عشق السراب

Part 18

نور. شبيكم مصدومين اعترفلي ورفضتة بحفلة اليوم بس مدري شبي حسيتة مطنكر علية وميرفع عينة بوجهي ابد واني ممرتاحة 😕
مريم. لان تعرفين تصرفج غلط
سمر. لج اضربج ضربة اعمي عينج هسة هي هاي سواية
نور. مدري سمر ماريد اكسر كلب اخوج لان ماحبة
سمر. 😂😂😂😂😂😂
نور. شبيج
سمر. انتي من كل عقلج تحجين لج غير حتموتين من القهر لان رفضتي بابا تحبي بس متريدين تعترفين تخافين انتي انسانة جبانة من كلشي تخافين تصطنعين القوة بس بالحقيقة قوتج صفرر انتي جبانةةة جبانة خلي هالشي ببالج صعدتي ضغطي بغبائج رايحة انام
نور. ضليت صافنة فرت عقلي فر اني ليش جبانة من صدك اسبابي للرفض جانت تافهة اني مو جبانة وهسة اثبتلج ياسمر اني مو جبانة اخذت فوني ونزلت للحديقة بالنص ساعة واني احاول اتصل بي حتة ارجع بقرار الرفض واكلة موافقة بس ماكدرت نزلو دموعي من صدك جبانة اني صعدت للغرفة نمت ودمعي ع خدي ليش ماعرف
...................
كعدنة من النوم هوسة وشغل وناس تروح هيج وناس تجي هيج سبحنة عالسريع بالمعارك وطلعنة نشفنة شعرنة وانطلقنة للصالون باصطحاب جلالة العريس استاد علي 😂 هم دك لبخ ومكياج وشسوار وملابس لل ٥ العصر كملنة كلشي خابرنة علي اجا اجت سيارات الزفة للصالون اخذتنة وانطلقنة نفتر بتركيا اجوائهة تجنن وكل شوي نازلين ماخذين صور سيارة اني وسمر وعمر واحمد وسيارة بابا وماما وابو مريم وام مريم وسيارة العرسان احمد عندة اصدقاء هواي اجو منهم كم واحد وكم صديق العمر وعلي وياهم خواتهم هم سيارتين وصارت لخة ناس تركص وي ناس بلا منعرفهم منو 😂 عمر وي الكل اسلوبة عادي ويضحك ويركص بس ابد ميباوع بوجهي وما حاجاني ولا كلمة ضجت بالزايد......
احمد. اوكفو خل ننزل هنا هذا المكان حلو
سمر. اييي يلا اوكفو
احمد. لك سامرر
سامر. هلاااا لك تعال حمود
احمد. ها انتة ومنو اجيت
سامر. اني واختي هناك دتاخذ صور المتشبع
احمد. لك تعال هلي احنة هم ناخذ صور
سامر. لا روح انتة كاعد هنا مابية تعبت من الركص
احمد. حقك اذا انتة بعرس امك مراكص هيج ركص
سامر. دنجب لك ساقط يلا روح اخذ صور صرعتنة
احمد. هههههه حبيبي سوسو باي
سامر. والله بيك دفرة سوسو شنو قابل اسمي سارة
احمد. 😂😂😂
رحت اضحك وايدي بجيبي داطلع فوني اصور وماحس الا اني سابح بالببسي خرببب لج شنو هاي عمية انتي متشوفين
رفعت عيني داشوف منو هاي الثولة والصدمة اجت شهالعيون 🤤
ضحكت 😂😂😂😂😂😂
ماريا. شكو تضحك فوك ما وكعت عصيري
احمد. لا داضحك ع عدستج واكع تك منهة شكو تلبسوهة اذا مو كدهة كوة تحلون نفسكم 😒
ماريا. هوب هوب استاد عدسات ترا مواكعة عدسة ولا بطيخ اني عيوني كل وحدة لون
احمد. لا بربج لتكوليهة شو تعالي تقربت اريد افرك عينهة حتة اتأكد بعدني بصدمتي
ماريا. يمعودد مو جنك تعديت حدودك شسالفة
احمد. اسف والله بس صدمتي وفضولي كالولي افرك عينهة حتة تتأكد 😂😂
ماريا ماكو داعي تصدك متصدك براحتك باي
احمد. هاي شبيهة 😕
..............
رجعنة للركص والردح وصار لازم نزفهم وديناهم للفندق ورجعنة كلمن البيتة وعيون هالبنية ولا تروح من بالي...........
سمر. نووور تعالي سمعيييي
نور. شكو ولج
سمر. سكتي حفتح الكتم
اي عمر تسمعني
عمر. اي اسمعج هسة تمام مو تنسين تحضرين نفسج باجر
سمر. ع شنو
عمر. هاي شبيج شمشربيج بالعرس ونثولتي صارلي ساعة شرطن
سمر. لا مو بالي شوي مجان وياك بس عيد بالمختصر
عمر. باجر الضهر اجي عليج حتة تلحكون تحضرون نفسكم العصر نروح البيت خالة داليا نخطب بفرين منهة
سمر. المن احمد ميريد يتزوج شلون قنعتو
عمر. لج اني شلون بغبائج داكلج الي مو لاحمد
سمر. ها تمام تمام يلا باي
سمر. سمعتيي راح منج بحححح بعد ماكو عمر
نور. اباوع عليهة بصدمة ودمعتي بعيني اي عادي خل يخطب الله يوفقة
سمر. انتي شنو هالبرود العندج لج بفرين تعشقة العمر وتتمنة رضا اذا راح باجر يخطبهة ايسي بعد لان حتلزك بي مثل لزكة جونسون ومتعوفة بحالة الا يصير يحبهة وهي طول وجمال وضحكة حلوة ومرحة توكعة توكعة هسة تشوفين
نور. ضليت ابلعم ودمعتي بعيني كافي سمر الله يوفقة سوة الصح
........
نزلت للحديقة هاي شبية يربي كمت ابجي هسة اني شريد اني رفضتة بنفسي ليش دابجي علية حيخطب باجر خابرتة
عمر. الو
نور. ااألو عمر!
عمر. هلا نور تفضلي خوما صاير شي
نور. نوب يحجي وياي برسمية وين بزونتي لعد
عمر. نور وياية الوو
نور. هاا اي اي وياك ا شسمة ممكن نلتقي باجر الصبح يم الحديقة اللي قريبة من الماركت اليمنة
عمر. ليش خوما صاير شي
نور. هاا لا ماكو شي بس اذا صار عندك مجال باجر ب ٩ يم الحديقة باي
عمر. هاي شبيهة
.........

نور. كوة نمت بس كم ساعة كعدت ب ٨ ونص غسلت وجهي لبست جينز ثلجي وتيشيرت اسود وحذاء اسود عفت شعري ع حطتة ماخليت مكياج وجهي منفوخ واحمر وخدودي حمر وعيوني هم نزلت الكل نايم كلت اروح عالسريع واجي رحت كعدت شوي واجة توترت حتة ماعندي موضوع معين شكو خابرتة هسة شحكولة
عمر. ها نور قلقتيني صاير شي
نور. هاا اكلك هو شسمة انتة صدك حتخطب
عمر. حصرتني الضحكة بربج جايبتني مناك لهنا علمود تسأليني هالسؤال
نور. هاا لا مو هذا الموضوع يعني هيج هذا السؤال عابر
عمر. اي حخطب اليوم
نور. هاا الله يوفقك حجيت وعيوني مغوركة بالدموع
عمر. تسلمين شنو رأيج تجين وي سمر اليوم تروحون وي امي تخطبولي
نور. انتة شنو من بشر ماعندك احساس البارحة تصيحلي بزونتي واليوم تريد تخطب غيري وفوكاهة تريدني اجي وياك
عمر. انتضرتج وانتي رفضتيني
نور. اي من اول مرة كيفت اجتك الفرصة وفلتت عالاقل محاولت مرة ثانية وثبتتلي انتة تحبني اني هذا الجنت خايفة منة متشوف رفضتك كمت ابجي انتة حقيرر ضليت اضرب ع صدرة
عمر. هشششش كافي كافي لزمت ايدهة وحضنتهة كامت تشهك بالزايد كافي اشتعلت عشيرتك عمر خرب غيرتك ع هالسالفة كافي ولج هو منو كلج اباوع ع غيرج بس مجرد ردت احسسج انتي تحبيني مو اكثر لا خطبة ولا بطيخ
نور. يعني جذبت علية ومكالمتك انتة وسمر البارحة
عمر. متفق عليهة يا بزونة لج هاي العيون ساحرتني شلون اباوع الغيرهة وبعدين كافي تبجين باعي شصار بوجهج وشفايفج صارو كرز حسوي جريمة
نور. ضحكت وعيوني بعدهة مدمعة
عمر. يعني هسة انتي تحبيني وموافقة علية وهذا اكبر دليل
نور. امممم
عمر. خرب عشيرتك عمر انتي جبرتيني شو تعالي...... 
نور. عزااااا
عمر. اويلي طعمهن يخبل
نور. 🤭
عمر. شبيج انبلع السانج هي بوسة 😉
نور. كافيي عليك الله حوكع من الخجل خلروح للبيت احسلي
عمر. ويين تعالي اني اوصلج
نور. لا اذا يشوفوك وياي اهلي شيكولون اني اروح اصلا قريب البيت من جنت عمية جنت اجي لهنا وحدي
عمر. تمام
نور. باي عمر
عمر. بايات يروح وكبد وكلب وعشك عمر
نور. 🤭😊......... يتبع

واخيرا صارو عصافير حب من اول اعتراف انحراف 😂😂 شلونة البارت اخوان ها وكل عام وانتو بالف خير وان شاء الله تكونون بصحة وسلامة وتحققون كل احلامكم 💙🥺 احبكم ❤️