عشق السراب

Part 1

ترررن تررررن.......
رن المنبه مدت يديها الناعمتين المزينات باسوارة فضية على شكل فراشات صغيرة بنعاس اطفأت المنبه وقامت تحني صدرها وعلامات النعاس والنحول واضحة رغم كل ذالك وجهها المبتسم منذ الصباح ما اجمل التفاؤل المرسوم في وجهها البريئ الطفولي
.............
نور: طفيت المنبه ومشيت احسب خطواتي وايدي ع الحايط حتة اوصل حمام غرفتي وصلت لميت شعري وغسلت وجهي وفرشت اسناني توضيت وصليت ونزلت الساعة جانت ب 7 ونص كالعادة الاخوان متوثين نوم وماما وبابا اليوم عطلتهم ميكعدون من وكت تقربت عالطباخ هففف هذا علي يومية يسوي نركيلة بالليل ويشمر الجداحة بمكان اني اندل البيت وكلشي بس مرات علي يبعثر اشياء وما اندلهم ضليت اتلمس هفف الحمدلله لكيتهة سويت كاباتشينو وكعدت اشرب بالعادة ما اتريك الصبح ماحب البيض او الجبن بين قوسين وجبة الريوك ماحبهة كلهة اكضيهة نساتل واشياء خفيفة علما يكمل الغدة كعدت عالميز اشرب وافكر ممكن يجي يوم واشوف شلون يشوفون الناس العالم حلو لو لا اكيد حلو شهالسؤال غبية اخذتني افكاري اكتئبت كلت اكول الماما نطلع اليوم اهلي ممقصرين بحقي ومدلليني زيادة عن اللزوم لان يعتبروني ضعيفة كلش اكره شفقتهم علية اني مو ضعيفة اني قوية معتمدة ع نفسي بكلشي بس همة غصب يساعدوني بمتطلباتي اسبح وحدي اسوي اكل وحدي اكل وحدي انضف غرفتي وحدي اندل البيت شبر شبر ممكن حتة احسن من اليشوف ادرس وارسم رغم رسماتي متطايرة بس هوايتي واللي تبعدني عن العالم وتنسيني همومي هي الرسم كلشي ما استخدم بالرسم بس قلم رصاص ودفتر دليلي وعيوني ماما وبابا دائما اشوفهم رسماتي رغم العيون اغلب المرات تكون كل وحدة بصفحة 😂 ومرات اكون لازكة الخشم بالحلك بس يشجعوني ويخلون ايدهم بايدي ونعدل الرسمة سوا
مريم: ها ماماتي شو كاعدة من وكت صباح الخير
نور: صباح النور يروحي ما احب اضيع النهار بالنوم واني ع روتين المدرسة يعني متعودة اكعد من الصبح
مريم: جوعانة نورايتي اسويلج اكل
نور: لا ما ما مو جوعانة بس خلي نطلع اليوم ضايجة
مريم: من عيوني حضري نفسج العصر نطلع شرأيج اسوي دولمة لعد ونروح للبارك
نور: اي حلوة الفكرة نسوي الدولمة اني وياج
مريم: تمام حبيبتي روحي كعدي بابا لعد خلي يجيبلنة غراض الدولمة او اكلج عوفي خطية اليوم عطلتة كعدي الدثو علي تكدرين لو اني اروح اكعدة
نور: ماماااا شنو كلنة
مريم: هاا تمام يلا اسفة روحي انتي كعدي
نور: تمشيت علكيفي احسب خطواتي كالعادة بين المطبخ والصالة 10 خطوات وبين الصالة والدرج 6 خطوات والدرج 22 درجة شفتو شلون حافضة البيت اكثر من اليشوفون وصلت عالدرج خليت ايدي عالمحجر وصعدت علكيفي وصلت الغرفتة ماكو داعي ادك الباب لان اني ماشوف خصوصيتهم محفوضة 😂 دفرتهة وفتت مداهمة علييييييي
علي نومة خفيف رأسا فز خطية
علي: بربج نور هيج تفززيني شو انتو ماعدكم احترام النايم بهذا البيت خابرولي علي عذاب
نور: دكوم عيني علي عذاب ميت عليك يجيك التركيا كوووم جيبلنة غراض دولمة حنسوي دولمة حتة نديح اليوم
علي: ولج نويرة نمت ب 5 تكعديني ب 9 نعساااان روحي انتي
نور: خوش فكرة بايي....
ماما اني حروح
مريم: وين تروحين عيني لا خلي علي يكوم ترا اجي بالجفجير
نور: ماما شبيج ضايجة طاكة روحي كتلج اني اروح ترا حاسبة الخطوات منا للماركت 466 خطوة والباب سحري وحدة ينفتح ومن افوت 7 خطوات ع ايدي اليمنئ الكاشير ماروح جوة اطلب اللي اريدة من الكاشير وهو يجيبليا
مريم: ياعمري ليش هالدوخة وتتعبين نفسج عمي اني اروح بس كعدي والله اخاف عليج
نور: ماما بداعتي خليني اعتمد ع نفسي ليش تحسبوني ضعيفة دائما ترا اني اقوة منكم
مريم: تمام روحي بس اخذي فونج وياج وكل شوية اتصل عليج مو متجاوبين وتخوفيني عليج
نور: تمام بدلت ملابسي جينز وسويتر ابيض وحذاء ابيض عفت شعري ع حطيتة كيرلي قصير اخذت العصا وفوني وجنطتي وطلعت مشيت احسب خطواتي واصوات العصافير تجنن اعشقهة وصلت للماركت فتت وكفت عالكاشير مادري السرا وين وشكد اكو ناس بس من خلال الاصوات عرفت انو الناس هواية اهوو هسة اني ويامن احجي حسيت احد يحجي وياي بالتركي عرض علية المساعدة
مريم: لا شكرا بس اريد احجي وي الكاشير اطلب منة اغراض
حيدر: ماتوقع حيكدر يساعدج لان الطابور طويل وبس هو عالكاشير تفضلي ممكن اساعدج اني
نور: بيني وبين نفسي كلت اهووو شلون سالفة هاي بس مدري شلون سمعني
حيدر: الاخت طلعت عربية وصارلي ساعة ارطن تركي عليج بنت بلدي مستحيل اعوفج للاتراك الفاهيين يساعدوج تعالي امشي وياي واحجي واني احطلج الي تريدي بالسلة
نور: يااا عراقي انتة 😂 شمدريني عبالي تركي وانتة البديت تحجي وياي تركي توقعتك تركي
حيدر: بربج دشوفيني اجلح املح وين الملامح التركية بالموضوع بس اني شفتج عبالي تركية ملامحج مو ملامح عربية ف حجيت وياج تركي
نور: 😑 شلون اعرفك اجلح واعرف ملامحك مدتشوفني اني شنو
حيدر: اه اسف مو قصدي هيج طلع الكلام قصدي انو اني شكولي مو شكول تركي اسف مرة ثانية
نور: لا عادي وترا بديت انغث داحس بيك بدت الشفقة علية تزيد ترا اقوة منك اني ها مو ماشوف معناهة ضعيفة اكره احد يشفق علية
حيدر: والله كفو كلج ايجابية ربي يحفظج
نور: تسلم وشكرا ع مساعدتك الي كلك ذوق
حيدر: ولو كلشي مسويت انتي تندلين كلشي هيج مشيتيني وياج
نور: اي اندل دائما اجي اني وبابا او ماما لهنا بس ممتأكدة من كلشي وهذا ماركت ممكن يغيرون اماكن الاشياء الهيج طلبت المساعدة
حيدر: اي صح تدللين وردة شوكت متجين اني هتا حبسط واكعد انتضرج عالمرة الجاية 😂
نور: ههههههه تسلم ماقصرت باي
حيدر: بايات......
نور: رجعت للبيت وفرحانة بالانجاز كدرت اتسوك وحدي كعدنة نسوي الدولمة اني وماما كملناهة وخلتهة عالنار امي صارت ب 12 كعد بابا وعلي بعدة نايم 🤦‍♀️😂 سولفتلة ومتلهفة كل شوي اعيد بابا اني اليوم تسوكت وحدي
وارجع واعيد سطرتهم بالسالفة كلش فرحت هذا انجاز عظيم بالنسبة الي
رحت بدلت ملابسي لبست جينز وسويتر سمائي وحذاء سمائي شلت جانب من شعري بماشة وخليت وردة لونهة سمائي طلعت صاكة 😂😂 هلو هلو هو اني وين اشوف نفسي رحت الماما
نور. ماما شرحيلي ملامحي
ام نور. ولج نويرة يومية هي ترا مايتغير شكلج بيوم واحد
نور. ماريد 😒
ام نور. طولج 160 وزنج 59 بشرتج بيضة عيونج عسلي شعرج عسلي كصير كيرلي بين قوسين ملكة جمال بنتي بعد وعندج الحساب 😘
نور. اي صبغي بية 😂😂
ام نور. ماصابغة والله هي هاي ملامحج
نور. احبج يروحي 🥺❤️
ام نور. حبيبتي اموت عليج
نور. يلا شوكت نروح تأخرنة
علي. مستعجلة عالدياحة ولعب الطوبة صبري
خابرتي مريم 🙂
نور. ها زاحف طبعا خابرتهة بس مو علمود جهرتك الزفرة
علي. شبية جهرتي زفرة شو جني تركي كلكم ماعدكم عيون زرك بس اني 🤪
نور. اي لان انتة مو اخونة لكيناك بالزبالة وربيناك 😂😂
علي. لج ترا اني اكبر منج شمدريج ما انتي لكيناج بالزبالة
نور. نننن مو اني امي تسولفلي بس كالت لتكولين 😂😂😂
عبدالله. يلا كملتو
نور. اي من القرن التاسع عشر بس ننتضرك جنة
عبدالله. ام لسان يلا كومو خل اطلع السيارة علما تطلعون
نور. اييي واخيرا يلا امشو........................ 
............ وخلص البارت الاوللل دعموني حتة اكمل ترا واهس ماكو اريد فوني ميسكت من الاشعارات حتة اكملل احبكم ❤️