نور. طول الاسبوع اني بغير عالم منتضرة العملية كل ما يتقرب الموعد احس اقترب موعد موتي واهلي وياي بكل لحضة يطمنون بية ويحاولون يغيرون من نفسيتي ومريم طول الاسبوع يمي واجة اليوم الموعود.......
...........
بعد العملية
تمت العملية بعد معاناة وخوف لبست لبس العمليات الازرك واخذوني الغرفة العمليات وحدي بدون اهلي! جان دكتور عمر لطييف كلش الدرجة مو طبيعية ويسحب الخوف بطريقة احترافية كم طبيب جوة ايدة نمت عالسدية تبنجت وانطفت الاضوية وماحسيت بشي بعد الا بعد ما فكني البنج(البنج موضعي عن طريق قطرات للعين) وهاي اني نايمة ولافة عيوني بشاش اخذنة التعليمات والتحذيرات وغيرهة من الشغلات الروتينية جنت كلش متحمسة اشيل الشاش بس مو هسة لازم فترة ابقة راسي مرفوع وماادنك هواي واخذ فترة استراحة بين قوسين اهلي ابد معافوتي ومريم سودة علية بكل خطوة وياي ومراحت لاهلهة ابدد نومتهة وكعدتهة يمي وهي وامي متناوبات علية حتة الليل مينامو من اكون نايمة خاف احتاج شي مريم صيقة ونعمة الصديقة مو بس صديقة اختتت خلال هاي الفترة كلهة اني افكر بحيدر حشوفة واشوف ملامحي واشوف الحياة الفرحة مسايعتني بس خايفة بنفس الوقت الحد هسة يراودني تفكير انو اشيل الشاش والدنيا بعدهة ضلمة اذا صار هالشي شنو يكون رد فعلي اموت غير من الخوف صرت حتة احلم انو نشيل الشاش ومايتغير شي وافز مرعوبة والهالسبب يتناوبن علية امي ومريم مرت الايام واني احسب لليوم اللي اشيل بي الشاش اجة اليوم الفرحة مسايعتني
.................................
نور. دكتور استعجل بعد ماصبر
عمر. دافتحلج الشاش غير علكيفي اصبري
نور. ماصبر خف ايدك
عمر. هاااا اها شلنا ابقي مغمضة
نور. انتة دتموتني عالبطيئ يمعود
عمر. ههههههههههه ولج ميصير تفتحيهة رأسا هسة علكيفج فتحيهة شوية شوية صرت كبالهة يعني اول متفتحهة تشوفني اول واحد
نور. فتحت عيني شوي شوي كوة داحاول افتحهة مغوشة بس اكو ضوة والله اكو ضوة صرت اضحك واحجي ولكم داشوف ضوة
عمر. لج صبري بعد هسة ثواني وتشوفينة
نور. شوي شوي بديت اشوف بس مو ذاك الوضوح اباوع الدكتور كبالي ابتسمت بوجهة
عمر. اويلييي هاي الابتسامة بثتلي السعادة الكلبي من شفتهة ها هسة دتشوفيني
نور. ايي داشوفك اييي والله داشوفك بجيت من الفرحة داشوفككككك
عمر. اشش ميصير تبجين افرحي بس مو بالبجي مو زين عليهن مديت ايدي مسحت دموعهة ووخرت كتلهة يلا شوفي اهلج انداربت والكة العائلة كلهة تبجي
نور. اباوع هاي امي متأكدة امي من الحنان اللي بعيونهة شلون ماعرفهة وهذا بابا واكف بصفهة اروح فدوة الهالشيبات وهذا علي يحاول يمسح دموعة وتنزل غصب وهاي مريم اختي وتؤام روحي واكفة بصف علي وخالة ايدهة ع وجههة ومفرفحة من البجي
وهاي خالة ام نور وعمو ابو نور واكفين بصف نور هم يبجون ماما اني داشوفكم مريم حبيبي شيلي ايدج عن وجهج داشوف ملامحج شالت ايدهة ووجهة احمر من البجي تبجي وتضحك تقربو كلهم وصارو داير مدايري ناس لازمة ايدي وناس حاضنتني وناس تبوس بية باوعت بين كل ذولة العمر واكف ع صفحة ومستمتع بالمنظر اللي ديشوفة وعيونة بيهة لمعة غريبة لمعة فرحة وشي ثاني مينحزر من شافني باوعتلة ابتسملي ضحكتلة هالانسان لو يطلب روحي ترخصلة اني مدينة الة بروحي رجعلي حياتي خلصت فترة الصدمة والفرحة برجوع نضر نويرة طلعنة من يم الدكتور ولبست نضارتي الشمسية لان هاي فترة نقاهة مثل منكول ميصير ضوة قوي ع عيوني رجعنة للبيت وراح بابا جاب كيك وامي وام نور استلمن الاكل دولمة وكبب وكباب وغيرهة واني ومريم وعلي فرحانين نضحك ونلعب ونساعدهم بالخفايف حضرنة اجواء ونفخنة نفاخ عفتهم يحضرون بالاجواء وتسحبت اشوف رسماتي صعدت الغرفتي طلعت الاوراق وبديت اكلب هاي كوخ ببداية رسمي باع الشباك طالعة اطرافة من الكوخ وهاي هنا بديت ارسم عيون وملامح متطايرة بس هاي شنو رسم العيون بالبداية ارسمهن دائريات وهاي شفايف وهاي الخشم ماشاء الله ولا خشم عندي عدل كلهن بيهن عوق اهلي جانو يشجعوني ويكولون حلوات وهسة اكتشفت الحقيقة 😂 هاي اول مرة رسمت وجه كامل نص الوجه متغطي بالشعر عبالك سعلوة واذان ماكو اباوع ذني كومة رسمات شيخلصهن هسة بالليل اكملهن دارجعهن وشفت الرسمة ضامتهة طلعتهة راسمة مصطبة عوجة والارجل ممتلاصقات وي المصطبة كل رجل طايرة بصفحة وراسمة عود اني بس جسم كاعد واعوج ضحكت هذا حيدر عود راسمة بس جسم ضخم ووجه بلا ملامح ضميت الرسمة وطلعت كلت بالليل اكمل نزلت لكيتهم مكملين كلشي ودينتضروني ليش مصحتونيي
مريم. اجيت لكيتج تكلبين برسماتج وعين تضحك وعين تبجي مردت اخرب عليج لحضاتج
نور. عزا يروحي تعالي انطيني بوسة لعد هههه تقربت بستهة وعضيتهة من خدهة مريم ملامحهة حلوة نازكة اني اطول منهة هي شوي قزمة وجسمهة حلو مربربة وعدهة خدود وعيونهة سود كبار ورموشهة ثخان وحواجبهة ثخان شفتهة منفوخة ومرسومة وخشمهة صغير وبشرتهة بيضة خدودهة حمر احتفلنة وسوالف وضحك واكلنة ضلينة لليل الضحكة متفارك وجوهنة واني فرحانة بشكل مو طبيعي ساعة اصفن بوجوه العائلة ساعة اصفن عالبيت والالوان البي كملت الحفلة بيومهة اهل مريم باتو يمنة ومريم يمي نامت بغرفتنة بالليل كعدنة اني وياهة نكمل الرسمات الحد موصلت الرسمة لحضةة هاي شنو 😂😂😂 كمت اضحك واباوع عالرسمة هاي اتذكر ببداية تعارفي الحيدر رسمتهة وتخيلتة هو بالرسمة العيون حول والخشم فتحة جبيرة وفتحة صغيرة 😂 والحلك قضية عبالك ضاربة شلل الراس شكبرةةة اكبر من الجتف مريم تباوعلي وتضحك وياي بلا ماتعرف شنو السالفة سولفتلهة كلشي وضلينة نضحك
مريم. ام الدكايك كل هذا وهسة يالة تحجيلي
نور. والله مصارت فرصة وبعدين اليسمعج يكول تزوجت ومكتلج لو ارتبطت هي علاقتنة صداقة وهيج بس نلتقي هناك
مريم. امم نور
نور. ها
مريم. موافقتج المفاجأة عالعملية مو خالية هو كلج وافقي مو
نور. بارتباك هااا لل.. لا هو شعلية بس اني اريد اشوف الحياة وتاملت ووافقت
مريم. اي صدكتج
نور. لج شو صاير عندج السان طلع عينج علي مو جنتي ام نص السان كلشي متحجين كوة اسحب الكلمة منج
مريم. اهوو هسة قابل شحجيت كل شوية وذبيتيهة براس علي بعدين تعالي ملاحضة اخوج ديحوص يريدنة ننزل جوة يمة
نور. اي حيموت خلي خلي خل نكلي شوية يالة ننزل وتعالي ساعديني خل اكمل رسمة حيدر
مريم. تمام
نور. مراح امسحهة واعدلهة مثل باقي الرسمات حبقيهة وارسم غيرهة عالملامح اللي ببالي ومن اشوفة اقارن
مريم. اي خوش فكرة
نور. بقيت ارسم بالرسمة وكل شوي مغمضة اتخيل الملامح وارجع افتح وارسم واباوع ع مريم تباوع بالفون وتبتسم عرفت دتحجي وي الشفية علي ابتسمت ع ابتسامتهة وكملت خلصت الرسمة واخيرا بعد تعب فوك الساعتين مريم ع نفس حطتهة عالفون خليت الرسمة بوجههة ها شلونهة
مريم. تجننننن ولج تجنن معقولة الهالدرجة حلو استاد حيدوري
نور. انجبي شمدريني اني عالملامح البعقلي رسمتة
مريم. هسة يطلع ازرك اجلح وانتي راسمة بوراك هنا 😂
نور. يروحلة فدوة بوراك
مريم. هااااا
نور. ووجع امشي ننزل واحد حتة يخاف يذبلة كلمة هنا بهالبيت
مريم. تمام يلا.......... يتبع
......................
هااا شلونكم توقعاتكم البارت الجاي وشنو حيصير بنويرة وحيدر تابعو وتفاعلو حتة اتحمس اكتبلكم ❤️
أنت تقرأ
عشق السراب
Romanceشنو موقفكم من تحبون شخص بدون متشوفو وفجأة يتحول هالشخص سراب وسبب دماركم وتعاستكم تابعو قصة نور
