أنتقام ولكن 💙(كاملة)

البدايه

انتقام ولكن 💔💔
.
.
.الحلقه الاولى 👆
بسم الله الرحمن الرحيم
فى إحدى الفيلات الكبيرة فى مدينه القاهرة
كان احمد فايز رجل الأعمال الشهير وزوجته المدام رانيا يحضران للخروج إلى مكان ما
احمد:خلى بالك من زينه وعمر يا حامد احنا مش هنتأخر بس لازم نسافر عشان اشوف احوال الشركه فى مارينا
حامد:متقلقش يا اخويا دول فى عينى
رانيا:زينه خلى بالك من عمر يا حببتى ماشي انا مش هتأخر هرجع ع طول
عمر:لا يا مامى احنا مش عايزين نقعد هنا عايزين نيجى معاكو احنا مش بنحب نقعد مع عمو دا
احمد:عمر عيب الى انت بتقولو دة يا حبيبي متخافش احنا مش هنتأخر
زينه بحزن:خلاص يا عمر تعال خلى ماما وبابا يروحوا شغلهم
رانيا:بااى يا حبايبى
قبلت رانيا طفليها وركبت السيارة مع زوجها ظلو يلوحان لهؤلاء الأطفال حتى اختفيا بالسيارة عن أنظارهم
...........
أفاقت زينه على صوت عمر وهو يدخل إلى تلك الغرفه
عمر:يلا يا زينه لميتى هدومك يلا احنا خلاص ملناش قعدة فى البيت دا تانى
زينه بتراجع:عمر دا بيتنا
عمر:انتى مسمعتش قال اى من شويه قال أثبتوا أن البيت دا ليكم من بعد ما اهلكم ماتوا وقال إن اهلنا مسابوش اى وصايا تدل أن احنا لينا حاجه فى البيت
زينه:عمر انا متأكدة أن بابا ساب حاجه وكتبها بأسمنا واحنا لازم نقعد فى البيت دا لحد ما نلاقى الوصيه دى
عمر:انا مش هقدر اعيش في بيت ابويا ع انى خدام
زينه:وتفتكر لو خرجنا من هنا هنروح فين يعنى احنا ملناش مكان غير هنا وبعدين فكر شويه لو مشينا من هنا هنصرف منين هناكل منين هنجيب علاجك منين وهنجيب فلوس تعليمك منين ع الرغم اننا عايشين هنا مزلولين عند عمى الا انو هو بيصرف علينا ومعيشنا لاكن لو مشينا مش هنلاقى حته نقعد فيها ولا نصرف منها
عمر:زينه انتى فى فلوس معاكى فى فلوس ف ايدك دلوقت أو تعرفى طريق فلوس
زينه:لا
عمر:اوك ودا ليه تفسير واحد وهو أن احنا هنا بناخد اجر على شغلنا يعنى انتى مقابل شغلك ليل نهار فى ترويق البيت الكبير دااا بيديكى مصاريفك الى تحتاجيها وانا مقابل انو مشغلنى عندو سواق كل مايحب يروح ف حته هو وابنو بيتكفل بمصاريف دراستى و..وعلاجى ......انا مش موافق ابقا خدام فى بيت ابويا يا زينه ولا راضي دا ليكى انتى كمان امشي يلا 
امسك عمر يدها وسحبها ليخرجوا من ذلك العذاب اللذان يعيشان فيه فمنذ سبع سنوات عندما فرق القدر بينهما وبين والدهما اخذ القدر منهما كل شئ جميل عندما أخذ والدهما فمنذ ذاك الحين وهم يعيشون مع ذلك العم الذى لا يبالي الا لجمع المال ومع أولاده الذين دائما يتطاولان عليهما وما كان يهون عليهم تلك المأساه هى زوجه عمهم ع الرغم من جشاعه زوجها الا أنها كانت امرأه رقيقه القلب وكانت صديقه جدا للمرحومه رانيا فكانت تهون على عمر وزينه كل ما يفعله بهم عمهم كانت تحاول أن تسعدهم فلا تستطيع أن توقف ما يفعله زوجها  فماذا بيدها غير أن تبث لهم حبها وتعوضهم عن فقدان والدتهم
فى إحدى القصور الفخمه ايضا فى القاهرة لاكنه قصر فريد من نوعه أنه كبير للغايه الشرفات به تسعد أعين الناظرين إليها تشعر أن المنزل يبث لك طاقه ايجابيه كم هو شاسع وكبير داخل القصر ياله من أثاث حديث وحوائط مليئه باللوحات والاسقف بها نجفات فخمه فى إحدى الغرف فى ذلك القصر الفخم يجلس هو فى وقار على إحدى المكاتب يتابع أعماله على الاب توب ليجد هاتفه يعلن اتصالا من رقم بأسم اللواء عبد الرحيم
فتح الخط بوقار ثم قال
باسم:ايوا يافندم
عبدالرحيم:صباح الخير يا حضرت الرائد
باسم:صباح النور يافندم
عبدالرحيم:اى مش شايف انك اتأخرت شويه عن المديريه يا باسم لازم تاخد معلومات عن المهمه الجايه
باسم وقد قام من مقعده:لا يافندم مش هتأخر خمس دقائق وهكون عندك بس كان لازم اتابع شويه شغل يخص الشركه
عبد الرحيم:طيب يا باسم ارجو انك تكون عندى بسرعه
باسم:حاضر يافندم
اغلق باسم الخط وتحرك فى تلك الغرفه الكبيرة وهو يخرج إحدى بدلاته السوداء الانيقه ارتدى ملابسه سريعا ونزل الى الطابق السفلى ليجد عائلته المكونه من والدته واخوته التؤمان مايا وماذن الذين يبلغان من العمر 16وعمته وابنه عمته يارا وجدته ويلمح ايضا الدادا ساميه ترتب الاطباق على السفرة 
باسم:صباح الخير
الجميع:صباح النور
مايا بطفوله:باسم انت رايح فين
باسم:رايح الشغل
مايا:طيب هاتلى معاك شيكولاته
باسم:انتى مش هتكبرى ابدا
ماذن بمزاح:لا طبعا دى عمرها ما هتكبر
باسم:طب بطلو رخامه انتو الاتنين وسيبونى عشان متأخر ....يلا يا ماما عايزة حاجه
مروه:سلامتك يا باسم
ساميه:مش تفطر الاول يا باسم قبل ما تمشي
باسم: لا يا سيمو انا يدوبك اوصل لانى اتأخرت
اتجه باسم إلى سيارته الفخمه الكبيرة واستقلها لم يعين سائق ليوصله فباسم منذ صغره يحب القيادة ويحب أن يذهب إلى اى مكان بسيارته بنفسه ااتجه بسيارته السريعه الى المديريه وصعد إلى أعلى كان يمشي فى الطرقات وله هيبه ووقار دخل الى مكتب عبد الرحيم بعد أن دق الباب دخل ووجد صديقه ذياد بالداخل
عبدالرحيم :سبحان الله ف معادك يا باسم
باسم:انا عمرى ما اتأخر ابدا يا فندم هاا قولى اى المهمه
عبدالرحيم:المهمه الجايه صعبه شويه يا باسم انت وذياد وانا عارف انك قد المسؤوليه عشان كدا عينتك انت ف المهمه دى وشايف أن مفيش احسن منك ليها
باسم بثقه: أن شاء الله اكون عند حسن ظنك يافندم
عبد الرحيم:المهمه دى عايزين نقبض على اكبر شبكه ف مصر بيتاجروا فى البنات والممنوعات الشبكه دى كبيرة واعضائهم فى كل مكان واغلبهم رجال العمال واكيد لهم كبار ممشينهم وشغلهم بيكون عبارة عن تهريب ممنوعات بطرق غير قانونيه وبطرق ذكيه جدا وتجارة اطفال
باسم:تجارة اطفال ازاى يافندم
عبدالرحيم:شغلهم مش بيقتصر على تجارة البنات بس يا باسم بيخطفوا البنات والاولاد لاكن للاسف الاولاد بيكونوا الضحيه والبنات ضحيه افجع بيخادوا أعضاء والولاد والبنات بيييعوهم للبلاد الاجنبيه وحسب معلوماتنا الشبكه دى قدرت انها تهرب اكتر من 500بنت وباعتهم للبلاد الاجنبيه وطبعا بيروحوا هناك يشتغلوا فى الكازينوهات ويتمرمطوا واكتر من 300ولد وبنت خدو اعضائهم كل دا خلال السنه الي فاتت
باسم:واى موقف الحكومه طول ما المصائب دى موجودة
عبدالرحيم:الحكومه مش قادرة تتصرف يا باسم لان مفيش اى دليل عليهم والمطلوب منك دلوقتى انك انت تحاول تلاقى الدليل دا وفى ناس مشتبه فيهم او مشكوك فى امرهم لان ليهم اكبر شركات واسماءهم عاليه فى السوق اتفضل دا ملف فى كل اسمائهم والمعلومات عنهم
باسم:علم وينفذ يا فندم هبذل قصارى جهدى انى احل القضيه دى
عبدالرحيم:وانا املى كبير فيك ياباسم
استأذن باسم من عبدالرحيم بالذهاب إلى مكتبه للبدء فى التحريات التى ستساعده على العثور على المعلومات ذهب إلى مكتبه وجلس على ذلك الكرسي الكبير
........
فى منزل احمد فايز أو الذى أصبح منزل حامد فايز نزل عمر وهو يسحب زينه خلفه وما كاد يخرج
حتى سمع صوت ذلك القابع على إحدى الكنباات ببرود وهو يضع قدما ع أخرى وينظر لهم وهم يخرجون ثم قال بصوت عالى
حامد:ع فييين
ارتعدت زينه قليلا وامسكت يد اخوها
عمر بجرأه:سايبنلك البيت
حامد وهو يصفق:ورايحين فين بقا لايكون ابوك سايب شقه وانا معرفهاش
عمر:بما اننا هنا بنشتغل خدامين عندك ومبناخدش حاجه لا عايزين نعرفك اننا قد المسؤوليه ونقدر نتحمل مسؤوليه نفسنا ومش محتاجين حاجه منك هنشتغل وهنصرف على نفسنا
حامد بسخريه:هههه وياترا شغلك دا بقا هيبقا فين يابو قلب مخروم
نظرت له زينه ودموعها فى عينيها فهو دائما يسخر من مرض عمر ولا يبالي أنه يحتاج الى عمليه بل دائما يقول لها أنه يحضر الدواء وهو يعيش على هذا الدواء فلماذا العمليه
عمر بعدم اهتمام لكلامه:هنشتغل وهنعتمد ع نفسنا بس شرطنا انك ملكش دعوه بينا نهائى وع الأقل لما نعيش فى حته تانى زينه مش هتضطر انها كل يوم تتأخر ع شغلها بسببك
حامد:امممممم طاايب انا مش هعارض طريقكم بالسلامه بس متجوش بعد كدا تترجونى انكم ترجعو
عمر:هه مستحييل
لف عمر وجهه وسحب أخته واتجهوا الى الخارج
امار (زوجه العم):رايحين فين يا ولاد
ركضت امار اتجاههم وامسكت زينه التى لا تريد الذهاب اساسا
امار:زينه ياحببتى رايحه فين بس يا عمرى وانت ياعمر ماشي وسايبنى دانا بستقوى بيكم يا ولادى
عمر:........