رواية بعنوان
#السارقة
الحلقة_1
...........................
واني ماشية في الطريق وسرحانه قاعدة نفكر ليش بوي ديما يعامل فينا المعامله السيئة اني وخواتي ...
حاولت تتنسي حزنها ولمعة عيونها برغبة لما شافت
شخص واضح علية الغني والرقي ....
جت خطمت من جنبة وضربت كتفها في كتفة
هوا سرح في عيونها البنية الغامقة ووجها البرئ
اعتذرت منه بطريقة محترمه ورقيقه ومشت كملت طريقها ولا كأنه صار شيء ..
هوا ركب سيارته وقاعد يفكر في البنت اللي شغلة تفكيره بجمالها العربي الاصيل وقعد حاير في طريقة لبسها الغريب واسلوبها اللي عكس شخصيتها فجاءة فنص عيونه قعد يفتش في جيوبة ....
مالك : دارتها بنت اللذينا وسرقتني ..
وقعد يلف بالسيارة ويدور في السارقة الصغيرة ..
قريب يتفكر كيف بنت صغيرة قدرت تضحك عليه
.........
مريم : هههخخخ ياعليك غبي صدق اني بريئة حق
وقعدت تفتش في دزتانه ولقت دسته فلوس وبطاقة مصرفيه وبطاقته الشخصية وووو هلبا اشياء شخصية ..
ابتسمت بشر وروحت للحوش وتغني بصوتها الجميل ..
الاب (عامر) : مروح بكري وسعيد شكلك حصلت هلبا فلوس ...
مريم : تغيرت ملامح وجها وتغير مزاجها ..
اية حصلت وحدفت الفلوس علي بوها
عامر : قريب يطير من الفرحه ...
قعد يشم فيهم وحط نصهم في الخزنه والباقي بيصرفهم علي الخمر والسهرات كالعادة يعني ..
مريم : كملت طريقها للفوق ..
شافت اختها تبكي وتوتي في روحها ..
فهمت مريم كالعادة ان بوها زوج وحده من خواتها لشباني كبير في العمر ...
ريما : حضنت مروة خلاص ياعمري فترة وتعدي
ماتزعليش روحك ياعمري ..
مروة : تبكي ولله مليت والله شيء يقرف لامتي رح نتحمل اني نكون من راجل لراجل كأني بنت ليل ..
مريم غمضت عيونها تحاول تتمالك نفسها وماتبكيش وقالتلها: الكل متحمل قسوة بونا علينا هه عاجبك حالي اللي يشوفني مايميزش اذا كان كنت بنت او ولد ..
مروة : قعدت تضرب في رجلها تبكي في بكي يقطع القلب مليت ولله مليت ..
جت مرت بوها ..
مسعودة : يلا يابنت نوضي وتي روحك راجلك يستني فيك تحت بلاش بكي زايد ..
مروة : مانبيش مانبيش ننزل ارحموني حرام عليكم وقعدت تبكي من القلب ..
مسعودة : احمدي ربك ان بوك يزوج فيك بالحلال علي الاقل انتي خير من غيرك ..
ريما سخنت من كلام مرت بوهم القاسي
ريما : اما حلال واما حرام اللي انتي قاعدة تتكلمي عليه والله حسيت روحي حيوان بشري قابل للبيع والشراء
حتي بنت الليل تمشي برضاها لكن احني بالغصب
وياويل ويله اللي يعصي الكلام والا نسيتو شن درتوا في الهام اختي المكسينة بالك تبوني ندكركم ...
مسعودة : عموما قتلك زوجك يستني تحت
تأففت وطلعت من الدار
أنت تقرأ
السارقة ( روايات ليبية )
Romanceالدنيا القاسية جعلتها سارقة محترفة و لكن سرقة من السرقات تقلب حياتها بعد ان وجدت الحب أمامها ؟ ما موقفها ؟ رواية تجمع بين الحب و الأكشن ؟ و البطل كارتة ❤️ للكاتبة : ميمي
