أنتقام ولكن 💙(كاملة)

الحلقه 14

انتقام ولكن 💔
الحلقه 14
.
.
. Have fun😍
مايا:انا لسا هتستنا لما يصحا الباص هيفوتنى ياريم
ريم:لا انتى مش هتستنى ولا حاجه انتى هتمشي وانا لما يصحى هقولو ان انا الى قولتلك تمشي
مايا:تفتكرى باسم هيزعق جامد انى مشيت قبل ما اقولو .....لا انا عايزة اسلم عليه قبل اما امشي
ريم:مايا انتى عارفه ان باسم هيزعل وهيخليكى متروحيش بسببي وانا مش عايزة كدا لو بتحبينى اسمعى كلامى
مايا:ماشي ياريم
ماذن:ماايا جاهزة
مايا:ايوا يا ماذن يلا بينا ......زييينه
زينه:ايوا يا ميييمووو
مايا:انتى بتكلمى بصوت عالى كدا لى هتفضحينا
زينه بهمس:لى هو انتو هربانين
مايا:هههه لا جهزتى الاكل
زينه:اه عملتلكو 120ساندوتش هيكفو
ماذن بصدمه:ممممم ميه وعشين اى يا ست انتى
زينه:بهزر هو انا لحقت اعمل 20 حتى خدو حطوهم فى الشنطه
وضع ماذن ومايا الطعام فى الحقيبه وودعا كل من فى المنزل
الجده:اى يا ولاد مانتو جاين بكرا هو انتو مسافرين قطر
مايا:هتوحشينا يا تيته والله مانتى عارفه مبننامش برا البيت بس هتبقا تجربه جميله
الجدة:يلا ربنا معاكو يا حببتى خلو بالكم من بعض مش كونتو صحيتو باسم سلمتو عليه هيزعل
ريم:لا يا تيته ولا هيزعل ولا حاجه انا هقولو بس عشان ميزعلهمش عشانى
الجدة:ماشي يا بنتى زى ما تحبى
خرج كلا من مايا وماذن من المنزل متجهين الى منزل فيروز صديقه مايا
اما زينه فحضرت فنجان من القهوه وصعدت الى غرفه باسم لتجده يغط فى نوم عميق خرجت زينه مرة اخرى ودقت الباب عده مرات ليستيقظ على صوت طريقات الباب
باسم بنعاس:مييين
زينه:ممكن ادخل
باسم:اتفضلي يا زينه
زينه وقد فاتت:صباح الخير استاذ باسم يلا صحى النوم قهوتك هتبرد وبعدين انت لى اتأخرت فى النوم اوى كدا انهاردة
باسم بتعب:مفيش تعبان شويه بس ....هى الساعه كام
زينه:الساعه 10
انتفض من مكانه
باسم:اييه 10 محدش صحانى ل. كل دااا يالهوى
قام واخذ القهوه من يدها وشربها سريعا ثم قام متجها الى الحمام لتخرج هى من الغرفه فسمعت صوته ينادى
زينه:ايون
باسم من الداخل:معلش ناولينى الفوطه عشان نسيتها
زينه بأحراج:حاضر
امسكت بالمنشفه وذهبت باتجاه الباب وهو يمد يده فأمسك بيدها وهو يأخذ المنشفه لتشعر زينه بتوتر وسحبت يدها سريعا وخرجت
...............اما عند سلمى فكانت تقف على اول شارعه متوترة
سلمى:يا زينه هتودينى فى داهيه بس مش عارفه لى حاسه ان خطتك هتنجح
اتصلت سلمى بزينه وهى تسير على الجانب الذى يوجد به منزله فهى تعلم ان هذا موعد لقائه مع اصدقائه
سلمى بصوت مسموع :ايوا يا حبيبي
زينه:حبيبي شكلك كدا بدأتى
سلمى:ههه اومال اى ونور عنيا كمان
كانت قد اقتربت من اسلام الذى يقف ويحاول مهاتفه اصدقائه الذين تأخرو لفت انتباهه صوتها وهى تضحك على الهاتف ليلتفت اليها
سلمى:هههههه شكلى كدا هستلطفك
زينه:يخربيت سنينك حد يقول هستلطفك دا الواد هيكره اليوم ال شافك فى
سلمى وقد اشتدت فى الضحك عندما رأته ينظر اليها وهو يعقد بين حاجبيه :اسكت مش شكل الموضوع هينفع
زينه:طيب بركه شوكلاتيه هديه تكون عندى بقا
سلمى:هههههه خسارة فيك
زينه:طب كلمه حلوة طيب ولا اى حاجه
سلمى:ههههه هو فى احلى من كدا
كاد اسلام يذهب اليها والشرار والنيران تخرج من عينيه حتى استوقفته مريهان
مريهان:اسلاام ازيك يا بيبي رايح ع فين
سلمى بهمس :بت يا زينه البومه جت اعمل اى
زينه:كملى ولا كأنك شايفه حاجه وعدى من قدامهم وانتى بتضحكى كدا ومهيصه
سلمى:ههههههه يخرب عقلك
لم ينزل اسلام عينه من عليها ومريهان تتحدث اليه حتى مرت من امامهما
مريهان:الله مش دى البت سلمى بتاعت دفعتنا
اسلام:اه ...هى
مريهان:انت تعرفها
اسلام:هااا....اا.لا معرفهاش انا كونت اسمع بأسمها كدا بس
مريهان بسخريه:والله وبقت تتكلم وتضحك ف التليفون اومال كانت عملالنا فيها قطه مغمضه لى
اسلام بحزن:معاكى حق
نظرت سلمى بطرف عينيها خلفها ثم عادت اليهما
سلمى وهى تتجاهلهما:اوبس وقعت مفاتيحى
نزلت الى الارض لتلجب المفاتيح التى اسقطتها قصدا ثم نظرت اليه عده مرات لتلاحظ الغضب على وجهه فرحت سلمى كثيرا واكتفت بهذا القدر وانطلقت الى منزلها
سلمى:يابنت الااايه يا زينه دا فعلا اتضايق .
زينه:يبقا السنارة غمزت يا مووزة اشطا بقا
سلمى:ايعقل يكون بيحبنى
زينه:ههههه شكلو دايب يا قمر
سلمى:لالا يا زينه اسكتى متكبريش الموضوع فى دماغى ليطلع مش حقيقي واتصدم
زينه:بعد الشر عليكى م الصدمه يا قمورتى انتى لا تقلقي انتى عارفه تنبؤات خالتك زينه عمرها ماتخيب
باسم:يا خالتى زينه الفطار هيتحط امتا ان شاء الله
زينه وقد فزعت من ظهوره امامها فجاه:هاا ايوا يا باسم هحطو دلوقت
باسم:كمان باسم حاف لا انتى اظاهر مهيبرة خالص انهاردة
زينه وقد وضعت يدها على فمها:لا اقصد مش قصدى انا بس عشان اتسرعت
سلمى:انتى ياللى سيبانى زى البوبى ع الفون
باسم وهو يلتقط زجاجه مياه من الثلاجه:كلمى البوبى الى ع الفون لتزعل
زينه:حيوانه الفون عالى
سلمى:هو بيقول عليا بوبى نهاارو مش فايت
زينه بضحك:سلمى اقفلى الله يحرقك امشي هكلمك كمان شويه
اغلقت زينه الخط مع سلمى لتجده يسألها
باسم:اومال مايا وماذن فين مش سامعلهم صوت
زينه :لا اصل هما ....
ريم:تعال ياباسم انا هقولك هما فين
باسم:اى هو الموضوع كبير ولا اى
ريم:لا كبير ولا حاجه تعال بس
لم يمر كثيرا من الوقت حتى سمعت زينه اصواتهم تعلو ركضت زينه الى الخارج لتجد باسم يتحدث بعصبيه :ازااى يمشوا منغير معرف
ريم:باسم انا الى قولتلهم يمشو وانا الى اقنعت مايا هى كانت عايزة تلغيها ومتروحش
باسم:حرااام عليكو انا مش ملاحق ع المشاكل الى ع دماغى تشيلونى مسؤوليه جديدة واقعد اقلق عليهم انا مش فاهم هو مفيش راجل فى البيت دا هااا مش عامليلنى اعتبار
ريم:ياباسم لوسمحت اهدا انا مش عايزاهم يتأثرو بسبب مشاكلى
باسم بعصبيه اكبر:لا ازاااى الهانم والبيه فعلا مينفعش يتأثرو والمفروض انهم يروحو يموتو بقا يعيشوا ولا كأن ليهم راجل
مروة:الله ياباسم انت عامل مشكله كبيرة ع اى فيها اى يعنى لما يروحو الرحله ولا انت عايز تكبت فرحتهم عشان اختك الى مشاكلها مبتخلصش
باسم وقد اغلق قبضته وضغط عليها كى لا ينفجر بها اما ريم فبدأت بالبكاء
ريم:انا عارفه انى تقليه عليكو بس خلاص انا اصلا همشي
باسم بعصبيه:تمشي فين انتى كمان انتى هنا ف بيت اخوكى وابوكى يعنى ليكى حق فيه يعنى مش اى حد ليه حق انو يمنعك تقعدي قال جملته الاخيرة وهى ينظر الى مروة بطرف عينه
انصرفت ريم الى غرفتها وهى تبكى ليذهب باسم ايضا وهو سينفجر من العصبيه
زينه بصوت غير مسموع:البيت دا بقا مليان دراما
سمعت هاتفها يعلن اتصالا من سلمى
زينه:ايوا يا ....مش عارفه اشتمك اقولك اى
سلمى بضحك:هههههه اعملك اى مانا كونت بكلمك لقيتك بتقولى كلام غريب
زينه:ياحيوانه صوت الفون  كان عالى
سلمى:هههههههه
زينه:مالك يابت عماله تضحكى ومسخسخه كدا لى
سلمى:اصلي فرحانه خطتك اثبتت هههه دة مشالش عينو من عليا طول مانا بكلم ومكانش بيرد على مريهان
زينه:يابنتى انا خطتى عمرها ما تفشل
سلمى:برافو عليكى
على الجانب الاخر كانت مايا وماذن يقفان مع اصدقاءهم ينتظرون انطلاق الباص
مايا:بقولك اى اى رأيك نرن ع عمر نخليه يجى معايا
ماذن:عمر هتلاقيه نايم ف سابع نومه دلوقتى
مايا:لا انا هرن اشوف
اخرجت مايا هاتفها ليجد ماذن هاتفه يرن فينظر اليه
ماذن:اوباا دا باسم اعمل اى ارد ولالا
مايا وفيروز:متردش
ماذن وقد فتح الخط:ايوا يا بابيسوو..........ياباسم طب متشتمش طاى .......اه احنا ف الباص.......متخافش انا معاها ........لا والله مش من وراك هما الى قالولنا نمشي بسرعه قبل ما انت تصحى عشان متقولناش لا
مايا:يخربيتك انت بتقول اى
ماذن:حاضر ياباسم حاضر متخافش ياعم احنا مع بعض ........ماشي سلام
اغلق ماذن الخط واخذ نفسا عميقا
مايا:اتصدق انك عيل غبى
ماذن:مكانش ينفع مردش كان هيتعصب زيادة
مايا:طيب انا هتصل بعمر
اتصلت مايا بعمر لتجده يجيبها
عمر بنعاس:الو
مايا:اى ياعمر انت لسا نايم ولا اى
عمر:امممم مين معايا
مايا:انا مايا يابنى انت
عمر:مايا ايوا
مايا:بقولك اى احنا طالعين رحله مخيم انا وماذن اى رايك تيجى
عمر:انا لاقى اكل يا مايا احنا هنهزر وبعدين عندى انهاردة فحص مش هعرف اجى
مايا:خساارة كان نفسي تيجى
عمر:معلش يا ميمو تتعوض بعدين مش مشكله نروح النادى انا وانتى والواد ماذن يوم الجمعه اشطا
مايا:اشطا ..ابقا طمنى عليك بعد الكشف
عمر:حاضر
مايا:باى
عمر:باى باى
اغلقت مايا الخط ونظرت الى الهاتف بابتسامه
ماذن مقلدا:ابقا طمنى عليك بعد الكشف خير يا ماما متتلمى
مايا:انا عملت حاجه الله
فيروز:كح كح كح ..كحكح
مايا:مالك يابت بتكحى لى كدا
فيروز:لا مفيش شويه برد بس
مايا:لا الف سلامه دا مش وقت البرد دا وقت اللعب والفرفشاااه
ماذن:اهدى شويه يا مجنونه
صعدوا ثلاثتهم الى الباص وانطلق الى احدى الغابات على اطراف المدينه
..................
سوسن:بت يا ليليييي
ليلى:ايوا يا ابله
سوسن:يلا حضري البنات وقتكم جه
ليلى بتردد:مبلاش يا ابله دا موضوع كبير اوى
سوسن:جرا اى يابت هو مين الى ممشي مين وبعدين هى اول مرة ياعنيا يلا امشي من قدامى
ليلي:حاضر يا ابله
انطلقت ليلي الى غرفه الفتيات لتنادى بصوت عالى
ليلى:يلا يا بناااات اجهزو
ميسا احدى صديقات :على فين
ليلى:عندنا مهمه
ميسا:بخصوص اى
ليلي:هتعرفي لما تروح يلا اجهزو بسرعه لحسن سوسن هتفرج علينا الدنيا
ارتدت الفتيات ملابسهن وانطلقوا مع ليلى
......فى منزل باسم
باسم:ايوا يافارس هاا لقيت اجهزة سليمه ....100بس ياربى ع الخسارة .....طب وبعدين هنعمل اى .....شرط جزائي اى الى ندفعو انت اجننت مش كفايا الخسارة الى احنا فيها ......خلاص خلاص اقفل انا هفكر واشوف الموضوع دا
كان ذياد يقف فى احد الشوارع يراقب موزعين المخدرات الصغار ليفتح عينه بصدمه
ذياد:اى دا مش دى زينه الى بتشتغل عند باسم...زينه اى الى جابها هنا
التصويت ياقمرات💙💙
#فاطمه احمد