أنتقام ولكن 💙(كاملة)

الحلقه6

الحلقه 6
انتقام ولكن 💔💞
.
.
.
.
.استدار باسم وخرج من المطبخ أما زينه ففتحت حنفيه المياه بقوه لتنكسر تلك الحنفيه وتفجر المياه فى وجهها صرخت زينه وهى تحاول ابعاد المياه وتشهق سمعها باسم من الخارج
باسم :فى اى الى.......يانهار اسود ركض إليها وهو يحاول ايقاف المياه حتى غرق كلاهما
باسم:انتى هببتى اى
زينه:اى البيت المخلع دا
باسم:البيت بردو ال مخلع دى الحنفيه دى فحياتها مباظت
جاء جميعهم على أصواتهم
ساميه:اى دا يابنى بس الى بيحصل ع الصبح
مروه:اى يا باسم الجنان دا الى بيحصل هنا
استطاع اخيرا امساك الحنفيه وايقاف الماء قليلا بيده
ماذن ومايا :ههههههههه
ماذن:الناس بتستحما فى الحمام ياباسم
باسم:نقطنى بسكاتك وامشي غور هات حد يصلح الحنفيه دى وأقفل المحبس الرئيسي
مايا:هههههههه
ضحكت زينه ايضا على ضحكات مايا
لقاء:بكل برود بتضحكى
نظرت لها زينه ببرود :الموقف يستحق الضحك وانا بحب اضحك مبحبش انكد ع نفسي وع الى حواليا
لقاء:انتى بترمى بالكلام عليا يا خدامه انتى
زينه بأبتسامه:اسمعى يا طنط اولا انا مجبتش سيرتك ثانيا والأهم انا مش بشتغل هنا عشان انا خدامه انا ابقا بنت واحد من أكبر رجال الأعمال فى البلد بس انا حابه الشغلانه معتبراها شفقه ع المساكين الى مبيعرفوش يطبخوا ثم قالت بصوت لا يسمعه احد:اما الى ع راسو بطحه صح اى الوليه البومه دى
لقاء:بتبرطمى تقولى اى يابت وبعدين قولتلك مليون مرة متقوليليش ياطنط
زينه وقد ابتسمت ابتسامه صفراء:حاضر ياطنط
لاحظت مايا أن النيران تشتعل بين هاتين الاثنين وإذا لم يتصرف أحد لابد أنهم سيحرقون المكان بأكمله
مايا:زينه تعالى أما افرجك ع اوضتى دى حاجه خيال هتعجبك اوى مش كدا يا ماذن
وقد غمزت له بعينها
ماذن:اه والله اوضه مايا تحفه يلا يلا بينا
باسم:هو فى اى انا ساكت ومستنى المسخرة دى تخلص بقا واوضه اى الى انتو هتوروهالها مش ناويه تبدأى تحضير الفطار يا انسه زينه
زينه وقد نظرت الى ساعه هاتفها:الساعه لسه 8 ثم قالت بنبره تشبه نبرته:مواعيد الشغل من 9 الصبح ل 10 بليل يا انسه زينه
نظر لها وضيق عيناه الزرقاوتين:افهم من كدا انك بتتريقى عليا
زينه:لا لاسمح الله انا اتريق عليك لى انا بفكرك بكلامك بس يلا بقا لازم اتفرج ع الاوضه ولا اى يا مايا
مايا بحماس :ايوا طبعا يلا بينا
زينه بأستفزاز:اوكااى يجماعه كان نفسي افضل معاكو اكتر بس مرة تانيه بقا تشااو
مايا وهى تكتم ضحكتها:يلا يخربيتك
خرجت كلا من زينه ومايا وماذن وأثناء خروجهم من المطبخ قال باسم بصوت عال بعض الشئ:طب مفيش حد هيفكنى من الحنفيه دى ولا اى وراايا شغل ياا مااذن
ماذن:حاضر حاضر هقول لعم عبدو يطلب سباك  وهقفل المحبس
بعد بضع دقائق اغلق ماذن المحبس وصعد باسم سريعا ليغير ملابسه لأنه تأخر كثيرا على ذياد الذى سيقتله أما زينه فصعدت مع مايا وماذن الى غرفه مايا ليدخلو فتنبهر زينه بتلك الغرفه
زينه:واااااو دى شبه اوض الاميرات بالظبط ههههه
مايا:اى رأيك بقا يا ستى
زينه:كان عندى اوضه زى دى ايام النعنشه
مايا:هههه ازاى يعنى واى الى خلاها مش عندك دلوقتى
زينه:فى غرابه عائشه معايا فى البيت احتلت الاوضه بغض النظر قوليلى هو اخوكى داا امبارح كان ملاك برئ وريلااكس ولطيف النهاردة حاسه انو كارهنى وهاين عليه يقتلنى
مايا:هههههه لا انتى لازم تتعودى ع كدا انا قليل لما بشوف باسم بيضحك وهو حد جد جدا  وبيحب الالتزام وتحمل المسؤولية بس هو دائما فى مقابلاتو الاولى بيبقا لطيف وطبيعى بعد  كدا بقا بيظهر الوش الخشب لا باسم عندو الشغل شغل
زينه:شكلها ايام سودة انا اعرف الناس فى اول مقابله بيبقا فى الوش الخشب بعدها بيتعود على الشخص ويتعامل عادى اخوكى ماشي بالعكس
دلف ماذن إلى تلك الغرفه التى تجلسان بها الفتاتان وهو يحمل صينيه بها بعض قطع البسكويت والنسكافيه
زينه:ياسلام عليك انت ياغالى بتفكرنى بعمر
مايا :عمر ميييين ياسيدى يا سيدى
زينه:هههههه لا عمر دا اخويا ....وحياتى كلها .....انا ممكن اعمل اى شئ علشانو عشان اشوفو مبسوط
ماذن:شايفه الناس بيحبو إخواتهم ازاى مش انتى الى طول النهار يا بتتخانقى معايا يا ببتكلمى فى التليفون
زينه:بحسب ما بيقول جوجل 90٪من الاخوات الى ببتخانقو كتير هما اكتر ناس بيحبو بعض
مايا:يا سلاام متابعه مع جوجل
زينه:مش هتتخيلى انا وجوجل بقينا أصحاب جدا لدرجه انى بقعد اتكلم معاه لما ابقا زهقانه جوجل دا دنيا تانيه
ماذن بسرحان:ولا فيسبوك
مايا بشرود:ولا الواتس
صرخت زينه فى وجههم لتفزعهم من شرودهم
زينه:عاااا لازم انزل احضر الفطار استاذ باسم هيطردنى
ركضت على درجات ذلك السلم ودخلت الى المطبخ وبدأت تحضر الافطار.حضرت زينه الافطار ووضعته على الطاوله بمساعده الدادا ساميه
ساميه:متحطيش الاكل كلو هنا يا زينه لأن الانسه مايا وماذن بياكلو فى اوضهم والمدام لقاء ومدام مروه هما بس الى بياكلو هنا
زينه:طب ويارا بتاكل فين
ساميه:يارا بردو بتاكل فى اوضتها
زينه: ازاى عيله وكل واحد بياكل فى اوضته المفروض مفيش احلى من لمه العيله 
ساميه:هما كدا يا بنتى
زينه بتفكير:تقلقيش انا هغير الوضع دا
نزل باسم راكضا وخرج الى ذياد ليجدة يقف ويعقد ببن حاجبيه ويضع يده مربعه امام صدره
ذياد:مالسه بدرى يا بييه
باسم:والله يا زيزو الناس الى جوه دول اساتذة مشاكل تعال احكيلك
ذياد بعصبيه :انا واقف مزلول فى الشمس بقالى ساعه وانت ولا ع بالك
باسم:خلاص بقا يا ذياد
ذياد:عموما انا كلمت الرجاله وجابو الشاب الى كان بيشتغل مع احمد فايز فى مكتبه اسمو مروان وعندو حاليا 28 سنه كان متجوز ومراتو اتوفت وبعدها ساب البلد ولسه راجع
باسم:حلو اوى يلا بينا
وصل كلا من باسم وذياد الى المكتب ليجدو مروان يجلس فى المكتب وع وجهه علامات التوتر
باسم:اهلا اهلا حمدالله ع السلامه يا باشا
مروان:انا ممكن اعرف انا بعمل اى هنا انا لسه راجع من السفر مش فاهم اى لزوم وجودى هنا
باسم:اقعد واهدا متقلقش الموضوع بيتعلق بشغلك القديم مع رجل الاعمال احمد فايز
ذادت علامات التوتر كثيرا ع مروان وهب واقفا
مروان:انا معرفش اى حاجه عن الموضوع ده سيبونى ف حالى انا ماشي
باسم:اوقف مكانك من علامات التوتر الى ع وشك واضح انك تعرف حاجات كتيرة اوى
مروان:اسمع يا حضرت الظابط انا خسرت حاجات كتيرة اوى بسبب الموضوع دا ومش مستعد اخسر اكتر
باسم:احنا طالبين منك شويه معلومات مش اكتر والدبان الازرق مش هيعرف بالمقابله دى اقعد وجاوب ع سؤالنا
جلس مروان بتزمر:اتفضل
باسم:انت كونت بتشتغل مع احمد فايز وكونت دراعو اليمين تقدر تقولى فى الفترة الأخيرة نشاطات احمد فايز وصفقاته كانت اى نظامها
مروان: الاستاذ احمد فايز مكانش بالنسبالي مجرد مدير كان زى والدى بالظبط وكان كل حاجه بتحصلو بيحكيلى عليها وفى الفترة الأخيرة تحديدا قبل وفاته بيومين لاحظنا حاجه غريبه والحاجه دى إن كان فى صفقات بتتم ف فروع شركتنا الى ف مارينا منغير ما احمد فايز يمضي عليها أو حتى يعرف بيها ومكانش فى حد شريك ويقدر يتحكم فى الشركه غير الاستاذ حامد وابنو الاستاذ احمد حب انو يتأكد أن كل حاجه سليمه وقرر انو يروح ع مارينا ويعرف اي الصفقات دى وعبارة عن اى ودا كان اليوم إلى اتوفا فيه هو ومراتو
باسم:وياترى فى علاقه بين موت احمد فايز وبين الصفقات دى ولا كانت مجرد صدفه
مروان بعصبيه:لا طبعا ليه علاقه
ذياد:واى الى خلاك متأكد اوى كدا
مروان:عشان ...........
باسم:عشان اى سكتت لى
مروان:يا جماعه لو سمحتو كلامى دا فى خطر ع حياه حد غالى عليا أنا مش هقدر اكمل
باسم:اسمع يا مروان عايزك متقلقش انت فى حمايتنا فهمنا وعرفنا عشان نقدر نساعدك ونحل القضيه المعقدة دى انا حاسس انك عندك مفاتيح كتير للقضيه دى
مروان بتردد:احمد فايز مماتش موته عاديه مات مقتول
ذياد:مقتول
مروان:ايوا والى قتل احمد فايز هو أخوه حامد لما لقى أن احمد هيكشف المصايب الى هو بيعملها فى شركاته فى مارينا قرر انو يتخلص منو قبل ما يكتشف حاجه ولما أنا فكرت انبش فى الموضوع واعرف اى حاجه بعد موت احمد فايز هددونى ......وقتلولى مراتى واغلى حد فى حياتى
باسم بأسي:الله يرحمها ....الكلام الى انت قولتو دا  خطير جدا ولو فعلا كلامك صح يبقا حامد فايز بيعمل صفقات غير مشروعه ولما كان هيتكشف قتل أخوه عشان يدارى ع بلاويه ........بس فى نفس اليوم جالنا بلاغ أن احمد فايز ومراتو مسافرين مارينا ومعاهم شحنه من المخدرات فى عربيتهم الجيب وأثناء مطاردتنا ليهم العربيه انقلبت
ذياد:التحريات فى الوقت دا أثبتت أن العربيه انقلبت بسبب عيب فرامل ........يبقا حامد فايز خرب فرامل العربيه بتاعت أخوه ولما احمد شاف أن البوليس وراه حاول يقف وانقلبت وف نفس الوقت حامد كان مدبر مكيدة تانيه لو احمد نجى من موضوع الفرامل أن فى ف عربيتو مخدرات تكفى تحبسوا هوا ومراتو سنين
باسم:ياولاد الابالسه ......كل دا يدل ان فى مصائب كبيرة بتتم فى شركات حامد فايز الى ف مارينا ومحدش عارف بيها بس لازم نلاقي ادله ع الكلام دا 
مروان:أنا للاسف مقدرتش اوصل لحاجه لما حاولت ادور وراهم لأنهم دمرونى بقتل مراتى
باسم:والى يجبلك حق مراتك
مروان:ازاى يا حضرت الظابط
باسم:مروان انت لما هددوك حامد فايز بنفسو الى هددك ولا حد من طرفو
مروان:حد من طرف حامد بس حامد كان بعرفنى لأنى كونت بشتغل معاهم
باسم:انت هترجع تروح الشركه وتطلب من حامد انو يشغلك وطبعا هيسألك سبت الشركه لى وكونت بدور على اى بعد موت احمد لاكن انت لازم تثبتلو بأى طريقه ولاءك لشركتهم وترجع تدخل الشركه تانى
مروان:والمرة دى هخسر مين يا حضرت الظابط أنا مش فاهم انتو عايزين اى
ذياد:يا مروان مفيش غيرك يقدر يساعدنا انت الى كونت شغال هناك قبل كدا وتفهم الدنيا ماشيه ازاى يعنى من الاخر مفيش غيرك ينفع يبقا جاسوس هناك
مروان: سامحوني الموضوع دا فى خطر كبير والناس دول مش سهلين أنا مش هقدر العب اللعبه دى عن اذنكو
خرج مروان من المكتب
باسم:هو قالنا كلام خطير بس لازم يقتنع انو يبقا جاسوس عندنا لان محدش هيقدر يدخل الشركه غيرو
ذياد:معتقدش انو هيقتنع لانو متأثر بقتل مراتو .....بقولك اى يعنى انت عندك فى البيت بنت احمد فايز ذات نفسها ومش شايف منها اى معلومات ولا اى حاجه يعنى
باسم:يا اخى اتنيل دى انا حاسس انها فاكرة اسمها بالعافيه ولا هتعرف تفيدنا
ذياد:اسمع منى مفيش غيرها هيقدر يساعدك فى جمع المعلومات عن بيت حامد ع الأقل وتحركاته
باسم:هشوف