بيصير يعني تلقيها لما شافت هذيك الفيلا نست حتى اسمها
وفاء: ياماما علاش انتي هكي تحسابي الناس مافي بالها الا الفلوس ؟؟ اللي في ولدك شي كبير مش اي بنت ترضى بيه
فاطمه: حنان بترضى 😌 بنت اقصى طموحها تكمل قرايتهاو خوتها فارضين عليها للجامعه وبس ..ومش هكي وبس يعشو فيها بطريحه و يفطرو فيها بطريحه حالتهم تاعبه وبوها يبي عمليه في المانيا باش يقدر يمشي
وفاء: بس ياماما 😔
فاطمه: لمامه اللي اتلمك انطمري و سكري فمك ..توا لما ايجيبها لينا بعدين حنعرض عليها هذاكه المبلغ الكبير و فوقها عملية بوها و نقوللها تكملي قرايتك و نديرلك مشاريع يرفعوك انتي و عيلتك من الفقر .. تو تشوفيها كيف بتسكت و بترضى و بتزغرت 🤨
وفاء: وبعدين ؟؟ ولما يفوتو السنين و ماتحملش كيف بتسكتي الناس ..
فاطمه: العيب منها هي ماتجيبش و ولدي وفي و مخلص يحبها ومايبي ياخد غيرها..
وفاء: و ربي ياماما ..؟؟
فاطمه: اوووووف نكدتيها عليا في هالصبح اعوذ بالله منك ..
ناضت امها و خلتها بروحها و قعدت وفاء خايفه من ربي و تفكر ...
.....
فاق احمد من نومه قعمز ع السرير حط يده ع وجهه
احمد: اوفففف مش عارف كيف سايرت امي و تزوجت .. كيف بندير فيها اني المصيبه هدي ..
طلع من داره نزل لقى حنان مقعمزه ع الصالون و ضامه رجليها و سارحه فكرها يودي و يجيب ..
احمد وقف وراها : شنو يامدام ؟ سارحه في الفيلا مش مصدقه روحك فيها ولا ..؟
حنان تلفتت و هي مخلوعه : شنو؟
احمد قرب راسه منها: عاد كنتي لما تمري قدام الفلل اللي هكي تحلمي حتى تلمسي بابهم 😏
حنان بصوت عالي شوي : شنو تقول انت؟
احمد مسك شعرها بكل قوته وشاد على سنونه :تعرفي صوتك هذا يعلا مره تانيه اقسم بالله نسببلك عاهه مستديمه😡
حنان وهي ترعش في لحظه تفكرت خوتها لما يضربو فيها هكي وكانت ديما تحط في يدها ع وجهها تدافع عن نفسها: اااسفه اااسفه معاد نعلييه اااسفه
احمد: ايواااه شطوره
مسح ع راسها شوي و دفها لين طاحت ع الارض و فاتها ..
حنان خشت تجري لدارها و قفلت الباب عليها و هي تبكي و ترعش ومش مصدقه ان الجحيم اللي كانت عايشته مع خوتها حترجع تعيشها مع زوجها ..
.....
احمد ع التليفون مع امه : فطرتها زي ماوصيتيني بالزبط
فاطمه: سلمه ولييييدي راجل هكي ديرلها باش تخاف منك!!!!
كمل مكالمته مع امه و سكر منها و نزل لدارها لقاها مقفوله ..
احمد: افتحي الباب ياحيواانه
حنان ناضت تجري مسحت دموعها و فتحت الباب: ك ككنت ...
احمد: ككككككك تحولتي لدجاجه .. كويس باش لما نلقى الباب هذا مقفول مره تانيه انرررريشك و ندير منك شيش طاووق ..وقعد يضحك في ضحك مستفز
حنان منزله راسها و ترعش ...
احمد مسك حنان بالقوه من يدها : نوضي توا زي الشاطره مكيجي و البسي و ابتسمي و اضحكي باش نرفعك تتغدي في حوش العيله و دفها بالقوه لين طاحت ..
حنان وقفت و جمعت قوتها وسالاته:
علاش تزوجتني؟ عشان تعذبني؟
احمد بعد ماكان بيطلع وقف و تلفتلها: امي اختاراتك ليا نمارس عليك عقدي النفسيه و نكرهك في عيشتك ..
حنان و دموعها ينزلو: علاش شنو درتلكم ..
احمد: بلاش كثر اسئله ديري اللي قلتلك عليه والاا... وقرب منها و رفع ايده فوق
حنان بسرعه غطت وجهها : حاضر حاضر توا ندير كل شي حاضر ...
طلع احمد و هوا يضحك عليها و على ضعفها و خوفها منه حس روحه راجل و قوي بس لانه استقوى على بنت ضعيفه ..
اما حنان قعدت تبكي ماعرفت كيف تتصرف ..ناضت وجهزت روحها و دارت زي ماقاللها ..
مشو لحوش العيله و كلهم يشوفولها كيف مبتسمه يحسابوها فرحانه و البنات قريبات احمد يشوفولها بغيره و اللي تتمنى روحها مكانها من زيها واخده شخص كامل زي هذا حلم كل بنت .. هذا الظاهر بس الباطن غيرر " للاسف احني البشر ناخدو بالمظاهر تخدعنا البسمه تخدعنا اللي لابسه ذهب و ملابس ماركه و راكبه سياره اخر موديل تخدعنا الضحكه ...بس ديما اللي في القلب في القلب"
بعد كملو من الغدا نادت فاطمه حنان و قالتلها قدام الناس تعالي ياكنتي بنعطيك تاكم هداته ليا امي يوم فرحي نلبسوهولها و تطلع توريه ليكم ...
ناضت حنان و في خاطرها تقول: مانبي لا ذهبكم لا مالكم نبي حضن امي نبي بوي نبي نوض نلقى كل شي صار كابوس مانبي شي ..
خشت فاطمه و حنان لدار سكرت فاطمه وراها الباب و قالت لحنان تقعمز .. قعمزت حنان قدامها و هي ساكته
فاطمه: طبعا امس ماصار شي بينك و بين ولدي ..
حنان انصدمت : كيف عرفتي ..
فاطمه وهي تضحك : عيب عاد اني امه ..
حنان بنظرة استغراب: كيف؟ ..شنو فيه ..
فاطمه: مش حيصير شي بينك و بينه ماتحلميش بحاجه هكي ..
حنان تشبحلها وهي مش فاهمه شي ...
فاطمه: حتعيشي هكي معاه ولا تحلمي تطلقي ..
حنان: كيف؟ فهميني؟..
فاطمه : هذا سر مايعرفاش حد الا اني و احمد و اخته وفاء ..وتوا انتي ..
حنان: سر شنووو ؟؟؟
فاطمه : احمد لما كان عمره 20سنه يعني قبل 8 سنين دار حادث هوا و بوه، بوه مات و هوا ...
حنان : هوا شنو؟؟
فاطمه بصوت واطي: الزبده ان ولدي احمد عاجز ......
