عشق السراب

Part 7

نور. نزلنة ولكينة استاد علي يروح منا ويجي منا 😂
علي. ها هلوو شعجب نزلتو
نور. ايي مسوي نفسك الامير الفقير ومجنت تلوب وتنتضر ننزل موو
علي. ع شنو انتضر اصلا صدفة نزلت توني
مريم. اني مستمتعة بالمشاهدة وحاصرتني الضحكة هو غير سلكناك يالة نزلنة ندري بيك تحوص منا ومنا ومغلسين 😂
علي. لج ام كرش اني اعلمج متفقات علية
نور. ولك منو ام كرش لتغلط ع صديقتي صدك ع طاري الكرش اني جوعانة 🥺🌚💔
مريم. اي والله علي واني هم
علي. افه عليكم جوعانين وعلي موجود هو غير محضرلكم وليمة بس انتو منزلتو فقررت اعاقبكم يالة تاخذون الوليمة
نور. اني من هسة موافقة عالعقاب يلا انطيني شجايب
علي. انتي حتة اهلج تبيعيهم عالاكل دعرفي العقاب اول شي يجوز صعب متكدريلة
نور. كلشي يهون للاكل موافقة عالعقاب معليك جيبة يلا
مريم. اني مثل نور يلا جيب
علي. بالاخص انتي مريومة حتدفعين الثمن غالي ترا وايالج وبالج تفلتين من العقاب وغمزتلهة
نور. لكك ادبسز ضربتة جلاق يمكن شكيت البنطرون مالتة 😂 شو انت متستحي اروح اكعد امي عليكم واني اكول حبهم طاهر ترا اشوف اني نسيت انت الضاهر وانتي يالفاهية شبسرعة فسدج
علي. ولللج تعالي وين بالج انتي شكد وصخ يول قصدي اخطبهة هسة واجيبهة يمي وغصب عنهة تقبل ماكو لاتكمل ولا بطيخ بس خربتي ام الدنيا
نور. يااا واني شمدريني انتة غمزتلهة مثل الشباب الفلتانين
مريم. صرت اعيبلهة مثل الشباب الفلتانين ولج نويرة انتي بلا عيون جنة صايحين الويل منج نوب هسة بعيون صاحية شحتسوين بينة بعد وانتة بلا حجي زايد منتزوج هسة وجيب الاكل عاد ترا اروح انام
نور. اي كلام مريم صح تجيب الاكل لو نروح ننام ونخليك وحدك تفتر بالبيت مثل البزونة الجوعانة تدور ع اكل هاا شقررت كدامك 10 ثواني
علي. لزمتوني من ايدي التوجعني اني اعلمكم هسة اجي طلعو للكراج الجو حلو
نور ومريم. بضحكة خبيثة تمام 😎😂
رحنة كعدنة بالكراج عدنة حديقة صغيرونة مرتبيهة ومعتنين بيهة كعدنة بيهة ننتضر علي شوي واجا هاي شنو شايل كومة علاليك بيدة منضرة يضحك 😂 كمنة اني ومريم تلكينا اخذنة الغراض منة اباوع هاي شنوو بيتزااا عزااا كمت حضنتة واعض بخدودة احب هالاكلة كللش رجعت متحمسة اكلب بالاكل عزاا كريب وكيك وهمبركر ولكك هاي شوكت جبتهن
مريم. من هسة الهمبركر الي والبيتزا الج هاا شكلتي
علي. اي واني هنا ابن البطة السودة ما الي شي اكعد بس اباوع عليكم ومن تاكلون تكولون هاي اللكمة باسم علي واني تلقائيا اشبع مو
مريم. 😂😂😂😂 ولكك انتة جايبهن النة الك
نور. اكلج عوفي المفجوع علي خل نتفق هنة 3 لفات همبركر وحدة الج ووحدة ال علي ووحدة والبيتزا الي هاا
مريم. لا والله انتي شلونج شنو تاكلين البيتزا والبركر وحدج
علي. ترا هسة الطخجن راس براس واكلهن كلهن كدامجن ومانطيجن اي شي حطن الاكل مثل الخلق والناس مو مثل المفجوعين وخل ناكل كلنة ترا يكفي وزيادة يالمفجوعات وانتي مريم شكد تاكلين خدودج حينفجرن
نور. كعدنة ناكل الحد مشبعنة ودك سوالف وضحك اكلكم شبيك مجاعة افريقيا جنتو بالصحراء شربتو الببسي كلة خلروح اجيب هاي قطعة البيتزا مالتي لحد ياكلهة تمام
علي. تمام روحي شكد تاكلين
نور. امشي واحجي مضغوووط
علي. وانتي شبيج مطنكرة
مريم. اني سمينة 😭💔
علي. منو كال ولج
مريم. انتة هسة كلت خدودج حينفجرن يعني اني سمينة
علي. ولج هنة غير يخبلن مال كرطط 😍
تقربت وكرصت خدهة بايدي هي صارت حمرة بالزايد من الخجل بعدج ششايفة تقربت اكثر وهي مشدوهة عضيتهة عضة من خدهة يمكن شلعتة افييش
مريم. ولككك هاي شسويت اخ ماما خديي 😭😭😭 نوووور
علي. اششش ولج زعطوطة فضحتينة هي عضة شسويتلج قابل وبعدين هي معروفة اذا تشوفين خدود طفلة تخبل مو تكزكزين عليهة وتكعدين تعضعضين بيهة
مريم. ايي 😭😭
علي. اني هم شفت خدود طفلة كزكزت عليهن وعضيتهن 🤤😉 لتبجين حتجي نور فضحتينة الله يفضحج
نور. ماكو داعي شفت كلشي
مريم. 😭😭😭 شفتي اخوج شسوة
نور. يطبج طوب شكو منطيتة مجال ركعي بدفرة كلبي خلقتة
مريم. هو اني وين متوقعة منة هالشي صدمني 😭😭 باعي احس انشلع خدي خبييث
نور. صفنت وتذكرت من حيدر صدمني وحضني ضليت متصنمة بمكاني ابتسمت واني بخيالي وسارحة بغير عالم وما احس الا كرصة بايدي صحتني ع زماني اباوع ع علي ونور صافنين علية ويضحكون
نور. هاا شبيكم تضحكون شنو تصالحتو
علي. والله قديمة انتي اذا انتي صافنة وسارحة بغير عالم تصالحنة وراضيتهة ببوسة 😉 وانتي متدرين
مريم. عزااا جذاب والله لتصدكي علييي
علي. 😂 وين جنتي صافنة ولج تحبيمن
نور. 😒 هذا السؤال الام تسئلة مو انتة بعدين كل اليصفن يحب معناهة حتة المطي يحب 😂😂
عزااا الساعة ب 6 ولكم طلع الصبح امشو ننام ورانة دياحة
علي. تديحون من وراية ويين
نور. انتة ممحسوب ع طلعة باجر طلعة بناتية نروح اني ومريم نتسوك ملابس وكذا
علي. 😒 يلا ولو نامو تصبحون ع خير
نور ومريم. وانتة من اهلو
..................................
ثاني يوم
نور. اليوم يومي اروح للماركت اشوف حيدر واشوف الناس والجو والعصافير وكلشيي تأنقت ومكياج وكذا ومريم هم مثلي طلعنة صاكات نزلنة تريكنة وطلعنة الفرحة مو سايعتني رحنة اول شي عالماركت وغيوني تدور ع حيدر اريد اشوف ملامحة اريد اشوفة حموت من اشتياقي اشتاقلي كل هالفترة سال عني اجا للماركت كل هالتساؤلات ببالي شو ماكو ماهوة وين اختفة تعكر مزاجي ملكيتة رحنة عالمول اشترينة ملابس ومكياج واحذية وافترينة واكلنة بالمطعم ورجعنة للبيت هلكانين من التعب وفرحانين بالشوبنك اللي سوينا والفرة اللي افتريناهة تغدينا ونمنا من التعب ماكعدنة غير بالليل ميتة جوع مريم الدثووو كومي جوعانة خل ننزل نشوف اكل
مريم. اني هم جوعانة بس مابية اكوم روحي سوي اكل وجيبي هنا ناكل
نور. دروحي اني هم مابية حيل كومي انتي سوي وجيبي
مريم. ماكووم مابية
نور. نضل وحدة تشمرهة عالثانية كومي نسوي سوا وناكل سوا يلا
مريم. اهووو تمام كايمة نزلنة ضلينة نفتر الساعة ب 11 الاضوية مطفية َكلهة نايمة واستاد دايح اقصد علي ماكو بالبيت شوكت ناوي يرجع وجه الصبح ضلينة نفتر بالمطبخ لكيناهم مبقيلنة بالفرن عشا كباب وكبة وحبشكلات هممم ولج نور لكيت اكل سوي زلاطة عالسريع وجيبي الببسي وتعالي وراي خل نكعد بالحديقة ناكل
نور. تمام روحي حضريلنة كعدة جاية وراج
حضرنة الكعدة والاكل وكعدنة ناكل ونسولف شوي نوب كل وحدة عينهة بفونهة ونرجع نسولف وع هالرنة الحد متعبنة صارت ب 1 وعلي بعدة دايح ولج مريم انتي متغارين ع رجلج دايح لل 1
مريم. ولج منين اجا رجلي شبسرعة زوجتيني
نور. هو المهم رجلج المستقبلي متكولين وي يولي
مريم. ولج لتخافين مامنة علية مسوين لمة هو واصدقائة شلة كاملة عندهم صديق عزابي دائما يجتمعون يمة نراكيل وفيفا وسوالف للصبح
نور. والله زين تعرفين اخوية اكثر مني ولج
مريم. لعد شعبالج
علي. اني اجييييت......... يتبع

هااااا شلونكم بعدهة حسرة بكلبكم تعرفون شي عن حيدر مو لو تموتون الا اشويكم شوي يالة اوضح لان تفاعل ماكو تشوفون وتطلعون كبل حتة متتعبون نفسكم بتصويت صغيروني 😒 المهم تفاعلو حتة اوضحلكم غيرت صورة الغلاف شتكولون منو اللي بالغلاف تتوقعو حيدر لو شخص ثاني 😉❤️ احبكم❤️