عشق السراب

Part 16

عمر. اني اجيييت
سمر. عمرر شهالصدفة الحلوة رايحين للمول تعال ويانة
عمر. هاا لا خاف ازاحمكم
علي. ع شنو يمعود دمشي ويانة مليت وياي 3 بنات وماكو رجال هنة يتونسن وي بعض اني اتونس وي الحايط
سمر. ايي تعال وتعرفون شنو اجتني فكرة بشدة اني ونور نروح بسيارة عمر وعلي انتة اخذ الحب وروحو بسيارتك
مريم. شنوووو لو تموت نور تعالي صعدي ويانة
سمر. لا حتجي ويانة نور
نور. حيرتوني وين اروح هسة
سمر. ويانة حبيبتي معليج بمريم مو مريم وعضيت شفتي المريم ولج افهمي اريد اقربهم مو هاي خطتنة جانت يحضي
مريم. افتهمت تمام روحو كلت بكلبي اهوو حيعوفوني وحدي وتبدي قلة ادب علي ☹️ بس والله مانطي مجال اعوفة وانزل بس يتقرب مني
سمر. يلا بلة صفنات روحو واحنة نجي بسيارتك يلا نور اليوم يومنة سيارة عمر احلا امشيي 😂
نور. تمامم يلا صعدنة اثنينة ليورة وهو يسوق
عمر. داصعد لكيتهن ثنينهن كعدن ليورة نزعت المناضر وانداريت اباوعلهن صفح ممكن وحدة منجن تجي تكعد بالصدر مو سايق الخلفكم اني
سمر. والله اني تدري بية من يوم يومي ماكعد بالصدر روحي انتي نور
نور. عزاا انجبي كرصتهة اني شكو روحي انتي
سمر. انتي انجبي مراح ياكلج ترا هياتج كبال عيني روحي صعدي عاد
عمر. فضوهة ولكم
نور. تمام نزلت واباوع بتوسل ع سمر نقذيني ماريد اصعد بالصدر بس وين ياحيف انصدت
عمر. تعالي صعدي بزونة لتخافين اصلا انتي حتستفادين التبريد عليج ومراية كبالج تشوفين شكلج وخلي هاي الزركة تموع بالحر
سمر. منو زركة ولك تدرين اليوم صدفة كللش حلوة من اجة واحنة دنطلع اني زركة مو اكلك عموري هي صدفة لو اكو احد خابرك تجي
عمر. خرا ببليسج فضيحة عمي اني ازرك بس اسكتي
نور. شنو الموضوع
عمر. ولا شي معليج بيهة هاي مخبلة يلا وصلنة هاي شنو شبيهة مريم وعلي
نور. اخذني الواهس ونسيت نفسي ولك هاي مريم الفاهية متعاركة ويا وزعلانة لان باسهة 😂😂 صفنت اني شحجيت عزااااا عفتهم ورحت
عمر. اويلي هنا الخجل عميي مو مثل اللي عندي لا احساس ولا مشاعر
سمر. كلمة ثانية زايدة افضحك واكول اني خابرتك
عمر. لازمة علية لزمة اصبريلي اذا ما اشلع كلب رجلج المستقبلي الشفية يالة انطيجيا وحتة بفترة الخطوبة اسوي عليكم حصار
سمر. هو بس حجة هيج كلبي دك واجة ع بالي امير اهووو هو شكو بكل سالفة متذكرتة اصحي سمر بلا استهبال
......................
علي. فكيهة مريم مو اعتذرت الف اعتذار هسة بوسة الكشرة عمي مو يكولون يا حجاية رجعي المكانج اني اكول يابوسة رجعي المكانج هاي احلا ايامنة لتخربيهة بطنكورتج والله تتندمين بعدين
نور. صح كلامة مريومة فكيهة حبيبي وخل نفوت للمول بضحكة نختار البدلات هاا
مريم. ابتسمت تمام يلا امشو
علي. والله لو اعرف اهلهل جان هلهلت اي من البداية وخلشوف هالضحكة الحلوة فدوة لمريتي اليوم صلخيني بالمول ما رح احجي ولا كلمة
بعد مرور اكثر من 6 ساعات
علي. عمر خل نفلت اني حتة نفسي انكطع
عمر. ولك شكد العب حديد مفد يوم تعبت مثل اليوم شنو علم الذرة هو هي افوت المحل بدلات اجرب كم وحدة تعجبني وحدة اخذهة ونطلع كبل 6 ساعاات صارلنة نفتر خلصنة المول ذهابا وايابا بال 20 مرة كافي ولجن  شادات محرك
مريم. كملنة بقة بس الحذاء وبعدين اني مو وحدي سمر ونور هم اشترو وانتو هم اخذتو لتذبون كل الوقت براسي
علي. حقج حبيبي بس يلا اخذو الحذاء دنروح ناكل والله انتهيت اني
نور. اني بعد ماكدر حصعد للمطعم من تكملون لحكوني
عمر. اوكفي اجي وياج اني هم تعبت
علي. اخذوني وياكم اوكفو
مريم. وييين غير تختار وياي الحذاء
علي. حبيبي اني حلبسة لو انتي اختاري انتي
مريم. ماكوو روحو عمر ونور ميجي وياكم علي يختار وياي الحذاء
علي. استغفر الله والشكر امري لله يلا امشي
............
نور. اخخ يمة رجلي
عمر. حقج هو انتي خليتي شي مشتريتي عبالك انتي العروس
نور. ياا هو اني شخذت بس فستان وحذاء واكسسوارات ومكياج
عمر. مكايلة شي
نور. والله قليلات سمر اخذت 3 فساتين وهي البارحة اشترت هم 3 صارو 6
عمر. لج هاي سمر مهووسة بالفساتين لو تشتري المول كلة متشبع
نور. اي والبارحة لعبت خلقة بابو المحل هم محلة وهم طردتة منة والله شنو تريد تجرب الفساتين خطية شسوت بي 😂
عمر. خرب يومة هذا امة داعية علية وطلعت بوجهة سمر 😂😂
نور. ايي 😂😂😂😂
عمر. دايمة هالضحكة الحلوة
نور. احمم شكرا ☺️🤭
عمر. لا ولج هو اني الضحكة ماخذة عقلي نوب تخجلين اتخبل هسة بنص المول
نور. ههه كافي ولك
عمر. نور
نور. ها
عمر. احبج
نور. 😳😳
عمر. دادعي الف دعاء بكلبي انو ماحصل راجدي او شي منج بس اريد تسمعيني مو اكثر
نور. ماريد اسمع شي عفية عمر سد الموضوع
عمر. اعرف صعب عليج واللي مريتي بي مو قليل واني كلشي مرايد منج بس تنطيني فرصة والله وعد مني اذا نزلت دمعة وحدة منج اكتل نفسي والقرآن
نور. بس.....
عمر. لتكولين اي شي هسة اني نيتي شريفة ومستعد بهاللحضة اخطبج خلي هالشي ببالج وانتضرج طول العمر وماجبرج تحبيني بمرور الوقت من تشوفين اهتمامي وحبي الج حتحبيني تلقائيا متأكد فكري زين اذا تريدين بس خطوبة هسة تتعرفين علية اكثر وشوكت متأكدين من مشاعري ومن صدقي نتزوج واذا متريدين خطوبة هم نكدر نكون حبيبين نتعرف ع بعض واذا ماعجبتج يابت الناس الج حرية الاختيار ننفصل رأسا
فكري ع راحتج ورديلي الخبر
عمر. واعرف هسة اني خجلتج وانبلع السانج ف حروح اوصي اكل واجي علما يروح الخجل منج شوية تمام
نور. تمام....
راح يجيب اكل كلبي يوجعني نزلت دمعتي رأسا ياربيي ماريد ماريد اني طلع حيدر من كلبي بس احس من ينذكر موضوع الحب ارجع اتذكرة كلش كرهانتة حاليا عمر حباب ومناقصة شي بس اني ماحبة مستحيل اوهمة واني ماحبة لازم ارفض ايي لازم بس عيب ارجعلة الجواب رأسا خلي بالليل ارجعلهيا
عمر. وصيت الاكل وخابرت علي اشترو الحذاء هسة صعدو
نور. اي
عمر. نور لتضلين ساكتة احجي اضحكي سولفي مثل قبل شوي كانو كلشي ماصاير لتحسسيني بالذنب لاعتكافج
نور. لا والله مو عليك هسة يجون البنات وترجع الاجواء لتخاف
سمر. اي طبعا ترجع بوجودي اني سكر محلي محطوط ع كريمة
عمر. شلون سكر محترك بعدين كحي سوي احم طبيتي مثل المداهمة
سمر. باع هذا عود هو ابيض مني شايف نفسة علية اليسمعك يكول انتة ثلج شو انتة كلك حنطي
نور. لا عمي انتي سكر وعسل هم معليج بعمر تعالي تعالي حيجي الاكل مو خبصتينة الصبح جوعانة وجوعانة
مريم. ترا اني هم جوعانة اخوان شوية دلال الي مو اني العروس
نور. شددد طلعتي تغارين 😂😂
مريم. طبعا لعد وحد
علي. شطلبتولنة ولكم
عمر. اني وسمر وبزونة بيتزا  وانتة كرسبي ومريم همبركر والحلا طلبت كلنة قطع كيك زين هيج
علي. عفية زين بس ديربالكم عالبيتزا مالتكم لان عدنة باندا هنا من يخلص الهمبرغر مالتة يتطفل عالبيتزا 😂😂
مريم. عليي 😠
الكل. 😂😂😂😂😂😂😂.......... يتبع

هااا يلا تفاعلكم اخوان تصويت وتعليق حلو مثل وجوهكم وشعندكم كرايب واصدقاء حتة اذا ميقرون قصص جيبوهم سحل يقروهة غصب 😂😂 احبكم ❤️❤️