نور. رجعت للبيت لكيتهم كاعدين ديتحضرون الجية مريم وعلي
رفاه. ولج وين جنتي
نور. كعدت من وكت ضايجة تمشيت شوية للماركت واجيت
رفاه. رفعت حاجبي باستغراب كلتهة بتحذير للماركت
نور. شنو هالنبرة ماما ليش كوة تذكروني بالماضي حرام اطلع يعني
رفاه. لا حبيبتي طلعي بس لتنسين اني امج ووياج دائما بالصح وبالغلط تعالي كوليلي شيصير وياج لتخلين اسرار وحواجز بينة اني صديقتج اكثر من انو اكون امج خلي هالشي ببالج
نور. يروح نور وكلب نور والله ماكو شي رحت تمشيت شوية واجيت السالفة اللي ببالج انست من يوم مدينة الالعاب ومافتحتهة بعد لا وي احد ولا حتة بيني وبين نفسي
رفاه. عفية ببنيتي القوية يلا تحضري حيجي اخوج ومريم
نور. تمام
صعدت اتحضر واكعد سمر اجتني رسالة اشتاقيتلج ضحكت كتبتلة هسة جنت يمك وين لحكت تشتاقلي سديتة وكعدت سمر جلاليق ودنبدل اشوفهة تباوعلي تنتضر مني احجي جنهة تعرف كلشي مو بنية مصيبة
نور. لتباعيلي بهالنضرة ترا بعدني ممحاسبتج واذا عاللي ببالج اي صار وارتبطنة ارتاحي
سمر. كلللللللوش
رفاه. ولجن شكوو
نور. عزا بعينج سمر ماما ماكو شي هاي المخبلة فرحانة بالعرسان من هسة دتتدرب تهلهل
سمر.كعدت بالكاع طاكة من الضحك تعالي ولج احجيلي عليج الله
نور. اول عقاب انو ماحجيلج اي شي هسة خليج تحتركين بفضولج منا لمن نجتمع وي مريم يالة
سمر. هسة اخابر عمر اخلي يحجيلي
نور. شحدة هسة حخابرة وانبهة كعدي سمعي اتصلت
عمر. اول اتصال النة ك حبيبين بزونتي هي اللي اتصلت من نتزوج ونجيب نجهال مو تكوليلهم ابوكم زحفلي خير دليل اول اتصال جان منج
نور. 😂😂😂 ولك اكلتني وشربتني دصبر خل احجي
عمر. الساحة الج بزونة تفضلي غردي
سمر. هواي متعلق بالحيوانات بزونة وغردي 😂😂
عمر. انجبي سمر احجي حبيبي كل اذن صاغية
نور. حبيبييي
عمر. اويلي ضربتين عالراس توجع الصبح احصل حضن وبوسة وهسة حبيبي يربي اذا هذا حلم لتصحيني خليني بغيبوبتي
سمر. شددددد
نور. ولك فضحتنة السانك وانتي انجبي باع عمر هاي سمر اريد اعاقبهة وتعرف اختك رب الفضول وتريد تعرف شصار وياي من البارحة لليوم واني مراح احجيلهة هسة ايالك وبالك تحجيلهة
عمر. هذا طلب لو امر
نور. تهديييد
عمر. حاضر سيدي العتوي
نور. هاي شنو انتة شبيك وي الحيوانات نوب عتوي
عمر. حبيبي مو انتي عيونج عيون بزونة كبار وحلوات وكعني بالفخ ومحد سمة علية ف اصيحلج بزونة ومن تعصبين تصيرين عتوي( قط) شرس
نور. وانتة شنو عيني استاد عمر اسد
ونخلف خرفان ونعيش بمزرعة
عمر. جوييي يلا لعد خل نخطب
نور. اصبر فد اسبوع نتعرف ترا كلشي ماعرف عنك
عمر. واني كلشي اعرف عنج
نور. 😒
سمر. عيني عصافير الحب ترا اجو الجماعة امشي عوفي استاد عمر
نور. يلا كلبي حروح
عمر. كلبج يروحلج سبع فدوات شهالدلال
نور. ههههه باييي
عمر. بايات
اجو علي ومريم واحتفالات ودك وركص ومدري شنو اني بعالم ثاني نفسيتي مرتاحة واحس فرحانة شعور حلو شعور بحياتي محاستة يختلف عن شعوري من حبيت حيدر ماعرف اذا جان صدك حب وتجربة فاشلة او اعجاب بس وي عمر احساس حلو عشك متبادل وغزل ودلال مرتاحة الهالموضوع خلص اليوم بين فرح وهوسة وسوالف وركص مشكل يالوز اجتمعت الشلة بالليل........
......................
احمد. الو
ماريا. الو منو
احمد. عيونج يفيدن
ماريا. منو انت
احمد. من خلال عيونج كدرت الكاج وبسهولة
ماريا. مدافتهم شدتحجي انت منو
احمد. اني احمد
ماريا. يا احمد
احمد. اللي كلبت عليج عصيرج وكتلج عدساتج واكعة 😂
ماريا. اهووو هاي انتة شجابك علية منين جبت حسابي
احمد. مو كتلج من خلال عيونج
ماريا. شلون يعني
احمد. كل اللي جانو بالعرس نشرو وتاكات من ناس الناس لكيتج خالة صورة عيونج بالبروفايل ف مجان صعب معرفتج
ماريا. والمطلوب هسة شنو
احمد. ماكو شي نصير اصدقاء؟
ماريا. ليش
احمد. مدري ضليتي ببالي
ماريا. ماريد صداقات 😒 باي
احمد. خرب حضي سدتة بوجهي يلا المحاولة الجاية باجر
..........
نور. يلا كعدو
مريم. حطك من فضولي احجيي
سمر. اني اعرف رؤوس اقلام بس اريد تفاصيل احب التفاصيل
نور. البارحة سوو التمثيلية اللي حجتلج عنهة سمر العصر واني كملتهة الصبح 😂
مريم. احجي تفاصيل يمعودةةة
نور. تماام خابرتة بالليل اتفقت ويا نتشاوف الصبح يم الحديقة اللي يم الماركت وووو.......... سولفتلهم كلشي وهنة يكمزن ويركصن فرحانات اكثر مني 😂😂
نوب افترقنة ست مريم راحت يم علوش وسمر راحت تخابر استاد سوري واني كاعدة اشخبط وارسم اتصل عمر والله اجة بوكتة جنت اريد اتصل بس استحي جاوبت ونزلت للحديقة للصبح سوالف..............
مرت ايامنة متشابهة الصبح طلعات واهل ولمة وبالليل كل وحدة تكعد تدك سوالف للصبح وي الحب مكالمات عشقت عمر صرت ماتخيل حياتي بدونة قررنة نخطب بس بعدني متخوفة ومترددة وخايفة من رد فعل اهلي بس هو قواني وياي بكل لحضة اول ما بلش حاجة علي وعلي اجة كال الابوية وامي واني منطية الاذن الطرشة مسوية نفسي. ماعرف شنو السالفة ومغلسة الخجل اكلني ضلو يتناقشون بينهم ومدري شنو وصاحوني اجاك الموت ياتارك الصلاة رحت كعدت يمهم حجة بابا. نور اكيد عرفتي عمر طلبج من اخوج علي
نور. اي بابا
عبدالله. اي خبيبتي شنو رأيج احنة منضغط عليج ع راحتج موافقة موافقة مموافقة تنسد السالفة ومتنفتح بعد منجبرج ع شي حبيبتي بس عمر خوش عمر وكفاتة ويانة مو قليلة ورجال ابد مشفت منة فد تصرف محلو بيوم من الايام متأكد اذا وافقتي حتكونين بايد امينة وحيصونج ويحافظ عليج وانتي براحتج بعد
نور. ضليت صافنة هسة شجاوبة عيب اكول موافقة رأسا خاف يشكون
رفاه. خليج فكري ع راحتج وانطينة الجواب من تقررين
نور. كلت بكلبي والله يمة جنج فاهمتني تستاهلين عضة من هالخدود.... اي ماما انطوني وقت افكر
...........
صعدت للغرفة ورا شوي لحكتني ست رفاه اللي متفوتهة فايتة
رفاه. ام الفواين جان فضحتينة عيونج تكمز منا ومنا لوما انقذج اني جان كمتي تغنين زفوني ماريد العشة
نور. عزااا الهالدرجة يعني
رفاه. واكثر بس ابوج مطفي خطية سودة علية ومنتبهلج مدري انتبه وغلس
نور. ماما لتخجليني عفية استحي احجيلج والله
رفاه. خلف الله عليج ع شنو تستحين ولج غير امج اني تعالي احجيلي من شوكت صار هالحجي
نور. هو صارلة بحدود الشهر من اعترفلي وكال اني ماخون ماما والله امانة الله راد رأسا يخطب بس اني كتلة خلينة نحجي اصدقاء فترة اسبوع اسبوعين نتعرف اكثر يالة وهاي صارلنة بحدود الاسبوعين وقرر يخطب
رفاه. الف مبروك يروح امج خليهة علية كم يوم وارجع الموافقة لابوج عيب نوديهة من هسة شنو مستعجلين
نور. اي ماما صح
رفاه. يلا تصبحين ع خير نامي
نور. تمام وانتي من اهلو
.................
عمر. شنو افكر ليش السالفة يرادلهة تفكير
نور. اي حبيبي قابل افضح نفسي واوافق رأسا هو كلت افكر وامي لكفتني اذا اوافق رأسا انفضح.......... يتبع
هاا اخوان والله داحاول اسرع شكد ماكدر بالاحداث بس حتة اختم ماعندي طاقة للكتابة بس كوة داكتب هذا واجبي ميصير اخليهة عالنص لازم اكملهة احبكم ❤️
أنت تقرأ
عشق السراب
Romanceشنو موقفكم من تحبون شخص بدون متشوفو وفجأة يتحول هالشخص سراب وسبب دماركم وتعاستكم تابعو قصة نور
