عشق السراب

Part 14

امير. ليش منو كلج اني عراقي
سمر. هاا لعد شنو انتة بنغلادشي والله عرفت شكلك مال بنكلادش مجولح
امير. لا يصاكة اني سوري مو عراقي
سمر. سوري ع نفسك وخر من يمي سوري ياسوري وانتة عراقيتك اقوة مني
امير. زين هسة منو حيبيعلج اذا اوخر 🙂😂
سمر. ليش انتة صاحب المحل
امير. يب اني
سمر. لعد بيع عالساكت مو تدك حنج وي الرايح والجاي
امير. هسة انتي صارلج ساعة داكة حنج وي كل اصحاب المحلات دك ضحك ومخليتي واحد مصنفتي علية من وصلت يمي اجاج الثكل وصعدت هرمونات العراك عندج
سمر. وانتة شمدريك اضحك وي اصحاب المحلات
امير. مدري بس شفتج من جنتي تضحكين صوتج هاز المول
سمر. عكرت مزاجي شكد تلغي اسكت خلعرف اختار
امير. اختاري برينسيس عيني اختاري
سمر. لميت ب 10 فساتين يا الله يجنننون لو بيدي اجرب المحل كلة اجو الشلة تعالو الله جابكم ابقو هنا حجرب وانطوني رأيكم
نور. حتجربين كل هذولة
سمر. اي ليش اكو مشكلة
نور. لا ماكو مشكلة بس انطيني شوي من خلكج
سمر. دنجبي حقنة اني فرفوشة وعندي خلك قابل مثلج مكضيتهة دك ولطم امداج تعالي جربي فساتين وياية احسلج
نور. اني تعبانة حكعد هنا وانتي جربي
سمر. تمام انتضروني دهلت الغرفة القياس لبست اول واحد جان لونة اسود ومفتوح الضهر وطويل موديل السمجة يمكن يسمو واوووو اخذت بي كومة صور طلعتلهم
هاااا شلوني
امير. 😳😳😳😳
سمر. انتة دير وجهك لاتباوع استحي شوية
امير. طارت جبهتي الله لا ينطيج اذا انتي هيج مؤمنة ومتريدين احد يباوع عليج شكو تجربين بالمحل شوفي بغرفة القياس وخلص لو الا تطلعين بي
سمر. معليك وبعدين علي مو احترم نفسة وراح كعد يم نور حتة ميباوع مو مثلك عوينجي روح يلا
امير. صبرك الهي تمام مولي
مريم. تجننينننن جسمج يجنن بي ولج
سمر. اي لعد شعبالكم خلروح اغيرة رحت لبست الثاني هم اسود بس قصير ومنفوش وبي فتحة عالخصر وسلسال ينلف عالخصر منة وبي عزااا جوييي اموع اموع حاخذة هذا
هاا مريم
مريم. فد شي والله اخذي هذا
امير. رحت كعدت عالكرسي وكدامي مليكانات ماشوفهة من تطلع بس لشوف مقتطفات طلعت وكفت وبس خصرهة مبين لافة علية سلسال الفستان هاي الفساتين انصنعت بس الهة شتلبس يلوك شهالجمال يا الله نلازم افوت هالطيرة من ايدي
سمر. ضليت اجرب خلصت ال 10 فساتين واريد بعد بس مخلوني شبيكم والله حلوات 😭
علي. ولج كافي العروس مقاست ملابس بكدج خرب يومج
سمر. هفف يلا حاخذ اثنين هذا وهذا
امير. وهذا مجانا عنا خصم هون اذا تاخذي 2 الثالث مجانا
سمر. شددد اليوم يومي زين ليش انتة اختاريتلي اني اريد اختار
امير. لا هاي سياسة المخل لازم صاحب المحل يختار
سمر. هاا تمام حاسبنة وطلعنة حسيت عيونة اكلتني هاي شبي كبرر مبين مو راحة
نور. شبيج تمشين وتدردمين
سمر. هذا ابو المحل المشايف اكلني اكل بعيونة حسسني اني مصلخة كبر ضجت من نفسي شبي هيج عوينجي مشايف
نور. لو عوينجي جان باوع علينة اني ومريم هم بس هو تركيزة كلة عليج شسويتي بالولد انعجب بيج ولج وغمزتلهة 😂
سمر. دنجبي ماثق بالشباب اكلهة عينة ع جسمي تكلي انعجب بيج بابا اعرف هاي النماذج همهم شهوتهم وبس لا حبني ولابطيخ ليش اني بشنو انحب شو جني قرد باكستاني
نور. خرب يومج ع هالتشبيه 😂😂 بس ترا ضالمة نفسج احس ملامحج نار كلش حلوات ليش كرهانة شكلج هيج
سمر. مدري اني تعبت خلنروح يلا
نور. يلا
رجعنة عالبيت وسمر راحت البيتهم وعلي راح يوصل مريم البيتهم نزلني يالة راح يوصلهة اللوتي يريد يستفرد بيهة علينة هاي السوالف
مريم. عليي
علي. هااا
مريم. اريد نساتل وببسي قبل لنرجع شوفلنة ماركت
علي. تمام
رحنة اشترينة كلشي وأخذتهة بس مو للبيت لاا اليوم اطلع قهر الفلوس الذبيتهة بالمول كلهة
وصلنة مكان شبه فارغ
مريم. هاي شنو ليش وكفت هنا حتكتلني وتذبني بهذا الشط
علي. لو اكتلج اهون الج
مريم. يماا علي شبيك حبول ع نفسي من الخوف والله 😭
علي. تفلسيني اليوم مو وخليتي نور تمسح المول مسح مخلت شي ما اشترتة ع حسابي تتفقن علية مو قفلت بيبان السيارة تقربت منهة وهي ترجع علي شبييك
علي. كتلج حتدفعين الثمن تعيبيلي
مريم. والله بعد ماسويهة رجعني للبيت
علي. بعدني ماخذت حقي تقربت منهة كلش وجهي لزك بوجههة وهي دكات كلبهة سريعة حتموت من الخوف 😂 اروح فدوة للخايفةةة عمييي تعاليي اخذت شفايفهة بال 3 دقايق اول مرة مصدومة بس تفاعلت وياي بعدين لازمهة من خصرهة وايدهة ع جتفي الحد مانكطع نفسنة وخرت لشتعلوو شسويتي بية اخذج للبيت هسة واخلي اهلج يكمزون
مريم. لا حباب اخذني للبيت كافي
علي. لج ياكافي هو انتي غير معتي نسيتج حتة اسمج هااا
مريم. عليي وديني
علي. تمام تمام اخر شوط والله تقربت هم بستهة نزلت ع ركبتهة
مريم.  علي لاا
علي. ايي
صرت اطبع بوسات خفيفة ع ركبتهة وهي تحاول تبعدني  😂 يلا يلا مراح اكمل امشي للبيت
مريم.  كمت ابجي ليش انتة شبقيت اكو واحد يبوس حبيبتة 10 دقايق شبيك مشايف 😭😭 يا الله
علي. حلزكج بدفرة اوصلج البيتكم طيران هو اني شمحصل منج ولج المخطوبين يلعبون طوبة والبيت اضلم لاحكتني عالبوسة يحضي
مريم. عزااا والله انتة متستحي صاير مستهتر
علي. بعدج كلشي مشايفة 😉
مريم. ودينييي بعد ماحجي وياك انتة تخوف
علي. امشي يلا احبج يم خدود

........
رجعني للبيت وزعلت منة ورجعت
ابجي
علي. خرب حضي طفلةةة 😂😂
........
سمر. رجعت للبيت خليت الملابس بالكنتور صفنت كلت خل اقيسهم من كد مو حلوات كل شوي اكلب بيهم
فتحت الفستان اللي انطانيا شلت العلامة هاي شنوو العلامة بيهة كارت بي معرف الانستا وكاتب بضهر الكارت حتة لو بس فولو يا ام خصر حلو
سمر. عزااا شكد سافل تفو اخذت الفون ورحت كعدت طلعت الانستا مالتة مو حبا بي بس حتة استكشف فضول مو اكثر ضليت انبش بي وبالهايلايت وبالبوست اللي ناشرهم حتة التعليقات قريتهم شفت الستوري اللي منزلة صورة اكل وصورتة عليهة كلام وصورة سماء كاتب G.n طلعت سديت الفون دانام وجان يحترك الفون بالرسايل هاي شكو ياستار
فتحت الرسائل جايني ريكويست عزاااااااا صخام الصخمج سمر...... يتبع

هااا شلونكم يابة والله اعتذر مريت بضروف شوي بس رجعتلكم واقوة هم ححاول اسرع واختم لان هواي خليتكم تنتضرون اسفة مرة ثانية عالانقطاع احبكم ❤️